Marcos 9:20 - DIOSPA QHELQACHISQ

²⁰ Chantá usqhayllata chay waynata Jesusman pusarqanku. Chay supayrí Jesusta rikuytawan, chay kikinpi waynata sinch'ita thalarqa. Waynataj pampaman urmaspa, kayman jaqayman sunt'iykacharqa, siminmantataj phosoqota ajtumorqa.

Qheshwa Biblia DC

²⁰ Pusamorqankutaj ch'itita. Supaytaj, Jesusta rikuytawan, chay kikimpi sinch'ita thalarqa ch'itita; paytaj pampaman urmaspa, kayman jaqayman sunt'iykacharqa, phosoqota ajtumuspa.

DIOSPA QHELQACHISQAN DEUTEROCANONICAL

²⁰ Chantá usqhayllata chay waynata Jesusman pusarqanku. Chay supayrí Jesusta rikuytawan, chay kikinpi waynata sinch'ita thalarqa. Waynataj pampaman urmaspa, kayman jaqayman sunt'iykacharqa, siminmantataj phosoqota ajtumorqa.

Quechua South Bolivia: Dios Parlapawanchej

²⁰ Waynata payman pusamorkancutaj. Chay supayka Jesusta ricuspa waynata t'ucuwan jap'iycucherka. Waynataj pampaman urmarka. Chokaycachacuspataj siminmanta phosokota ajtorka.

Marcos 9:20 ပူးပေါင်းရင်းမြစ်များ

Marcos 1:26

Chay supayqa runata sinch'ita thalaytawan, jatunmanta qhaparispa, chay runamanta llojserqa.

Marcos 9:18

Maypi kaspapis sichus chay millay supay wawayta jap'in chayqa, ujllata pampaman wijch'uykun. Wawaytaj kirunta k'arurakuspa phosoqota ajtumun, k'aspipachataj wijch'ukun. Jinapi noqa yachachisqaykikunata chay millay supayta qharqonankuta nerqani, manataj aterqankuchu, nispa.

Marcos 9:19

Jesustaj kuticherqa: Ay, noqapi mana atinikuyta atej runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay waynata pusamuwaychejmá, nispa.

Marcos 9:21

Jesustaj waynaj tatanta taporqa: Mashkha unayñataj ajinari? nispa. Paytaj kuticherqa: Wawamantapacha ajina.

Marcos 9:26

Jinallapi chay supayqa sinch'ita qhaparerqa, waynata ujtawan manchayta thalaraspataj, paymanta llojserqa. Waynatajrí wañusqa jina choqakorqa. Chayta rikojkunataj nisharqanku: Wañupun, nispa.

San Lucas 4:35

Jesustajrí supayta sinch'ita k'amerqa: Ch'in kay, llojsiy chay runamanta, nispa. Jinapi chay supay runakunaj rikunanta chay runata pampaman choqarqa, llojsiytawantaj riporqa, chay runata mana imanaspa.

San Lucas 8:29

Chantá Jesusqa supayta kamacherqa chay runamanta llojsinanta. Supayqa sapa kuti chay runawan munayninta ruwaj. Runakunataj chay runaj chakinta, makintawan ima cadenawan wataj kanku. Chaywanpis pay cadenata p'itiraj, supaytaj ch'innejman ayqechej.

San Lucas 9:39

Supayqa payta jap'ispa, qhaparichin, sinch'ita thalaspataj, siminmanta phosoqota ajtuchin. Jinataj maytapuni payta ñak'arichin, manataj kachariyta munanchu.

San Lucas 9:42

Wayna qayllaykushajtintaj, supayqa pampaman payta choqarqa. Jesustajrí supayta k'amerqa, jinallapitaj wayna qhaliyaporqapacha. Chantá Jesusqa waynata tatanman pusarqa.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.