San Lucas 9:19 - DIOSPA QHELQACHISQ

¹⁹ Paykunataj kuticherqanku: Wakenqa ninku Bautizaj Juan kasqaykita. Wakintaj Elías nisunku. Wakintajrí: Diosmanta mayqen ñawpa sut'inchajchá kawsarimun, nispa nisunku.

Qheshwa Biblia DC

¹⁹ Paykunataj kuticherqanku: Wakenqa ninku Juan Bautista kasqaykita. Wakintaj, Elías nisunku. Wakintajrí, mayqen profetachá kausarimpun, nisunku.

DIOSPA QHELQACHISQAN DEUTEROCANONICAL

¹⁹ Paykunataj kuticherqanku: Wakenqa ninku Bautizaj Juan kasqaykita. Wakintaj Elías nisunku. Wakintajrí: Diosmanta mayqen ñawpa sut'inchajchá kawsarimun, nispa nisunku.

Quechua South Bolivia: Dios Parlapawanchej

¹⁹ Yachacojcunataj payman cuticherkancu: —Waquin nincu, bautizaj Juan. Waquin nincu, Elías. Waquinri, ujnin Diospa unay willajcunanmanta, chaychá causarimpuskan, nisuncu.

San Lucas 9:19 ပူးပေါင်းရင်းမြစ်များ

Malaquías 4:5

5 (3.23) Sumajta uyariwaychej: Noqaqa sut'inchaj Eliasta kachamusqaykichej, Tata Diospa p'unchaynin manaraj chayamushajtin. Chayqa jatun p'unchay kanqa, manchayta manchachikunataj.

San Mateo 14:2

Chantá kamachinkunata nerqa: Chayqa Bautizaj Juanchá. Wañusqamanta kawsarimpusqanrayku payqa kay jina atiyniyojpuni, t'ukuna imakunatataj ruwan, nispa.

San Mateo 3:1

Chaymanta unaynejman Bautizaj Juan rikhurimuspa, Judeaj ch'innejpi qhespichejmanta willarayta qallarerqa.

Marcos 6:14

Chaypacha kuraj kamachej Herodesqa Jesusmanta parlajta uyarerqa, imaraykuchus Jesús imatachus ruwasqanqa tukuynejpiña yachakorqa. Wakinkunataj nej kanku: Kayqa Bautizaj Juanchá, pichus wañusqanmanta kawsarimpun, chay. Chayraykumá payqa kay jina atiyniyojpuni, t'ukuna imakunatataj ruwan, nispa.

Marcos 6:15

Wakintaj nej kanku: Payqa Diosmanta sut'inchaj Eliaschá, nispa. Wajkunatajrí nej kanku: Payqa Diosmanta ñawpa sut'inchajkuna karqanku, chaykuna jinallataj, nispa.

San Lucas 9:18

Uj kuti runakunamanta karunchakuspa, Jesús Dioswan parlarikusharqa, chaypitaj paywan kasharqanku yachachisqankunalla. Jinallapi Jesús paykunata taporqa: Runakuna pi kasqaytataj ninkuri? nispa.

San Lucas 9:20

Chantá Jesús tapullarqataj: Qankunarí, pi kasqaytataj ninkichej? nispa. Pedrotaj kuticherqa: Qanqa Diospa kachamusqan Cristo kanki, nispa.

San Juan 1:21

Tapullarqankutaj: Chantá, pitaj kankiri? Eliaschu? nispa. Juantaj nerqa: Mana paychu kani, nispa. Jinapis sacerdotekuna, chantá levitakuna ima tapullarqankupuni: Pichus jamunan karqa, Diosmanta chay sut'inchajchu kanki? nispa. Juantaj kuticherqa: Manapuni, nispa.

San Juan 1:25

tapullarqankutaj: Sichus mana Cristochu kanki, nitaj Eliaschu, nillataj Diosmanta sut'inchajchu chayqa, imaraykutaj runakunata bautizankiri? nispa.

San Juan 7:40

Chantá Jesuspa nisqanta uyarispa, wakin nerqanku: Cheqapuni kayqa, noqanchej Diosmanta chay sut'inchaj jamunanta suyasharqanchej, chaymin, nispa.

San Juan 9:17

Chantá paykuna, pichus ñawsa karqa, chay runata ujtawan taporqanku: Qanrí, ima ninkitaj, pichus ñawiykita qhawaricherqa, chay runamantari? nispa. Paytaj nerqa: Noqa nini Diosmanta sut'inchaj kasqanta, nispa.