Marcos 13:9 - DIOSPA QHELQACHISQ

⁹ Chayrayku qankuna sumajta qhawakuychej, imaraykuchus awqaykichejkunaqa qankunata jap'ichispa, llajtapi kurajkunaman jaywasonqachej, tantakuna wasikunapitaj jasut'isonqachej. Noqaraykutaj kamachejkunaman, kuraj kamachejkunaman ima qhatatisonqachej. Qankunarí, paykunaj ñawpaqenkupi testigo jina noqamanta parlankichej.

Qheshwa Biblia DC

⁹ Chayrayku qankuna sumajta qhawakuychej; imaraykuchus, jap'ichispa juntasninkuman pusasonqachej, sinagogaspitaj jasut'isonqachej. Noqarayku kuraj kamachejkunaman, reyesman ima pusasonqachej; noqamantataj parlankichej paykuna yachanankupaj.

DIOSPA QHELQACHISQAN DEUTEROCANONICAL

⁹ Chayrayku qankuna sumajta qhawakuychej, imaraykuchus awqaykichejkunaqa qankunata jap'ichispa, llajtapi kurajkunaman jaywasonqachej, tantakuna wasikunapitaj jasut'isonqachej. Noqaraykutaj kamachejkunaman, kuraj kamachejkunaman ima qhatatisonqachej. Qankunarí, paykunaj ñawpaqenkupi testigo jina noqamanta parlankichej.

Quechua South Bolivia: Dios Parlapawanchej

⁹ ‘Astawanka kancuna quiquiyquichejta khawacuychej. Israel curajcunaj ñaupakencuman jaywaycusonkachej. Tantacuna-wasispitaj sek'osonkachej. Camachejcunaj ñaupakencuman curaj camachejcunaj ñaupakencumanpis pusasonkachej yachacojcunay caskayquichejraycu. Ajinapi kancuna paycunaman willaranquichej.

Marcos 13:9 ပူးပေါင်းရင်းမြစ်များ

San Mateo 5:22

Noqatajrí niykichej: Sichus pipis wawqenpaj phiñakun chayqa, juiciopi juchachasqa kanqa. Pichus wawqenta wampu nejpis Jatun Juntapi juchachasqallataj kanqa. Chantá, sichus pipis wawqenta maldicinman chayqa, lawrashaj nina qochaman wijch'uykusqa kananpaj jina kanqa.

Marcos 1:44

Allinta uyariway: Ama pimanpis kay ruwasqayta willankichu. Manachayqa cheqanta rispa, sacerdotewan qhawachikamuy. Moisés kamachisqanman jinataj jaywanaykita qomuy ajinamanta runakuna yachanankupaj onqoyniykimanta llimphuchasqaña kasqaykita, nispa.

Marcos 13:5

Chantá Jesús paykunaman kuticherqa: Allinta qhawakuychej, pajtataj pipis q'otiyasunkichejman.

Marcos 13:8

Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhaykuna ima. Chaywanpis chay tukoyqa paqarichikoj warmej nanayninpa qallariynin jinalla kanqa.

Marcos 6:11

Sichus maypipis mana wajyarisunkichejmanchu, nitaj uyarisunkichejmanchu chayqa, chakiykichejpi jallp'ata thalarakuspa, chaymanta ripuychej, ajinamanta mana allin ruwasqankuta yachanankupaj, nispa.

San Lucas 9:5

Sichus maypipis mana wajyarisunkichejmanchu chayqa, chay llajtamanta ripuychej, chakiykichejmanta jallp'ata thalarakuspa, ajinamanta mana allin ruwasqankuta yachanankupaj, nispa.

San Juan 15:20

Imatachus qankunaman nisqayta yuyarikuychej: Wata runaqa patronninmanta mana aswan kurajchu, nispa. Noqatachus qhatiykachawarqanku chayqa, qankunatapis qhatiykachallasonqachejtaj. Nisqaytachus kasorqanku chayrí, qankunaj nisqaykichejtapis kasullanqankutaj.

San Juan 16:2

Qankunataqa judío masiykichejkuna tantakunanku wasimanta wijch'usonqachej. Chaypachataj pillapis qankunata wañuchispaqa, yuyanqa Diospaj allinta ruwashasqanta.

Hechos 21:11

Jinapi pay watukoj jamuwarqayku. Chantá Pabloj chumpinta oqhariytawan, Agaboqa chakinta, makintawan wataykukuspa, nerqa: Kay jinata Santo Espíritu nin: Jerusalenpi judiokunaqa ajinata kay chumpiyojta watanqanku, chaymantataj mana judío kajkunaman payta jaywaykonqanku, nispa.

Hechos 7:54

Jatun Juntapi kajkunaqa Estebanpa parlasqanta uyarispa, maytapuni phiñarikorqanku, maqanankupaj jinataj qhawarqanku.

Hechos 9:16

Chantá payman rikuchillasajtaj may chhikatachus sutiyrayku ñak'arinanta, nispa.

Filipenses 1:29

Paymin qankunata maypaj qhawaspa, atiyta qosunkichej mana Cristopi atinikunallaykichejpajchu, manachayqa payrayku ñak'arinaykichejpaj.

2 Tesalonicenses 1:5

Chay ñak'arisqaykichejqa yachayta qoshan Diospa juicion cheqan kasqanmanta, qankunataj Diospa kamachiyninman yaykunapaj jina kasqaykichejmanta ima. Chayrayku chay jinata ñak'arishankichej.

2 Juan 1:8

Qankunarí allinta qhawakuychej, Diospaj ruwasqaykichej ama qhasi kananpaj, aswanpis junt'asqa t'inkaykichejta jap'inaykichejpaj.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 2:13

Noqa maypichus tiyakusqaykita yachani. Qanqa, maypichus Kuraj Supaypa kamachinan tiyana kashan, chaypi tiyakunki. Chaywanpis mana wasanchawarqankichu, nitaj noqapi atinikusqaykipi llawch'iyarqankichu. Pérgamo llajtapi willajniy Antipasta wañucherqanku, pichus tukuy sonqo noqata kasuwaspallapuni kawsarqa, chayta. Qanrí payta wañuchishajtinkupis, manapuni noqata wasanchawarqankichu.