Marcos 7:2 - DIOSPA QHELQACHISQ

² Jinapi, paykuna repararqanku Jesuspa wakin yachachisqankuna judiokunaj maki mayllana usunkuman jina, mana makinkuta mayllasqankuta, manachayqa jinalla mikhushajta rikorqanku.

Qheshwa Biblia DC

² Rikorqankutaj Jesuspa wakin yachachisqasninta, ch'ichi makiswan mana mayllakuspalla mikhushajta.

DIOSPA QHELQACHISQAN DEUTEROCANONICAL

² Jinapi, paykuna repararqanku Jesuspa wakin yachachisqankuna judiokunaj maki mayllana usunkuman jina, mana makinkuta mayllasqankuta, manachayqa jinalla mikhushajta rikorqanku.

Marcos 7:2 ပူးပေါင်းရင်းမြစ်များ

San Mateo 15:2

Imaraykutaj yachachisqaykikuna ñawpa tatakunaj usunkuta mana ruwankuchuri? Paykunaqa makinkuta mana mayllakuspalla mikhunata mikhunku, nispa.

Marcos 7:5

Chayrayku fariseokuna, Diospa kamachisqanmanta yachachejkunawan ima Jesusta taporqanku: Imaraykutaj yachachisqaykikuna ñawpa tatakunaj usunkuta mana ruwankuchuri? Paykunaqa makinkuta mana mayllakuspalla mikhushanku, nispa.

San Lucas 11:38

Fariseotajrí t'ukorqa, imaraykuchus Jesús mikhunanpaj makinta mana mayllakusqachu.

Hechos 10:28

Pedrotaj paykunata nerqa: Qankuna yachankichej jina, noqayku judiokuna mana tantakuyta atiykuchu mana judío kajkunawanqa. Kunanrí, Dios yachachiwan ama pitapis ch'ichipaj nitaj pisipaj qhawanayta.

Hechos 11:8

Noqatajrí nerqani: Tukuyta Kamachej Jesusníy, manapuni noqaqa kunankama ni jayk'aj mikhorqanichu Moisespa kamachisqanpi imatachus ch'ichipaj qhawasqa kasqanta nin, chaykunata, nispa.

Romanos 14:14

Tukuyta Kamachej Jesús noqata yachachiwarqa mana ni ima mikhunapis Diospa ñawpaqenpi mana allinchu kasqanta. Chaywanpis sichus pipis yuyan, imata mikhuna mana allinchu kasqanta chayqa, paypaj mana allinchu.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.