Marcos 13:8 - DIOSPA QHELQACHISQ

⁸ Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhaykuna ima. Chaywanpis chay tukoyqa paqarichikoj warmej nanayninpa qallariynin jinalla kanqa.

Qheshwa Biblia DC

⁸ Uj nación waj naciompa contranta oqharikonqa, uj reinotaj waj reinoj contranta. Kaynejpi jaqaynejpitaj jallp'a kuyuykuna kanqa; yarqhaykunataj, ch'ajwas ima. Kay tukuy imataj nacichikojpa nanaynimpa qallariynin jina.

DIOSPA QHELQACHISQAN DEUTEROCANONICAL

⁸ Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhaykuna ima. Chaywanpis chay tukoyqa paqarichikoj warmej nanayninpa qallariynin jinalla kanqa.

Quechua South Bolivia: Dios Parlapawanchej

⁸ Uj ayllu waj aylloj contranpi okhariconka. Uj llajtayoj runas waj llajtayoj runaspa contranpi okhariconkancu. May sinch'ita jallp'apis qharcatitenka caynejpi jakaynejpitaj. Manchay yarkhaycuna canka. Chay imasrí onkocoj warmej nanayninpa kallariyninjina cashan.

Marcos 13:8 ပူးပေါင်းရင်းမြစ်များ

2 Crónicas 15:6

Suyupura, llajtapura ima jap'inakorqanku, imaraykuchus Tata Diosqa paykunata tukuy llakiykunawan ñak'aricherqa.

Salmos 48:6

6 (7) Chay kikinpi manchachikuywan jap'ichikorqanku, onqokoj warmi jina nanaywan q'ewiykachakorqanku.

Isaías 19:2

Tata Dios nin: Chaypacha Egipto llajtayojkunata paykunapurata maqanachisaj, sapa ujninkuta wawqepurata maqanachisaj, jinallataj runa masinkupurawan, uj llajtata waj llajtawan, uj jap'iyta waj jap'iywan.

Isaías 29:6

noqa Tukuy Atiyniyoj Tata Dios paykunata jasut'isaj, qhon qhonkunawan, jallp'a ikhakuywan, manchay ch'ajwawan, sinch'i wayrawan, llojlla parawan, tukuyta q'olaj ninawan ima.

Isaías 37:3

Chayaspataj, Isaiasman willarqanku: Kay jinata nin kuraj kamachej Ezequías: Kunan p'unchay may llakiypi kashanchej, turiyasqa, k'umuykachachisqataj. Imaynachus wijsallisqa warmi paqarichikunanpachapi mana kallpayoj llawch'ipacha kashan, ajinata rikhurinchej.

Jeremías 13:21

Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

Jeremías 22:23

Kunan qanqa thapachakusqaykipi chhika patapi tiyarikushanki, Líbano cedromanta ruwasqa wasikunapi. Qhepamantajrí mayta ñak'arinki, maypachachus paqarichikoj warmej nanaynin jina jamusonqa, chaypacha, nispa.

Jeremías 25:32

Tukuy Atiyniyoj Tata Dios nillantaj: Qhawariy, ñak'areyqa suyumanta suyuman chayanqa. Uj manchay sinch'i llojlla para jina oqharikamonqa kay pachaj k'uchunmantapacha, nispa.

Jeremías 4:31

Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 49:24

Damascomanta runakunaqa manaña kallpayoj kaspa, ayqej churakunku. Sinch'i manchariywan atipachikunku ñak'ariywan, nanaywantaj, paqarichikoj warmej nanayninwan jina.

Jeremías 50:43

Babiloniamanta kuraj kamachejrí chayta yachaytawankama, mancharikuywan mana imanakuyta atinchu. Paqarichikoj warmi jina ñak'ariypi, nanaypitaj kashan, nispa.

Jeremías 6:24

Jerusalenpi tiyakojkuna ninku: Chaymanta parlajta uyarispa, manchachikuywan kallpaykupis llawch'iyan, onqokoj warmi jinataj ñak'ariypi, nanaypitaj kashayku.

Hageo 2:22

Kay pachapi atiyniyojkunata phiriykusaj, kamachinanku tiyanakunatapis urmarachisaj. Urmarachillasajtaj carretakunata, chay carretakunapi purejkunatawan. Caballokuna, chaypi purejkunapis wañullanqankutaj, paykunapurataj espadawan wañuchinakonqanku.

Zacarías 14:13

Chay p'unchaypi Tata Diosqa jatun manchachikuyta apachimonqa. Chantá sapa ujninku paykunapura wañuchinakonqanku.

San Mateo 24:8

Chaywanpis chay tukoyqa paqarichikoj warmej nanayninpa qallariynin jinalla kanqa.

Marcos 13:7

Maypachachus qankuna kaynejpi jaqaynejpi wañuchinakunamanta, maqanakumanta ima parlajta uyarinkichej chayrí, ama mancharikuychejchu. Chay tukuy ima kananpuni tiyan. Chaywanpis manaraj kay pachaj tukukuyninchu kanqa.

Marcos 13:9

Chayrayku qankuna sumajta qhawakuychej, imaraykuchus awqaykichejkunaqa qankunata jap'ichispa, llajtapi kurajkunaman jaywasonqachej, tantakuna wasikunapitaj jasut'isonqachej. Noqaraykutaj kamachejkunaman, kuraj kamachejkunaman ima qhatatisonqachej. Qankunarí, paykunaj ñawpaqenkupi testigo jina noqamanta parlankichej.

Hechos 11:28

Jinapi paykunamanta ujnin Agabo sutiyoj sayarerqa, Santo Espíritoj yuyaychasqan kaspataj, nerqa: Manchay jatun yarqhay jamonqa tukuy suyunchejman, nispa. Chay nisqantaj junt'akorqa Claudio kamachishajtin.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

Apocalipsis 6:4

Chantá uj puka caballota llojsimojta rikorqani. Chay caballopi lloq'asqa kajmantaj jatun espadata qorqanku, jinataj atiyta ima kay pachamanta allillanta kawsakuyta qhechunanpaj. Chayrayku kay pachapi tukuynejpi maqanaku chantá wañuchinaku ima karqa.