San Lucas 5:24 - DIOSPA QHELQACHISQ

²⁴ Yachanaykichejpaj Runaj Churin kay pachapi atiyniyoj kasqanta juchata pampachananpaj kayta nisaj, nispa. Chantá Jesusqa suchu runata nerqa: Qanta niyki: Sayariy, phulluykita oqharispataj, wasiykiman ripuy, nispa.

Qheshwa Biblia DC

²⁴ Kunan rikunkichej Runaj Churin atiyniyoj kasqanta, kay pachapi juchasta pampachanampaj. Tunuyasqa runamantaj nerqa: Qanta niyki; jatarikuy, phulluykita oqharispa ripuy wasiykiman.

DIOSPA QHELQACHISQAN DEUTEROCANONICAL

²⁴ Yachanaykichejpaj Runaj Churin kay pachapi atiyniyoj kasqanta juchata pampachananpaj kayta nisaj, nispa. Chantá Jesusqa suchu runata nerqa: Qanta niyki: Sayariy, phulluykita oqharispataj, wasiykiman ripuy, nispa.

Quechua South Bolivia: Dios Parlapawanchej

²⁴ Noka, Diospa cachaska Runan caspa, cay pachapi atiyniyoj cani juchasta perdonanaypaj. Chay cheka caskanta yachanayquichejpaj, cay mana cuyurej runata nini: Kanta niyqui: Jataricuy, callapuyquita okharicuspa ripuy wasiyquiman, —nispa.

San Lucas 5:24 ပူးပေါင်းရင်းမြစ်များ

Isaías 53:11

Maypachachus pay rikonqa chay jina llakiyta ñak'arispa imatachus tarisqanta chaypacha, may sonqo junt'asqa kanqa. Cheqan kamachi chay jina ñak'arisqanwan ashkhata cheqanpaj qhawasqa kanankuta ruwanqa, imaraykuchus paykunaj juchankumanta jasut'isqa kanqa.

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

San Mateo 16:13

Maypachachus Jesús Filipoj kamachisqan Cesarea llajta qayllaman chayarqa chaypacha, yachachisqankunata taporqa: Runakunaqa Runaj Churin pi kasqantataj ninkuri? nispa.

San Mateo 25:31

Maypachachus Runaj Churin kuraj kamachej jina jatun kayninpa lliphipiyninpi, tukuy angelninkuwan jamonqa chaypacha, lliphipej kamachinan tiyanapi tiyaykukonqa.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Mateo 4:24

Jinapi tukuy Siria cheqanejpipis Jesús atiyniyoj kasqanmanta uyarerqanku. Chayrayku chay mana judío kajkunapis Jesusman aparqanku, pikunachus tukuy imaymana onqoykunawan, ñak'ariykunawan, nanaykunawan ima kajkunata. Apallarqankutaj supayniyojkunata, t'uku onqoyniyojkunata, suchukunata ima. Jesustaj paykunata qhaliyacherqa.

San Mateo 9:6

Kunan kayta nisaj yachanaykichejpaj Runaj Churenqa atiyniyoj kasqanta kay pachapi juchata pampachananpaj, nispa. Chantá suchu runatañataj nerqa: Sayariy, phulluykita oqharispataj wasiykiman ripuy, nispa.

San Lucas 5:13

Jesustaj makinwan llankharispa, nerqa: Arí, llimphuchasqa kanaykita munani, llimphuchasqa kay, nispa. Chayta Jesús nejtinkamataj, onqosqa runaqa llejti onqoyninmanta qhaliyaporqa.

San Lucas 5:18

Chaypacha wakin runakuna uj suchu runata phullupi wantumuspa, wasi ukhuman apaykuyta munarqanku Jesuspa ñawpaqenman.

San Lucas 5:23

Imataj aswan atikojlla kanman suchu runata ninaypaj: Juchayki pampachasqaña, nispa ninaychu, chayrí: Sayariy, phulluykita oqharispa, ripullay, nispa ninaychu?

San Lucas 7:14

Chantá Jesús qayllaykuspa, aya apanata llankharerqa, wantojkunataj sayarqanku. Jesustaj wañusqata nerqa: Wayna, qanta niyki: Sayariy, nispa.

San Lucas 8:54

Jesustajrí ch'iriskata makinmanta jap'iykuspa, jatunmanta nerqa: Imillita, sayariy, nispa.

San Juan 11:43

Jinata niytawantaj, Jesús sinch'ita qhaparerqa: Lázaro, chaymanta llojsimuy, nispa.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

San Juan 3:13

Mana pipis janaj pachaman rerqachu, manachayqa Runaj Churillan janaj pachamanta urayk'amorqa.

San Juan 5:27

Jinallataj Tata Dios payman tukuyta juzgananpaj atiyta qollarqataj, imaraykuchus paymin Runaj Churenqa.

Hechos 14:10

Chayrayku Pablo jatunmanta parlaspa, suchuta nerqa: Sayariy, nispa. Suchutaj ujllata sayarispa, puririyta qallarerqa.

Hechos 5:31

Diostaj atiyninwan Jesusta aswan pataman oqharerqa Tukuyta Kamachej chantá runata Qhespichej kananpaj. Dios munallantaj noqanchej israelitakuna payman kutirikunanchejta, tukuy juchanchej pampachasqa kananpaj.

Hechos 9:34

Jinapi Pedroqa payta nerqa: Eneas, Jesucristo qhaliyachisunki. Sayariy, puñuna mast'anaykita oqhariy, nispa. Eneastaj sayarerqapacha.

Hechos 9:40

Jinapi Pedroqa tukuyninkuta jawaman llojsicherqa, qonqoriykukuspataj Diosmanta mañakorqa. Chantá wañusqata qhawarispa, nerqa: Tabitá, sayariy, nispa. Chay warmitaj ñawinta kicharispa, Pedrota rikorqa, tiyarikorqataj.

Apocalipsis 1:13

Chay qanchis lamparakunaj chawpinpitaj Runaj Churinman rijch'akojta rikorqani, qhoysu p'achayojta, qhasqontaj qorimanta ruwasqa chumpiwan chumpisqata.