Marcos 1:4 - DIOSPA QHELQACHISQ

⁴ Ajinaqa Bautizaj Juan ch'innejpi rikhurispa, tukuy runata nerqa bautizachikunankuta, ajinamanta yachayta qospa Diosman kutirikusqankumanta juchanku pampachasqa kananpaj.

Qheshwa Biblia DC

⁴ Juanqa bautizasharqa ch'innejpi, willasharqataj Diosman kutirikuy bautismomanta, runaspa juchasninku pampachasqas kanampaj.

DIOSPA QHELQACHISQAN DEUTEROCANONICAL

⁴ Ajinaqa Bautizaj Juan ch'innejpi rikhurispa, tukuy runata nerqa bautizachikunankuta, ajinamanta yachayta qospa Diosman kutirikusqankumanta juchanku pampachasqa kananpaj.

Quechua South Bolivia: Dios Parlapawanchej

⁴ Ajinataj bautizaj Juanka ch'in pampapi riqhurimorka. Runasmantaj willaspa nerka: —Juchasniyquichejta k'alata sakespa bautizacuychej. Chaywan ricuchinquichej Diosman cutiricuskayquichejta juchasniyquichejta pay khechunanpaj, —nispa.

Marcos 1:4 ပူးပေါင်းရင်းမြစ်များ

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

San Mateo 3:6

Chay runakunataj juchankuta rimarejtinku, Juanqa Jordán mayupi paykunata bautizaj.

Marcos 1:5

Jinapi ashkha runakuna tukuy Judea jap'iymanta, Jerusalén llajtamanta ima Juanta uyarej jamorqanku. Paykunataj juchankuta rimarispa, Jordán mayupi Juanwan bautizachikorqanku.

San Lucas 1:77

Qanqa ayllunman willanki Dios paykunata qhespichinanta, juchankutapis pampachananta ima.

San Juan 3:23

Juanpis Enonpi, chantá Salín qayllapi ima runakunata bautizashallarqataj, imaraykuchus chaynejpi ashkha yaku karqa. Runakunataj bautizachikunankupaj payman risharqanku.

Hechos 10:37

Qankuna yachallankichejtaj tukuy Judeapi imachus kasqanta, Galileamantapacha qallarispa, Juan bautizachikuna kasqanta willasqanmanta qhepaman.

Hechos 22:16

Jina kajtenqa, imatataj suyashankiri? Jatarispa, bautizachikuy, jinaspataj Jesuspa sutinta oqharispa Diosniykipaj rejsikapuy, juchaykimanta llimphuchasqa kanaykipaj, nispa.