San Lucas 6:23 - DIOSPA QHELQACHISQ

²³ Chaypacha jatun kusiywan kusikunkichej, imaraykuchus janaj pachapi t'inkaykichejqa may jatun kanqa. Ñawpa runakunapis kikillantataj Diosmanta sut'inchajkunata ñak'aricherqanku.

Qheshwa Biblia DC

²³ Kusikunkichej chaypacha, jatun kusiywan, imaraykuchus t'inkaykichejqa jatun kanqa janaj pachapi. Jinallatataj ñaupa runas ñak'arichej kanku profetasta.

DIOSPA QHELQACHISQAN DEUTEROCANONICAL

²³ Chaypacha jatun kusiywan kusikunkichej, imaraykuchus janaj pachapi t'inkaykichejqa may jatun kanqa. Ñawpa runakunapis kikillantataj Diosmanta sut'inchajkunata ñak'aricherqanku.

Quechua South Bolivia: Dios Parlapawanchej

²³ Chay p'unchaypi cusicuychej. Cusiywantaj phinquiriychej. Janaj pachapimin kancunapaj uj jatun kona tiyan. Unay tatasnincupis chay quiquillantataj Diospa unay willajcunata muchucherkancu.

San Lucas 6:23 ပူးပေါင်းရင်းမြစ်များ

2 Samuel 6:16

Tata Diospa arcan Davidpa llajtanman chayajtin, Saulpa ususin Micalqa wasi ventananmanta qhawarimuspa, kuraj kamachej Davidta tusushajta, phinkiykachashajtataj Tata Diospa ñawpaqenpi rikorqa. Chayta rikuspataj, Micalqa sonqonpi Davidta pisipaj qhawarqa.

1 Reyes 18:4

Tata Diosmanta sut'inchajkunata Jezabel wañuchishajtin, Abdiasqa pachaj sut'inchajkunata, phishqa chunkamanta phishqa chunka, chhanka jusk'ukunaman pakaykamorqa. Chaypitaj paykunaman mikhunata, yakutawan qorqa.

1 Reyes 19:10

Paytaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan tratota ruwasqaykita wasanchaspa, altarniykita urmarachinku. Qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 19:14

Eliastaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan trato ruwasqaykita saqerparinku. Altarniykita urmachinku, qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 19:2

Chantá Jezabelqa Eliaspaman ujnin kamachinta kachaspa, nicherqa: Qanqa Baalpa sut'inchajninkunata wañucherqanki. Chayrayku sichus q'aya kunanta jina, mana qanta wañuchiyki chayqa, diosniykuna noqata wañuchiwachunku, nispa.

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

1 Reyes 22:27

Paykunata niychej: Ajabqa kamachisunkichej kay runata carcelman wisq'aykunaykichejta, chaypitaj uj chhika t'antallawan, pisi yakullawan ima kachinaykichejta, asiriokunawan maqanakumanta atipaspa kutimunaykama, nispa.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

2 Reyes 6:31

Chantá nerqa: Manachus kunanpacha Safatpa churin Eliseoj umanta qholuchisaj chayqa, Tata Dios sinch'ita ñak'arichiwachun, nispa.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Nehemías 9:26

Chaywanpis, Tata Dios, paykunaqa mana kasukojkuna karqanku. Contraykipi oqharikorqanku, kamachisqaykitataj qhesacharqanku. Chantaqa sut'inchajniykikunata wañucherqanku uyankupi qanman kutirikamunankuta k'amisqankurayku. Chaymantataj aswan millayta ruwaspa, sonqoykita nanachisorqanku.

Salmos 58:11

11 (12) Chantá tukuy runakuna nenqanku: Cheqan runakunaqa t'inkachisqa kanqanku, kay pachapi juzgananpajtaj Dios tiyan, nispa.

Isaías 35:6

Cojokunapis taruka jina phinkiykachanqanku, mana parlayta atejkunapis kusiywan takirenqanku. Yakupis ch'innejpi phullchirenqa, ch'in ch'aki jallp'apitaj yaku purirenqa.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

San Mateo 5:12

Chaypacha kusikuychej, jinallataj sonqo junt'asqa kaychej, imaraykuchus janaj pachapi t'inkaykichejqa ashkhamin. Ajinallatataj runakunaqa Diosmanta ñawpa sut'inchajkunata chejnispa qhatiykacharqanku.

San Lucas 1:41

Jinapi Mariajpa napaykusqanta Elisabet uyarejtin, wawaqa Elisabetpa wijsan ukhupi kuyurerqa. Elisabettaj Santo Espíritoj kamachiyninpi rikhurerqa.

San Lucas 1:44

Napaykuwasqaykita uyarejtiykama, wawayqa wijsay ukhupi kusiywan kuyurin.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

Hechos 14:10

Chayrayku Pablo jatunmanta parlaspa, suchuta nerqa: Sayariy, nispa. Suchutaj ujllata sayarispa, puririyta qallarerqa.

Hechos 3:8

Chaypacha suchu runaqa ujllata phinkispa, sayarerqa, puriytataj qallarerqapacha. Jinaspataj Jesuspa kuraj kachankunawan khuska Temploj pationman thaskispa yaykorqa, kusiywan phinkiykachaspa, Diosta jatunchaspa ima.

Hechos 5:41

Chaywanpis Jesuspa kuraj kachankuna chay juntamanta llojsispa, mayta kusikorqanku Jesuspa sutinrayku ñak'arichisqa kasqankumanta.

Romanos 5:3

Mana chayllachu. Astawanqa ñak'arishaspa kusikullanchejtaj, imaraykuchus yachanchej ñak'arichisqa kaspaqa pacienciawan awantayta amañakusqanchejta.

2 Corintios 12:10

Chayrayku pisi kallpayoj kasqaymanta kusikuni. Jinallataj p'enqachisqa kasqaymanta, pisichikusqaymanta, qhatiykachasqa kasqaymanta, Cristomanta atinikusqayrayku, sinch'i llakiypi rikhurisqaymanta ima. Chaymanta noqa kusikuni, imaraykuchus pisi kallpayoj kashaspa, Jesusnejta aswan kallpayoj kani.

Colosenses 1:24

Kunanqa qankunarayku ñak'arishaspapis kusikuni. Ajinata kikin ukhuypi ñak'arispa, junt'ashani Jesucristoj Iglesianrayku imachus ñak'arinaraj kashan, chayta. Iglesiaqa Jesucristoj ukhunmin.

2 Timoteo 2:12

Paywan khuskachus ñak'arisun chayqa, paywan khuskallataj kamachiyninpi kamachisunchej. Sichus Cristota qhesachasun chayqa, paypis manallataj jap'ikuwasunchu.

Hebreos 11:26

Moisesqa Egiptopi qhapaj kaspapis, repararqa chhika patapi kawsarikuna qhasilla kasqanta. Aswanpis Cristorayku qhesachasqa kana aswan sumaj kasqanta qhawarqa, imaraykuchus paypa yuyaynin janaj pachapi t'inka jap'inapi kasharqa.

Hebreos 11:6

Diospi mana atinikuspaqa, mana pipis atinmanchu Diospa ñawpaqenpi allinpaj qhawasqa kayta, imaraykuchus Diosman qayllaykojqa pay kasqantapuni tukuy sonqo creenan tiyan. Yachanallantaj tiyan, pikunachus Diosta tukuy sonqo mask'anku, chaykunaman Diosqa sumaj t'inkata qonanta.

Santiago 1:2

Munasqa wawqe panaykuna, tukuy imaymana mana allin kaj qhatirisojtiykichej, qankuna mayta kusikuychej.

1 Pedro 4:13

Aswanpis kusikuychej, imaraykuchus ajinata ñak'arishaspa, Cristoj ñak'arisqanpi paywan khuska ñak'arishankichej. Ajinamanta Cristo jatun kayninpa lliphipiyninpi rikhurimojtin, qankuna may jinatapuni kusikunkichej.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Apocalipsis 2:26

Chantá noqaqa tukuy atipajkunaman, pikunachus tukukuykama kasuwanku chaykunaman suyukunata kamachinanpaj atiyta qosaj,

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Apocalipsis 21:7

Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.

Apocalipsis 3:12

Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

Apocalipsis 3:5

Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.