San Lucas 21:28 - DIOSPA QHELQACHISQ

²⁸ Chay tukuy ima rikhurejtintaj, kallpachakuychej, jinataj patata qhawariychej, imaraykuchus qhespichisqa kanaykichej p'unchay qayllamushanña, nispa. Ajinata Jesús yachacherqa.

Qheshwa Biblia DC

²⁸ Kay tukuy ima ruwakuyta qallarejtin, sayaykukuychej umaykichejta oqharispa. Qayllamushanña kacharisqa kanaykichej p'unchayqa.

DIOSPA QHELQACHISQAN DEUTEROCANONICAL

²⁸ Chay tukuy ima rikhurejtintaj, kallpachakuychej, jinataj patata qhawariychej, imaraykuchus qhespichisqa kanaykichej p'unchay qayllamushanña, nispa. Ajinata Jesús yachacherqa.

Quechua South Bolivia: Dios Parlapawanchej

²⁸ Kancunarí chay imas kallaricojtin sumajta Diospi jap'icuychej, nokata suyawaspa. Cachariska canayquichej p'unchayka kayllamushanña, —nerka Jesús.

San Lucas 21:28 ပူးပေါင်းရင်းမြစ်များ

San Lucas 13:11

Chaypitaj uj warmi kasharqa, pichus k'umpullamantaña purej, nitaj imaynamanta cheqanta sayayta atejchu, chunka pusajniyoj watataña uj supay ajinata payta onqochisqanrayku.

San Lucas 18:7

Diospa ajllakusqankuna tuta p'unchay paymanta justiciata mañakushajtinku, manachu paykunapaj justiciata ruwanqa? Payqa unaytarajchu suyachikonqa? Mana, icharí?

San Lucas 21:29

Jesús kay rijch'anachinata nillarqataj: Higo sach'ata qhawariychej, chayrí mayqen sach'allatapis.

Romanos 8:19

Chayrayku Diospa ruwasqan kaj chhika imata jina suyashan mayk'ajchus Dios rikuchinanta, pikunachus cheqapuni wawankuna kanku, chaykunata.

Romanos 8:23

Mana chayllachu, noqanchej Santo Espirituta señata jina jap'ejkunapis sonqonchejpi ayqollashanchejtaj. Jinallataj suyashanchej Dios imapajchus wawankunapaj rejsikapuwarqanchej, chayta jap'iyta. Chaypacha ukhunchejpis kacharichisqallataj kanqa.

Efesios 1:14

Diosqa Santo Espirituta qowanchej chayaqeta jap'inanchejmanta señata jina. Jinataj noqanchej chay chayaqeta jap'isunchej, maypachachus Dios rantikusqanta paypata kananpaj kacharichenqa, chaypacha, ajinamanta jatun kayninta yupaychananchejpaj.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.