Marcos 12:14 - DIOSPA QHELQACHISQ

¹⁴ Chaykunataj jamuspa, ajinata nerqanku: Yachachej Wiraqochi, cheqan sonqo kasqaykita yachayku. Qanqa mana runaj parlasqanta kasunkichu, nitaj runaj uyanta qhawarispallachu imatapis ruwanki, manachayqa Diospa munayninta kasunamanta cheqanta yachachinki. Chayrayku niwayku ari: Allinchu kanman Romapi kuraj kamachej Cesarman impuestota pagana, chayrí manachu? nispa.

Qheshwa Biblia DC

¹⁴ Chaykunataj jamuspa taporqanku: Maestro, yachayku cheqa runa kasqaykita, manataj pitapis manchachikusqaykita; imaraykuchus mana runaj rijch'aynillantachu qhawanki; astawanqa Diospa cheqan ñanninta yachachinki; niwayku ari: Allinchu impuestota Cesarman qonaykoqa? Chayrí, manachu qosqayku?

DIOSPA QHELQACHISQAN DEUTEROCANONICAL

¹⁴ Chaykunataj jamuspa, ajinata nerqanku: Yachachej Wiraqochi, cheqan sonqo kasqaykita yachayku. Qanqa mana runaj parlasqanta kasunkichu, nitaj runaj uyanta qhawarispallachu imatapis ruwanki, manachayqa Diospa munayninta kasunamanta cheqanta yachachinki. Chayrayku niwayku ari: Allinchu kanman Romapi kuraj kamachej Cesarman impuestota pagana, chayrí manachu? nispa.

Quechua South Bolivia: Dios Parlapawanchej

¹⁴ Jamuspataj nerkancu: —Yachachej, yachaycu parlaskayqueka cheka caskanta. Runastapis mana rijch'acuynillanmantachu khawanqui, manachayrí caskancumanta. Chaywanpis cheka cajta yachachishanqui imatachus Dios munan runas ruwanancuta. Cunan kan niwaycu: ¿Nokanchej, israelcuna, Romano gobiernoman impuestota konachu? ¿Konanchejchu chayrí manachu konanchej? —nerkancu.

Marcos 12:14 ပူးပေါင်းရင်းမြစ်များ

2 Crónicas 18:13

Micaiastajrí kuticherqa: Tata Diosrayku tiluni: Dios imatachus kamachillawasqanta parlasaj, nispa.

2 Crónicas 19:7

Ajinaqa, Tata Diosta manchachikuychej, allintataj imatachus ruwashasqaykichejta qhawakuychej, imaraykuchus Tata Diosniykichejqa manamin mana allin kajtaqa qhawakullanchu. Payqa mana ujllamanchu kutikun, nitaj lluk'ichikunchu, nispa.

Nehemías 9:37

Chay jallp'api tukuy ima sumajta poqon. Chaywanpis chayqa kuraj kamachejkunaj pirwallankuman rin, pikunatachus juchaykurayku kamachinawaykupaj churarqanki, chaykunajpaman. Paykunaqa noqaykuwan jinataj uywaykukunawanpis munayninkuta ruwanku, noqaykutaj may jina ñak'arichisqa kashayku, nispa. Ajinata chay levitakuna Diosmanta mañakorqanku.

Salmos 120:2

Tata Dios, llullakojkunamanta libraway, q'otiyayta munajkunamantapis jark'away.

Salmos 55:21

21 (22) Parlasqankoqa mantequilla jina llamp'u, sonqonku ukhupirí maqanakuyllapi yuyashanku. Nisqankoqa aceitemantapis aswan llamp'u. Chaywanpis chay nisqankoqa filochasqa espada jina.

Jeremías 42:20

Qankuna jatunta pantarqankichej, maypachachus kay jinata niwarqankichej chaypacha: Tata Diosniykimanta noqaykurayku mañaripuwayku, chantá sut'inchawayku imatachus kamachiwasqaykuta, chayman jina ruwanaykupaj, nispa.

Miqueas 3:8

Noqatatajrí, Tata Diospa Espíritun atiywan junt'achiwan, justiciawan, kallpawantaj, Israelta uyanpi nipunaypaj mana kasukoj, juchayojtaj kasqanta.

San Mateo 22:16

Paykunataj wakin fariseo masinkunata, herodianokunatawan ima kacharqanku Jesusta nimunankupaj: Yachachej Wiraqochi, qan cheqanta parlaj kasqaykita yachayku, Diosta kasunatataj cheqanta yachachisqaykita ima. Qan manallataj pejpa nisqantapis kasunkichu, nitaj runaj uyanta qhawarispallachu imatapis ruwanki.

San Mateo 22:17

Niwayku ari: Allinchu kanman Romapi kuraj kamachej Cesarman impuestota pagana, manachu? nispa.

Marcos 12:13

Chay qhepata judiokunaj kurajninkukuna Jesusman kachamorqanku wakin fariseokunata, herodianokunatawan, ima nisqanpipis Jesús pantajtin, chaymanta ch'ataykunankupaj.

Marcos 12:15

Jesusrí puraj uya kasqankuta yachaspa, paykunata nerqa: Imaraykutaj pantachiwayta munankichej? Denario phisuta jaywawaychej qhawanaypaj, nispa.

Marcos 14:45

Chantá Judasqa Jesusman qayllaykuspa, nerqa: Yachachej Wiraqochíy, nispa. Jinaspataj uyanpi much'aykorqa.

San Lucas 20:22

Ima ninkitaj qan: Allinchu kanman Romapi kuraj kamachej Cesarman impuestota pagana, chayrí manachu? nispa.

San Lucas 23:2

Chaypitaj Jesusta ch'ataykuyta qallarerqanku: Kay runataqa runakunata ch'ajwachishajta taripayku, imaraykuchus nin kuraj kamachej Cesarman impuestota mana paganata. Nillantaj pay Diospa kachamusqan Cristo kasqanta, jinallataj kuraj kamachej jina kamachinanta, nispa.

San Juan 7:18

Pillapis pay kikinmanta parlajqa paylla runakunawan jatunpaj qhawachikuyta mask'an. Pichus kachamojninta jatunchayta munajrí cheqanta parlan, manataj llullakunchu.

Romanos 13:6

Chayraykullataj impuestotapis pagankichej, imaraykuchus kamachejkunaqa Diosta kasuspa imachus ruwanankuta junt'ashanku.

2 Corintios 2:17

Mana noqaykoqa wakinkuna jinachu kayku, pikunachus Diospa simi nisqanta q'ewispa parlanku, chaykuna jina. Aswanpis noqayku Diospa kachasqankuna jina, ch'uwa sonqowan Diospa ñawpaqenpi cheqan kajta parlayku, Cristowan ujchasqa kasqaykurayku.

2 Corintios 2:2

Sichus noqa llakichiykichejman chayqa, pikunataj noqata kusichiwanqankuri? Jaqay pikunatachus noqa llakicherqani, chaykunachu?

2 Corintios 4:1

Chayrayku noqayku Diospa khuyakuyninnejta paypaj ruwananman churasqa kaspa, mana q'enaqakuykuchu.

2 Corintios 5:11

Chayrayku noqayku Tukuyta Kamachej Diosta manchachikuna kasqanta yachaspa, runakunaman tukuy sonqo entiendechiyta munayku Diosman kutirikuna kasqanta. Tata Dios imaynachus kasqaykuta sumajta yachan, jinallataj suyayku qankunapis sonqoykichejpi imaynachus kasqaykuta yachanaykichejta.

2 Corintios 5:16

Chayrayku kunanmanta ñawpajmanqa manaña pitapis qhawaykuchu Diosman mana kutirikojkunaj yuyasqankuman jina. Arí, ñawpajta Cristotapis Diosman mana kutirikojkuna jina qhawaj kayku. Kunanrí payta manaña jinatachu qhawayku.

Gálatas 1:10

Noqaqa mana runaman allin rijch'aytachu mask'ashani, manachayqa Diosman allin rijch'ayta. Sichus noqa runaman allin rijch'ayta munayman chayqa, mana Cristoj kamachinchu kayman.

Gálatas 2:6

Chantá pikunachus kurajkunapaj qhawasqa kanku, chaykunaqa Jesusmanta sumaj willayta willasqayman mana imatapis yaparqankuchu. Kurajkunachus manachus kanku chayqa, mana riwanchu nitaj jamuwanchu, imaraykuchus Dios mana runaj rijch'aynintachu qhawan.

Deuteronomio 16:19

Ama justiciata q'ewinkichejchu, amataj uyankuta qhawarispa wakillanman kutikunkichejchu. Amallataj lluk'ichikunkichejchu, imajtinchus lluk'ita jap'ikunaqa aswan yachayniyoj runatapis pantachin, cheqan runakunaj nisqankutapis waj jinaman tukuchin.

1 Tesalonicenses 2:4

Aswanpis Diosqa noqaykuta allinpaj qhawaspa Jesusmanta sumaj willayta willanaykuta kamachiwarqayku, chayraykutaj chayta ruwayku. Mana runamanchu allin rijch'ayta munayku, manachayqa Diosman, pichus sonqoykuta rejsin, chayman.