Marcos 10:52 - DIOSPA QHELQACHISQ

⁵² Chantá Jesusqa payta nerqa: Ripullay, noqapi atinikusqaykirayku qhaliyasqaña kanki, nispa. Nisqantawankamataj, ñawsa runaqa qhawarerqa. Chantá Jesuswan khuska rerqa.

Qheshwa Biblia DC

⁵² Jesustaj payman nerqa: Ripuy, thañisqaña kanki creesqaykirayku. Kikimpachataj ciegoqa qhawarerqa, Jesuswantaj ñanta rerqa.

DIOSPA QHELQACHISQAN DEUTEROCANONICAL

⁵² Chantá Jesusqa payta nerqa: Ripullay, noqapi atinikusqaykirayku qhaliyasqaña kanki, nispa. Nisqantawankamataj, ñawsa runaqa qhawarerqa. Chantá Jesuswan khuska rerqa.

Quechua South Bolivia: Dios Parlapawanchej

⁵² Jesusri payta nerka: —Ripullayña. Diospi jap'icuskayquiraycu thañiskaña canqui, —nispa. Chay quiquinpacha ciegoka ricuyta aterka. Ñantataj Jesusta khaticorka.

Marcos 10:52 ပူးပေါင်းရင်းမြစ်များ

Salmos 146:8

Tata Diosqa mana rikojkunata qhawarichin, urmajkunatapis aysarin. Tata Diosqa cheqanta ruwaspa purejkunata munakun.

Salmos 33:9

Pay parlarqa, tukuy imataj ruwasqa karqa. Tata Dios kamacherqa, tukuy imataj rikhurerqa.

Isaías 35:5

Chaypacha ñawsakunapis rikonqanku, joq'arakunaj ninrinkupis kicharisqa kanqa.

San Mateo 11:5

Ñawsakunaqa rikunku, suchukunapis puririnku, jinallataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.

San Mateo 12:22

Uj kuti runakunaqa Jesusman pusarqanku supayniyoj ñawsa opa runata, Jesustaj payta qhaliyacherqa. Ajinamanta chay runaqa parlarerqa, qhawarerqataj.

San Mateo 15:28

Jinapi, Jesús payta nerqa: Warmisita, sinch'itapuni noqapi atinikunki. Chayrayku munasqaykiman jina ruwasqa kachun, nispa. Chaymantapachataj chay warmej ususenqa qhaliyaporqa.

San Mateo 21:14

Ajinaqa Jesús Temploj pationpi kashajtin, ñawsakuna, suchukuna ima payman jamorqanku, Jesustaj paykunata qhaliyacherqa.

San Mateo 8:3

Jesustaj makinta aysarispa, payta llankhaykorqa, nerqataj: Arí munani, llimphuchasqa kay, nispa. Chayta Jesús nejtinkamataj, chay runaqa llejti onqoymanta qhaliyachisqa karqa.

San Mateo 9:22

Jesustaj kutirikuytawan, payta qhawarispa, nerqa: Sonqochakuy wawáy, noqapi atinikusqaykirayku qhaliyasqa kanki, nispa. Chaymantapachataj warmeqa qhaliyakaporqa.

Marcos 1:31

Chantá Jesús payman qayllaykorqa, makinmanta aysarispataj jataricherqa. Chay ratopachataj chay warmeqa k'aja onqoyninmanta qhaliyaporqa, sayariytawantaj, mikhunata wayk'orqa mikhunankupaj.

Marcos 5:34

Jesustaj payta nerqa: Wawáy, noqapi atinikusqaykirayku qhaliyachisqa kanki. Kunanqa sonqo tiyaykusqa ripuy, imaraykuchus manaña ajinata onqoykunkichu, nispa.

Marcos 8:25

Chantá Jesús ujtawan makinwan chay runaj ñawinta llankhaykorqa. Kay kutipitaj chay runa allinta rikorqa, tukuy imatataj sut'ita rikorqa, ñawin qhaliyapusqanrayku.

San Lucas 7:50

Jesustajrí warmita nerqa: Noqapi atinikusqaykirayku qhespichisqa kanki. Chayrayku mana imamanta llakikuspa, ripuy, nispa.

San Lucas 9:48

Chantá nerqa: Pichus sutiypi kay wawa jina kajta: Walejta jamunki, nispa jap'ikojqa noqata jap'ikushawan. Jinallatataj pichus noqata jap'ikuwajpis kachamuwaj Tataytapis jap'ikullantaj. Chayrayku qankunamanta pisipaj qhawasqa kaj kurajniykichej kanqa, nispa.

San Juan 9:32

Mana jayk'ajpis uyarikorqachu ñawsapuni paqarejpa ñawinta pipis qhawarichisqan.

San Juan 9:39

Jesustaj nerqa: Noqaqa kay pachaman juzganaypaj jamorqani: Ñawsakunata qhawarichinaypaj, rikushasqankuta yuyajkunatataj ñawsa kashasqankuta sut'inchanaypaj, nispa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.