San Lucas 8:24 - DIOSPA QHELQACHISQ

²⁴ Jesuspa yachachisqankunataj payman qayllaykuspa, rijch'aricherqanku: Yachachej, Yachachej, chinkaykushanchejña, nispa. Chantá Jesús rijch'ariytawan, wayrata k'amerqa, yaku oqharikojtawan. Jinallapi wayra thañerqa, yakupis tiyaykaporqa.

Qheshwa Biblia DC

²⁴ Jesusman qayllaykuspataj rijch'aricherqanku, nispa: Maestro, Maestro, chinkaykushanchejña!, nispa. Jesustaj wayrata k'amerqa, yaku oqharikojtawan. Wayrataj thañerqa, yakupis tiyaykaporqa.

DIOSPA QHELQACHISQAN DEUTEROCANONICAL

²⁴ Jesuspa yachachisqankunataj payman qayllaykuspa, rijch'aricherqanku: Yachachej, Yachachej, chinkaykushanchejña, nispa. Chantá Jesús rijch'ariytawan, wayrata k'amerqa, yaku oqharikojtawan. Jinallapi wayra thañerqa, yakupis tiyaykaporqa.

Quechua South Bolivia: Dios Parlapawanchej

²⁴ Yachacojcunantaj Jesusman kayllaycuspa rijch'acherkancu: —¡Yachachiwajníy! ¡Yachachiwajníy! Chincarishanchej, —nispa. Paytaj rijch'arispa sinch'iwan camacherka sinch'i wayrata yacutapis okharicamojtapis. Chanta manaña wayrarkachu. Kochapis ch'inyacaporka.

San Lucas 8:24 ပူးပေါင်းရင်းမြစ်များ

Salmos 65:7

7 (8) Qanqa mama qocha qhollchoqeyaspa wajtakusqanta thañichinki, runakunaj ch'ajwasqankutapis ch'inyachinki.

Isaías 50:2

Imaraykutaj jamuspa, mana pitapis tariparqanichuri? Imaraykutaj wajyashajtiypis, mana pipis kutichiwarqachuri? Ima kajtinpis, manachu atiyman kacharichiytari? Manañachu atiyneyqa kasqa paykunata kacharichinaypaj? Ujta nispalla, mama qochata ch'akichini, mayukunatapis ch'aki pampaman tukuchini. Chaypi kaj challwakunapis yakumanta jina wañuraspa, asnanku.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Nahúm 1:4

Payqa k'amispa, mama qochatapis ch'akirparichin. Ch'akichillantaj mayukunapi yakutapis. Basán pampapi, jinallataj Carmelo orqopipis qhorakuna qawipunku, Libanopi t'ikakunapis qawipullankutaj.

San Mateo 14:30

Pedrotajrí sinch'i wayrata reparaspa, mancharikorqa, yakuman chinkaykoj jina kashaspataj, qhaparerqa: Wiraqochi, yanapariway, nispa.

San Mateo 8:25

Chantá yachachisqankuna Jesusman qayllaykuytawan rijch'arichispa, nerqanku: Wiraqochi, yanapawayku ari, yakuman chinkaykushanchejña, nispa.

Marcos 4:39

Jesustajrí jatarimuspa, wayrata k'amerqa, qochatapis nerqa: Ch'in kay. Thañiriy, nispa. Wayrataj thañerqa, yakutaj tiyaykorqa.

San Lucas 4:35

Jesustajrí supayta sinch'ita k'amerqa: Ch'in kay, llojsiy chay runamanta, nispa. Jinapi chay supay runakunaj rikunanta chay runata pampaman choqarqa, llojsiytawantaj riporqa, chay runata mana imanaspa.

San Lucas 4:39

Chantá Pedroj suegranman qayllaykuspa, Jesusqa k'aja onqoyninta k'amerqa, warmitaj qhaliyakaporqa. Chay ratopacha jatarimuytawantaj, paykunapaj mikhunata wayk'orqa.

San Lucas 5:5

Simontajrí kuticherqa: Yachachej, tukuy tutantin ni uj challwallatapis jap'iykuchu. Chaywanpis, nisqaykiman jina ch'ipata ujtawan wijch'uykusaj, nispa.

San Lucas 8:25

Chaymantataj yachachisqankunaman nerqa: Maytaj noqapi atinikusqaykichejri? nispa. Paykunatajrí mancharikuspa, t'ukorqanku, paykunapurataj tapunakorqanku: Pitaj kay runa kanmanri wayratapis, yakutapis kamachejtin kasunankupajri? nispa.