San Lucas 6:21 - DIOSPA QHELQACHISQ

²¹ Kusikuyniyojmin kankichej kunan yarqhachikojkunaqa, imaraykuchus sajsachisqa kankichej. Kusikuyniyojmin kankichej kunan waqajkunaqa, imaraykuchus qankunaqa qhepaman kusirikunkichej.

Qheshwa Biblia DC

²¹ Kusikuyniyoj kankichej kunan yarqhachikojkunaqa, imaraykuchus sajsachisqas kankichej. Kusikuyniyoj kankichej kunan waqajkunaqa, imaraykuchus asikunkichej.

DIOSPA QHELQACHISQAN DEUTEROCANONICAL

²¹ Kusikuyniyojmin kankichej kunan yarqhachikojkunaqa, imaraykuchus sajsachisqa kankichej. Kusikuyniyojmin kankichej kunan waqajkunaqa, imaraykuchus qankunaqa qhepaman kusirikunkichej.

Quechua South Bolivia: Dios Parlapawanchej

²¹ ‘Cusiskas canquichej, cunan yarkhachicojcuna. Khepata sajsachiskas canquichej. ‘Cusiskas canquichej, cunan phutiywan wakashajcuna. Khepata cusiywan asicunquichej.

San Lucas 6:21 ပူးပေါင်းရင်းမြစ်များ

Génesis 17:17

Ajinata Diospa nisqanta uyarispa, Abraham pampakama k'umuykorqa, chantá asirikuspa, sonqonpi nerqa: Pachaj watayoj runa wawayoj kayta atinmanrajchu? Saraqa jisq'on chunka watayojña kashaspapis, wawayojrajchu kanmanri? nispa.

Génesis 21:6

Chantá Sara sonqonpi nerqa: Dios kusiymanta asichiwarqa. Wawayoj kasqayta tukuy yachajkunapis noqawan khuska kusikonqanku.

Salmos 107:9

Payqa yakumanta ch'akikojta ujyachin, yarqhasqa kajkunamantaj ashkha mikhunata qon.

Salmos 119:136

Kamachisqaykita wakin mana kasusqankurayku, paran paranta waqani.

Salmos 143:6

Qanmanta mañakuspa, makiyta oqharini. Ch'aki jallp'apis kayman jina qanmanta ch'akichikuni.

Salmos 17:15

Noqatajrí cheqanta ruwaj kaspa, uyaykita rikusaj. Rijch'arispa, qanta rikusqayki, chaywantaj sonqo junt'asqa kasaj.

Salmos 28:7

Tata Diosmin atiyniyoj jark'akuwajneyqa. Paypi tukuy sonqo atinikorqani, paytaj yanapawarqa. Chayrayku sonqoy kusisqa kashan, pachis nispataj, Tata Diosman takisaj.

Salmos 65:4

4 (5) Kusikuyniyojmin ajllakusqayki runaqa, qayllaykipi tiyakunanpaj pusasqayki kaj. Wasiykipi tukuy allinkunawan junt'achisqa kasqayku, ajllakusqayki Temploykipitaj saminchasqa kasqayku.

Isaías 25:6

Chaypachataj Tukuy Atiyniyoj Dios Sión orqopi tukuy suyupaj jatun mikhuyta wakichenqa misk'i mikhuykunawan, sumaj kaj vinowan ima. Chantá sumaj kaj aycha mat'akunata mikhuchenqa, aswan sumaj poqosqa vinotawan ujyachenqa.

Isaías 30:19

Sionmanta runakuna, pikunachus Jerusalén llajtapi tiyakushankichej, qankuna manaña astawan waqankichejchu. Khuyakoj Tata Dios yanapananta mañakusqaykichejta uyarisonqachejpacha.

Isaías 66:10

Jerusalenwan khuska mayta kusirikuychej, payta munakojkuna. Payrayku llakiywan tukuy waqajkuna, tukuy kusisqa kaychej.

Jeremías 13:17

Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

Jeremías 31:25

Yarqhasqa kajkunaman mikhuchisaj, yakumanta ch'akisqakunamantaj yakuta ujyachisaj, nispa.

Jeremías 31:9

Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Ezequiel 7:16

Tukuyninku mancharisqa urpi jina orqoman ayqenqanku chaypis, juchankurayku tukuy wañonqanku.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

San Mateo 5:4

Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

San Mateo 5:6

Kusikuyniyojmin kanku cheqan kawsaymanta yarqhachikojkunaqa, ch'akichikojkunapis, imaraykuchus Dios paykunata sajsachenqa.

San Lucas 1:53

Jinallataj Dios yarqhasqa runakunata allin imakunawan junt'achin, qhapaj runakunatatajrí mana imayojta kachapun.

San Lucas 6:20

Chantá Jesús yachachisqankunata qhawarispa, nerqa: Kusikuyniyojmin kankichej qankuna wajchakuna, imaraykuchus Diospa kamachiynenqa qankunapaj.

San Lucas 6:22

Kusikuyniyojmin kankichej pikunachus Runaj Churinrayku waj runakuna chejnisojtiykichej, paykuna ukhumanta qharqosojtiykichej, rimasojtiykichej, millay runakunata jina qhesachasojtiykichej ima.

San Lucas 6:25

Ay, mikhunawan sajsasqa kajkuna, qankunawanqa imallachus kanqapis, imaraykuchus qhepaman sinch'ita yarqhachikunkichej. Ay, kunan asikojkuna, qankunawanqa imallachus kanqa, imaraykuchus qhepaman sinch'ita llakikunkichej, waqankichejtaj.

San Juan 11:35

Jinapi Jesús waqarikorqa.

San Juan 4:10

Jinaqa Jesús kutichispa, nerqa: Qanqa Dios imatachus qosuyta munasqanta mana yachankichu, nillataj pichus yakuta mañakusojtapis rejsinkichu. Yachawajchus chayqa, noqamanta yakuta mañakuwankiman, noqataj kawsachej yakuta qoykiman, nispa.

San Juan 6:35

Jesustajrí paykunata nerqa: Noqamin kawsayta qoj t'anta kani. Pillapis noqaman jamojqa mana jayk'ajpis yarqhachikonqachu, nillataj noqapi atinikojqa jayk'ajpis ch'akichikonqachu.

1 Corintios 4:11

Kunankama yarqhachikuspa kashayku, yakumantapis ch'akichikuspa. Jinallataj pisi p'achayoj kayku, maqasqa, manataj wasiykupis kanchu.

2 Corintios 11:27

Diospaj ruwananpi sinch'ita llank'arqani, mayta sayk'uspa. Ashkha kutita mana puñusqa karqani. Jinallataj yarqhaywan, yaku ch'akiywantaj ch'ayñarqani. Wakin kutipitaj mikhunaypaj mana imapis karqachu. Chantá pisi p'achayoj kaspa, chirichikorqani.

2 Corintios 12:10

Chayrayku pisi kallpayoj kasqaymanta kusikuni. Jinallataj p'enqachisqa kasqaymanta, pisichikusqaymanta, qhatiykachasqa kasqaymanta, Cristomanta atinikusqayrayku, sinch'i llakiypi rikhurisqaymanta ima. Chaymanta noqa kusikuni, imaraykuchus pisi kallpayoj kashaspa, Jesusnejta aswan kallpayoj kani.

2 Corintios 6:10

Llakisqa jina kayku, chaywanpis kusisqapuni kashayku. Wajcha jina kayku, chaywanpis wajkunata Diosmanta yachachispa qhapajyachiyku. Mana kapuyniyoj jina kashayku chaypis, tukuy imayoj kayku.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.

Apocalipsis 7:16

Paykuna manaña yarqhachikonqankuchu, nitaj yakumanta ch'akichikonqankuchu. Nillataj intipis paykunata imananqachu, nitaj ruphaypis kankanqachu.