San Lucas 22:37 - DIOSPA QHELQACHISQ

³⁷ Noqa niykichej: Diospa Qhelqachisqanpi kay qhelqasqa noqapiraj junt'akunan tiyan: Payqa juchasapakunawan yupasqa karqa, nispa. Ajinaqa noqamanta imachus qhelqasqa kaj junt'akunanpuni tiyan, nispa.

Qheshwa Biblia DC

³⁷ Noqaqa niykichej: Chay escribisqaqa noqapiraj junt'akunan tiyan: Juchasapaswan yupasqa karqa; noqamanta escribisqaqa junt'akushanña.

DIOSPA QHELQACHISQAN DEUTEROCANONICAL

³⁷ Noqa niykichej: Diospa Qhelqachisqanpi kay qhelqasqa noqapiraj junt'akunan tiyan: Payqa juchasapakunawan yupasqa karqa, nispa. Ajinaqa noqamanta imachus qhelqasqa kaj junt'akunanpuni tiyan, nispa.

Quechua South Bolivia: Dios Parlapawanchej

³⁷ Imaraycuchus cay kelkaskaka nokapi junt'acunan tiyan: “Payka yupaska carka juchasapaswan cusca”. Cay pachapi ruwanasniy tucucapun, —nispa.

San Lucas 22:37 ပူးပေါင်းရင်းမြစ်များ

Isaías 53:12

Chayrayku payta atiyniyojkunawan khuska jatunchasaj. Jinataj atipajkunaj t'inkankuta jap'enqa, pay kikin wañuyman jaywaykukusqanrayku. Payqa juchasapakunawan khuska yupasqa kanqa. Tukuypa juchankuta apanqa, paykunaraykutaj Diosmanta mañaponqa.

Marcos 15:27

Jinallataj Jesuswan khuskata iskay suwatapis chakatallarqankutaj, ujninta Jesuspa pañanman, ujnintataj lloq'enman.

Marcos 15:28

Ajinamanta Diospa Qhelqachisqanpi kay nisqa junt'akorqa: Payqa juchasapakunawan yupasqa karqa, nispa.

San Lucas 18:31

Jesús chunka iskayniyoj kuraj kachankunata wajnejman pusaspa, paykunata nerqa: Kunanqa Jerusalenman rishanchej, chaypi Runaj Churinmanta imatachus Diosmanta ñawpa sut'inchajkunaj qhelqasqanku, chay tukuy junt'akunanpaj.

San Lucas 22:22

Kayta sut'ita niykichej: Runaj Churin wañunanpuni tiyan, kamachisqa kasqanman jina. Chaywanpis ay, chay runamanta, pinejtachus jap'ichisqa kanqa, chaymanta, nispa.

San Lucas 22:36

Jesús nillarqataj: Kunantajrí, qolqeykichej kajtenqa, apakuychej, jinallataj wayaqaykichejtapis. Mana espadayojpis qhatanan p'achanta vendespa, espadata rantikuchun.

San Lucas 22:52

Jesuspa contranpi jamojkuna ukhupi karqanku kuraj sacerdotekuna, Templota qhawajkunaj kamachejninkuna, waj kurajkuna ima. Jesustaj paykunata nerqa: Espadayoj, k'aspiyoj ima noqata jap'ej jamusqankichejqa suwapis kayman jina.

San Lucas 23:32

Chay soldadokunaqa iskay suwakunatawan pusallarqankutaj paykunapis Jesús jina cruzman chakatasqa kanankupaj.

San Lucas 24:27

Chay ratopacha Jesús sut'inchayta qallarerqa, Diospa Qhelqachisqanpi paymanta imatachus nisqanta, Moisespa qhelqasqanmanta qallarispa, Diosmanta tukuy sut'inchajkunaj qhelqasqankumantawan.

San Juan 10:35

Diospa Qhelqachisqanqa cheqanta nin, icharí? Diosqa chay runakunata dioskuna, nispa suticharqa, pikunachus chaypacha Diospa parlasqanta uyarisqanku, chaykunata.

San Juan 17:4

Noqa kay pachapi qanta jatuncharqayki, imaraykuchus imatachus ruwanayta kamachiwasqaykita junt'aniña.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.