Marcos 1:8 - DIOSPA QHELQACHISQ

⁸ Noqaqa qankunata yakuwan bautizaykichej. Paytajrí Santo Espirituwan bautizasonqachej, nispa.

Qheshwa Biblia DC

⁸ Noqaqa, yakuwan bautizaykichej; paytaj Santo Espirituwan bautizasonqachej.

DIOSPA QHELQACHISQAN DEUTEROCANONICAL

⁸ Noqaqa qankunata yakuwan bautizaykichej. Paytajrí Santo Espirituwan bautizasonqachej, nispa.

Quechua South Bolivia: Dios Parlapawanchej

⁸ Nokaka yacullawan bautizashayquichej. Payrí kancunata bautizaspa Santo Espirituta cachamusonkachej Diosllapaj causanayquichejpaj, —nispa.

Marcos 1:8 ပူးပေါင်းရင်းမြစ်များ

Proverbios 1:23

K'amisqayta uyariwaychej, noqataj yachaywan junt'achisqaykichej, imatachus yachasqaytataj rejsichisqaykichej.

Isaías 32:15

Chayqa ajina kanqa, Diospa Espíritun patamanta noqanchejman kachamusqa kanankama. Chaypacha ch'innejkuna chajra llank'anaman tukonqa. Sumajta chajra poqonan jallp'akunataj may chhika poqoyniyoj kanqanku.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Joel 2:28

28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Marcos 1:7

Chantá runakunaman kay jinata willarqa: Qhepayta wajtaj jamushan, noqamanta aswan atiyniyoj. Noqataj mana paypa wata runan kanaypaj jinallapischu kani.

Marcos 1:9

Chaypachallataj Jesusqa Galileapi kaj Nazaret llajtamanta jamorqa, jinataj Juanwan Jordán mayupi bautizachikorqa.

San Lucas 3:16

Juantajrí tukuyman kuticherqa: Noqaqa yakuwan bautizaykichej. Qhepaytatajrí waj jamushan, paytaj Santo Espirituwan, chantá ninawan ima bautizasonqachej. Payqa noqamanta aswan atiyniyoj, noqataj mana paypa wata runan kanaypaj jinallapischu kani.

San Juan 1:26

Jinapi Juan kuticherqa: Noqa runata yakuwan bautizani. Chaywanpis qankuna ukhupi uj runa tiyan, qankunataj mana payta rejsinkichejchu.

San Juan 1:33

Noqa manaraj payta rejsishajtiy, pichus yakuwan bautizajta kachamuwaj niwarqa: Pimanchus Santo Espíritu urayk'amuspa tiyaykojta rikunki, chaymá Santo Espirituwan runakunata bautizanqa, nispa.

Hechos 1:5

Yachankichej jina Bautizaj Juan yakuwan bautizarqa. Kaymanta pisi p'unchaykunamanrí, qankuna Santo Espirituwan bautizasqa kankichej, nispa.

Hechos 10:45

Jinataj pikunachus Jopemanta Pedrowan jamoj judío wawqekunapis t'ukushaj qhepakorqanku, Diosqa mana judío kajkunamanpis Santo Espirituta qosqanmanta.

Hechos 2:17

Dios nin imachus qhepa p'unchaykunapi kananta: Tukuy runaman Espirituyta qosaj. Jinataj churiykichej, ususiykichejpis Diosmanta sut'inchanqanku. Qankuna ukhumanta waynakunaqa mosqoypi jina rikonqanku, machu runaykichejkunapis mosqokullanqankutaj.

Hechos 2:4

Tukuyninkutaj Santo Espíritoj kamachiyninpi rikhurerqanku. Jinapitaj waj parlaykunapi parlayta qallarerqanku, Santo Espíritu atiyta qosqanman jina.

1 Corintios 12:13

Jinallataj Santo Espiritulla tukuyta bautizawarqanchej, uj ukhu jinalla kananchejpaj judiokuna, mana judiokuna, wata runakuna, mana wata runa kajkuna ima. Diostaj chay kikin Santo Espiritullantataj tukuyninchejman qowarqanchej.