San Lucas 23:33 - DIOSPA QHELQACHISQ

³³ T'ojlu moqo nisqa cheqaman chayaytawantaj, Jesustaraj cruzman chakatarqanku. Chaymantataj chay iskay suwakunatapis cruzman chakatallarqankutaj, ujninta Jesuspa pañanman, ujnintataj lloq'enman.

Qheshwa Biblia DC

³³ T'ojlu nisqa cheqaman chayaytawantaj, Jesusta chakatarqanku. Iskay suwastapis chakatallarqankutaj, ujninta pañanman, ujnintataj lloq'enman. [

DIOSPA QHELQACHISQAN DEUTEROCANONICAL

³³ T'ojlu moqo nisqa cheqaman chayaytawantaj, Jesustaraj cruzman chakatarqanku. Chaymantataj chay iskay suwakunatapis cruzman chakatallarqankutaj, ujninta Jesuspa pañanman, ujnintataj lloq'enman.

Quechua South Bolivia: Dios Parlapawanchej

³³ Llajta jawa T'ojlu niska lugarman chayaspa soldados chacatarkancu Jesusta chay iscay runa wañuchi suwastawan. Chacatarkancu ujninta Jesuspa pañannejpi ujnintataj llok'ennejpi, sapa ujta waj chacatanapi.

San Lucas 23:33 ပူးပေါင်းရင်းမြစ်များ

Salmos 22:16

16 (17) Alqokuna jina uj t'ojpa millayta ruwajkuna muyuykuwanku. Paykuna chakiyta, makiytawan jusk'urawanku.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

San Mateo 20:19

Chantá paykuna mana judío kajkunaman jaywaykuwanqanku. Mana judío kajkunataj alqochakuspa jasut'iwanqanku, cruzmantaj chakataykuwanqanku. Chaywanpis kinsa p'unchayninman wañusqamanta kawsarimpusaj, nispa.

San Mateo 26:2

Qankunaqa yachankichej iskay p'unchaymantawan Pascua raymi kananta. Chaypacha Runaj Churinta jap'enqanku cruzman chakataykunankupaj, nispa.

San Lucas 24:7

Pay nerqa: Runaj Churintaqa juchasapakunaj makinman jaywaykonqanku, payta cruzman chakatanankupaj. Chaywanpis kinsa p'unchaymanta wañusqakunaj chawpinmanta kawsarimponqa, nispa.

San Juan 18:32

Ajinata Jesuspa nisqan junt'akorqa, imaraykuchus Jesús imaynatachus wañunanta nisqaña.

San Juan 3:14

Imaynatachus ch'innejpi Moisés broncemanta katarita k'aspiman warkhuspa pataman oqharerqa, ajinallatataj Runaj Churinpis pataman oqharisqa kanqa.

Hechos 13:29

Jesusmanta imatachus ñawpa sut'inchajkunaj qhelqasqanku, chay tukuy junt'akorqa, chantá cruzmanta ayanta urayk'uchimuspa, p'amparqanku.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

Hechos 5:30

Ñawpa tatanchejkunaj Diosnenqa Jesusta wañusqamanta kawsarichimorqa, pitachus qankuna cruzman chakataspa wañucherqankichej, chayta.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Deuteronomio 21:23

chay ayataqa ama tutantinta sach'api warkhusqata saqenkichejchu. Manachayqa chay p'unchaypacha chay runaj ayanta p'ampankichej, imaraykuchus warkhusqa runaqa Diospa maldicisqanmin. Ajinata ruwaspa, Tata Diosniykichej qosusqaykichej jallp'ata mana ch'ichichankichejchu.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.