Marcos 13:7 - DIOSPA QHELQACHISQ

⁷ Maypachachus qankuna kaynejpi jaqaynejpi wañuchinakunamanta, maqanakumanta ima parlajta uyarinkichej chayrí, ama mancharikuychejchu. Chay tukuy ima kananpuni tiyan. Chaywanpis manaraj kay pachaj tukukuyninchu kanqa.

Qheshwa Biblia DC

⁷ Maypachachus guerrasmanta parlajta uyarinkichej, chayrí, ch'ajwasmanta chayqa, ama mancharikuychejchu. Chay tukuy ima kanampuni tiyan. Chaywampis manaraj kay pachaj tukukuyninchu.

DIOSPA QHELQACHISQAN DEUTEROCANONICAL

⁷ Maypachachus qankuna kaynejpi jaqaynejpi wañuchinakunamanta, maqanakumanta ima parlajta uyarinkichej chayrí, ama mancharikuychejchu. Chay tukuy ima kananpuni tiyan. Chaywanpis manaraj kay pachaj tukukuyninchu kanqa.

Quechua South Bolivia: Dios Parlapawanchej

⁷ ‘Chaywanpis guerrasmanta uyarispa guerrasmanta parlajta uyarispapis ama manchachicuychejchu. Cay imaska cananpuni tiyan. Astawanrí manaraj tucucuyrajchu canka.

Marcos 13:7 ပူးပေါင်းရင်းမြစ်များ

2 Samuel 14:14

Tukuypis wañunanchejpuni kashan. Imaynatachus yaku pampaman jich'akojtin, mana ujtawan oqhariyta atikunñachu ajina noqanchej kanchej. Chaywanpis Tata Diosqa mana pitapis wañuchinchu, aswanpis payqa wijch'usqa kajkuna karu llajtamanta kutimunanpaj wakichin.

Salmos 112:7

Mana allin willaykunamanta mana manchachikonqachu, manachayqa tukuy sonqonwan Tata Diospi atinikusqanrayku sinch'ita sayanqa.

Salmos 27:3

May chhika soldadokunapis muyuykuwachunku. Sonqoyrí mana manchachikonqachu. Noqata maqanawankupajpis wakichikuchunku, noqarí Diosllapipuni atinikusaj.

Proverbios 3:25

Kaymanta jinalla ñak'ariykuna chayaykamusojtenqa, mana manchachikunkichu, nillataj mana allinta ruwajkunapaj ñak'ariy jamojtinpis.

Isaías 8:12

Runakuna kuraj kamachejpa contranpi oqharikushanku, nispa nejtinkoqa, ama chay nisqankuta kasuychejchu, nillataj mancharikunkichejchu paykuna imamantapis mancharikojtinkoqa.

Jeremías 51:46

Ama mancharikuychejchu, nitaj kharkaychejchu, kay suyupi imaymana parlasqankumanta. Sapa wata uj jina uj jinatataj parlanqanku, chay suyupi millay ñak'arichina kasqanmanta, jinataj kamachejkunapura maqanakumanta.

San Mateo 18:7

Ay, kay pachapi juchallinaman tanqajkunamanta. Juchallinaman tanqajkunaqa kallanqankupuni. Chaywanpis ay, imapichus tukukonqa, pichus ujkunata juchallinaman tanqajqa.

San Mateo 2:3

Kuraj kamachej Herodesrí chayta uyarispa, mancharikorqa, jinallataj Jerusalenpi tukuy kajkunapis.

Marcos 13:6

Chayta niykichej, imaraykuchus sutiypi ashkha jamuspa, nenqanku: Noqaqa Diospa kachamusqan Cristo kani, nispa. Ajinamantataj paykuna ashkha runata pantachenqanku.

Marcos 13:8

Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhaykuna ima. Chaywanpis chay tukoyqa paqarichikoj warmej nanayninpa qallariynin jinalla kanqa.

San Juan 14:1

Chaymanta Jesús yachachisqankunata nerqa: Ama phutikuychejchu. Qankunaqa Diospi atinikuychej, noqapipis atinikullaychejtaj.

San Juan 14:27

Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

Hechos 17:3

Chaywan paykunaman sut'inta rikucherqa Cristoqa ñak'arinanpuni kasqanta, wañusqamantataj kawsarimpunanta ima. Chaymantataj pay nerqa: Kay Jesusmin, pimantachus noqa willaykichej, paymin Cristoqa, nispa.