Marcos 3:5 - DIOSPA QHELQACHISQ

⁵ Chaymanta Jesusqa phiñakuspa, muyuyninpi kajkunata qhawarerqa, paykunamantataj llakikorqa rumi sonqo kasqankurayku. Chay onqosqa runatataj nerqa: Makiykita jaywariy, nispa. Paytaj makinta jaywarejtinkama, makin qhaliyaporqa.

Qheshwa Biblia DC

⁵ Chaymantá, Jesusqa muyuynimpi kajkunata phiñakuspa qhawarerqa, paykunamantataj llakikorqa rumi sonqos kasqankurayku; runamantaj nerqa: Aysariy makiykita. Paytaj makinta aysarerqa, thañikaporqataj.

DIOSPA QHELQACHISQAN DEUTEROCANONICAL

⁵ Chaymanta Jesusqa phiñakuspa, muyuyninpi kajkunata qhawarerqa, paykunamantataj llakikorqa rumi sonqo kasqankurayku. Chay onqosqa runatataj nerqa: Makiykita jaywariy, nispa. Paytaj makinta jaywarejtinkama, makin qhaliyaporqa.

Quechua South Bolivia: Dios Parlapawanchej

⁵ Jesuska phiñacuywan ujta ujta khawarka rumi sonkoyoj caskancuraycutaj llaquicorka. Maquin wañuska runatataj nerka: —Maquiyquita aysariy, —nispa. Maquinta aysariskantawantaj thañicaporka.

Marcos 3:5 ပူးပေါင်းရင်းမြစ်များ

Génesis 6:6

Chayrayku Tata Dios runata ruwasqanmanta maytapuni llakikorqa. Sonqonpi sinch'ita llakikuspataj, nerqa:

1 Reyes 13:6

Chantá kuraj kamachej Jeroboanqa Diosmanta sut'inchajta nerqa: Mañakuyki Tata Diosniykimanta mañapunawaykita kay makiy qhaliyapunanpaj, nispa. Diosmanta sut'inchajtaj Tata Diosmanta mañarqa, kuraj kamachejpa makintaj qhaliyaporqa.

Nehemías 13:8

Chay ruwasqanmanta sinch'ita phiñakuspa, Tobiaspa chay tukuy imanta jawaman wijch'umorqani.

Salmos 95:10

Tawa chunka watata paykunapaj phiñasqa karqani. Nerqanitaj: Kay runakunaqa mana allintachu purinku, manataj kamachisqaytapis kasuwankuchu, nispa.

San Mateo 12:13

Chaymantataj Jesús chay runata nerqa: Makiykita jaywariy, nispa. Paytaj makinta jaywarejtin, chay makenqa qhaliyaporqa, ujnin kaj makin jina.

Marcos 3:4

Chantá Jesús runakunata taporqa: Samarina p'unchaypi ima ruwanataj allin kanman: Allin kajtachu, chayrí mana allin kajtachu? Runata yanapanachu, chayrí wañupojta saqenachu? nispa. Paykunatajrí ch'inlla karqanku.

San Lucas 13:15

Tukuyta Kamachej Jesustajrí payman kuticherqa: Qankuna puraj uya kankichej. Manachu mayqenniykichejpis samarina p'unchaypi wakaykichejta, chayrí burroykichejtapis phaskaraspa yakuta ujyachimunkichej?

San Lucas 17:14

Paykunata rikuspa, Jesús nerqa: Riychej, sacerdotekunawan qhawachikamuychej qhaliyachisqa kasqaykichejta yachanankupaj, nispa. Paykunataj rishaspallaraj, chay llejti onqoymanta qhaliyachisqa rikhurerqanku.

San Lucas 6:10

Chantá Jesús muyuyninta qhawarispa, makin ch'akisqa runata nerqa: Makiykita jaywariy, nispa. Jaywarejtinkamataj, Jesusqa makinta qhaliyacherqa.

San Juan 9:7

Chantá payta nerqa: Kunanqa rispa, Siloé nisqa estanquepi mayllakamuy, nispa (Siloé “kachasqa” niyta munan). Ñawsa runataj rispa, mayllakamorqa, chantá rikushaj wasinman kutiporqa.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

2 Corintios 3:14

Paykunataj chayta mana entiendeyta aterqankuchu yuyayninku laqhayachisqa kasqanrayku. Kunan p'unchaykama israelitakuna chay ñawpa tratota ñawirejtinku, yuyayninkoqa velowan jina qhatasqa. Chaywanpis chay velo qhatarakun, maypachachus Cristopi atinikunku, chaypachalla.

Efesios 4:18

Paykunaj yuyayninkoqa mana allin yuyaykunawan laqhayachisqa kashan. Chayrayku Diospa qosqan kawsaymanta karupi kashanku, rumi sonqo kasqankuraykutaj mana imatapis yachankuchu.

Efesios 4:26

Phiñakuspaqa, ama juchalliychejchu, manachayqa manaraj inti yaykushajtin, allinyakapuychej.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Hebreos 3:10

Chayrayku noqa chaypacha runakunapaj mayta phiñakuspa, nerqani: Paykuna sonqonkupi pantashallankupuni, manataj munasqayman jina puriyta munankuchu, nispa.

Hebreos 3:17

Pikunapajtaj Dios tawa chunka watata phiñasqa karqari? Payqa chay juchallikojkunapaj phiñakorqa, ayankutaj ch'innejpi wijch'usqa qhepakorqanku.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

Apocalipsis 6:16

Chantá orqokunata, qaqatapis qhaparikorqanku: Pataykuman urmaykamuspa, pakaykuwayku jaqay kamachina tiyanapi tiyashaj Cordero ama rikunawaykupaj. Jinataj Corderoj k'araj phiñakuyninmanta pakallawaykutaj,

Jueces 10:16

Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.

1 Samuel 20:34

Chantá Jonatanqa manchay phiñasqa sayarerqa, manataj qhepan kaj raymi p'unchaypi imatapis mikhorqachu. Payqa Davidmanta sinch'ita llakikusharqa, tatan Saúl Davidpaj millayta rimasqanrayku.