San Lucas 8:25 - DIOSPA QHELQACHISQ

²⁵ Chaymantataj yachachisqankunaman nerqa: Maytaj noqapi atinikusqaykichejri? nispa. Paykunatajrí mancharikuspa, t'ukorqanku, paykunapurataj tapunakorqanku: Pitaj kay runa kanmanri wayratapis, yakutapis kamachejtin kasunankupajri? nispa.

Qheshwa Biblia DC

²⁵ Chaymantataj yachachisqasninman nerqa: Maytaj feniykichejri? Paykunataj mancharikuspa t'ukorqanku; tapunakorqankutaj paykunapura: Pitaj chantá kayri, wayrata yakutapis kamachejri, chantá kasunkutaj?

DIOSPA QHELQACHISQAN DEUTEROCANONICAL

²⁵ Chaymantataj yachachisqankunaman nerqa: Maytaj noqapi atinikusqaykichejri? nispa. Paykunatajrí mancharikuspa, t'ukorqanku, paykunapurataj tapunakorqanku: Pitaj kay runa kanmanri wayratapis, yakutapis kamachejtin kasunankupajri? nispa.

Quechua South Bolivia: Dios Parlapawanchej

²⁵ Jesustaj yachacojcunata nerka: —¿Imaraycutaj Diospi mana jap'icushanquichejchu? Paycunarí mayta manchachicuspataj t'ucorkancu. Ninacusharkancutaj: —¿Imayna runapunitaj payrí? Camachin wayrata yacutapis. Payta casuncutaj, —nispa.

San Lucas 8:25 ပူးပေါင်းရင်းမြစ်များ

Proverbios 30:4

Pitaj janaj pachaman wicharerqa, urayk'amorqatajri? Pitaj wayrata makinpi q'apiyta atinmanri? Pitaj mama qochata llijllapi q'epichaykorqari? Pitaj kay pachaj mojonninkunata churarqari? Chaytachus yachanki chayqa, willaway: Imataj paypa sutinri? Imataj churinpa sutinpisri?

Proverbios 8:29

Maypachachus mama qochaj yakunta ama wasaykunanpaj kamacherqa chaypacha, maypachatajchus jallp'aj cimientonkunata churasharqa chaypacha,

San Mateo 14:31

Jesusqa Pedrota usqhayta makinmanta aysariytawan, nerqa: Qan pisillata noqapi atinikunki. Imaraykutaj iskaychakunkiri? nispa.

San Mateo 17:20

Jesustaj kuticherqa: Qankuna noqapi mana atinikusqaykichejrayku mana supayta qharqoyta aterqankichejchu. Noqataj kayta sut'ita niykichej: Noqapi atinikusqaykichejchus mostaza muju jinallapis kanman chayqa, kay orqota niwajchej: Kaymanta jaqayman ithirikuy, nispa, ithirinmantaj. Mana imapis qankunapaj kanmanchu mana ruway atinaqa.

San Mateo 6:30

Dios campopi qhorata chay jina munayta p'achallichin, mayqenchus kunan wiñan, q'ayataj ninapi ruphachisqa kanqa, chayta. Jina chayqa, manachu pay qankunatapis aswan sumajta p'achallichisonqachej? Qankunarí imaraykutaj mana tukuy sonqochu Diospi atinikunkichej?

San Mateo 8:10

Jesús chayta uyarispa, t'ukorqa. Paywan rejkunatataj nerqa: Kayta sut'ita niykichej: Kay runa noqapi atinikusqanta jinaqa, Israel ayllupi mana ujtapis tarinichu.

San Mateo 8:26

Chantá Jesús paykunata nerqa: Imaraykutaj manchachikunkichejri? Qankunamá kasqankichej, manachu noqapi atinikunkichej? nispa. Sayariytawantaj, qochata, wayratawan k'amerqa. Wayra thañejtintaj, qochapis tiyaykorqa.

Marcos 4:35

Chay p'unchay ch'isiyashajtinña, Jesús yachachisqankunata nerqa: Jaku, qochaj chimpanman rinachej, nispa.

San Lucas 12:28

Sichus Dios chay jinata campo qhorata p'achallichin, mayqenchus kunan wiñan q'ayataj ninapi ruphachisqa kanqa chayqa, qankunamanpis astawan sumajta p'achallichisonqachej. Jina kajtenqa, imaraykutaj paypi mana atinikunkichejchuri?

San Lucas 8:24

Jesuspa yachachisqankunataj payman qayllaykuspa, rijch'aricherqanku: Yachachej, Yachachej, chinkaykushanchejña, nispa. Chantá Jesús rijch'ariytawan, wayrata k'amerqa, yaku oqharikojtawan. Jinallapi wayra thañerqa, yakupis tiyaykaporqa.

San Lucas 8:26

Ajinamanta Galilea qocha chimpapi Gerasa jap'iyman chayarqanku.

San Juan 11:40

Jesustajrí payta nerqa: Manachu nerqayki, sichus noqapi atinikunki chayqa, Diospa atiynin imaynapunichus kasqanta rikunaykita? nispa.