Marcos 5:13 - DIOSPA QHELQACHISQ

¹³ Chantá Jesús ajinata ruwanankuta saqerqa. Millay supaykunataj chay runamanta llojsiytawan, khuchikunaman yaykorqanku. Chay khuchikunaqa 2.000 jina karqanku. Jinapi imata jina phawaspa, qaqanta qochaman wijch'uykukorqanku, jeq'eqaspataj wañurarqanku.

Qheshwa Biblia DC

¹³ Jesustaj saqerqa ajinata ruwanankuta. Millay supaykunataj runamanta llojsiytawan khuchisman yaykorqanku. Khuchistaj iskay waranqa jina karqanku. Qaqantataj manchay kallpawan wijch'uykukorqanku qochaman, jeq'eqaspataj wañurarqanku.

DIOSPA QHELQACHISQAN DEUTEROCANONICAL

¹³ Chantá Jesús ajinata ruwanankuta saqerqa. Millay supaykunataj chay runamanta llojsiytawan, khuchikunaman yaykorqanku. Chay khuchikunaqa 2.000 jina karqanku. Jinapi imata jina phawaspa, qaqanta qochaman wijch'uykukorqanku, jeq'eqaspataj wañurarqanku.

Quechua South Bolivia: Dios Parlapawanchej

¹³ Jesús paycunata sakellarka. Runamanta llojsispataj millay supaycunaka qhuchisman yaycorkancu. Chanta chaypi caj iscay warankajina qhuchistaj, tucuynincu, lomamanta callpawan wijch'uycucuspa kakanejta kochaman ch'ulticorkancu. Jek'ekaspataj wañurarkancu.

Marcos 5:13 ပူးပေါင်းရင်းမြစ်များ

1 Reyes 22:22

Chay espiritutaj nerqa: Noqaqa rispa, kuraj kamachejpa tukuynin sut'inchajninkunata llullata parlachisaj, nispa. Tata Diostaj nerqa: Rispa, nisqaykiman jina Ajabta q'otiyamuy. Chayta ruwaspa, pusayta atinki, nispa.

Job 1:12

Chantá Tata Dios ch'ataykoj angelta nerqa: Jina chayqa, Jobpa tiyapuyninwan munasqaykita ruwayta atinki. Chaywanpis ukhunta ama imanankichu, nispa. Chaymantataj ch'ataykoj angelqa Tata Diospa ñawpaqenmanta llojserqa.

Job 2:6

Tata Diostajrí ch'ataykoj angelta nerqa: Jina kajtenqa, paywan munasqaykita ruway. Chaywanpis amapuni payta wañuchinkichu, nispa.

San Mateo 7:6

Diospaj t'aqasqa kajtaqa ama alqokunaman qaraykuychejchu. Pajtataj kutirimuspa qhanisunkichejman. Nillataj khuchikunamanpis perla walqaykichejkunata wijch'uychejchu, imaraykuchus khuchikunaqa walqakunata sarurallankuman.

San Mateo 8:32

Jesustaj nerqa: Riychej, nispa. Chantá supaykunaqa chay iskay runakunamanta llojsispa, khuchikunamanñataj yaykorqanku. Tukuynin khuchikunataj imata jina phawaspa, qaqanta mama qochaman wijch'uykukorqanku, jeq'eqaspataj wañurarqanku.

Marcos 5:12

Supaykunataj Jesusmanta mañakorqanku: Khuchikunaman kachawayku. Chaykunaman yaykojta saqewayku, nispa.

Marcos 5:14

Chayta rikuspa, khuchi michejkunaqa ayqerqanku, jinaspataj llajtapi, campopi ima runakunaman imatachus rikusqankuta willarqanku. Chayta uyarispataj, runakuna imachus kasqanta yachanankupaj jamorqanku.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

1 Pedro 3:22

Jesucristoqa janaj pachaman ripunña, chaypitaj Diospa pañanpi tiyasqa kashan. Paytaj tukuy angelkunata, kamachejkunata, chantá atiyniyojkunata ima kamachishan.

Apocalipsis 20:7

Waranqa wata junt'akojtin, Satanasqa watasqa kasqanmanta kacharichisqa kanqa.

Apocalipsis 9:11

Phinki phinkikunata kamachejqa ukhu pachaj angelnin karqa, sutintaj hebreo parlaypi Abadón, griego parlaypitaj Apolión. Chay niyta munan “chinkachej”, nispa.