San Lucas 21:23 - DIOSPA QHELQACHISQ

²³ Chaypacha manchay llakiy kanqa wijsayoj warmikunapaj, ñuñoj wawayojkunapajpis, imaraykuchus kay suyupi manchay sinch'i ñak'ariy kanqa, jinallataj manchay jasut'iykuna kay llajtata qhatirenqa.

Qheshwa Biblia DC

²³ Ay, chaypacha wijsayoj warmispaj, ñuñoj wawayojkunapajpis, imaraykuchus jatun ñak'ariy kay mundopi kanqa; jinallataj Diospa phiñakuynimpis chay llajtapaj.

DIOSPA QHELQACHISQAN DEUTEROCANONICAL

²³ Chaypacha manchay llakiy kanqa wijsayoj warmikunapaj, ñuñoj wawayojkunapajpis, imaraykuchus kay suyupi manchay sinch'i ñak'ariy kanqa, jinallataj manchay jasut'iykuna kay llajtata qhatirenqa.

Quechua South Bolivia: Dios Parlapawanchej

²³ ¡Phutiy, ari, jakay p'unchaycunapi wijsayoj warmispaj ñuñoj wawitasniyoj warmispajpis! Manchay ñac'ariymin cay pachapi canka. Cay runaspaj Dios c'ajajta phiñaconka.

San Lucas 21:23 ပူးပေါင်းရင်းမြစ်များ

Lamentaciones 4:10

Suyuypa jatun llajtan thuñisqa kashajtin, chaypacha k'acha khuyakuyniyoj warmikuna wawankuta wayk'uykakaporqanku. Kikin wawankullatataj mikhuykakaporqanku.

Daniel (hebreo) 8:19

Jinaspataj, niwarqa: Kunan willasqayki, Diospa phiñakuynin tukukuyta imachus kananmanta, imaraykuchus imatachus mosqoypi jina rikusqaykeqa chay tukukuy tiempomanta willashan.

San Mateo 21:16

Chayrayku Jesusta nerqanku: Uyarishankichu kaykuna imatachus nishasqankuta? nispa. Jesustaj kuticherqa: Arí, uyarishani. Qankunarí, manachu jayk'ajpis Diospa Qhelqachisqanpi kay jinata ñawirerqankichej? Chaypi nin: Qanqa juch'uy wawakunata, ñuñojkunatawan ima sumajta yupaychasunankuta yachacherqanki, nispa.

San Mateo 21:41

Kurajkunataj kuticherqanku: Chay millayta ruwaj llank'ajkunata mana khuyaspa wañurachenqa, jallp'antataj waj llank'ajkunaman qonqa, pikunachus poqoymanta partenta qoponqanku, chaykunaman, nispa.

San Mateo 21:44

Chay esquina rumimanta parlaspataj, niykichej: Pillapis chay rumi pataman urmajqa t'unasqa kanqa. Chantá, pejpa patanmanchá chay rumi urmaykonqa, chayqa phirisqa kanqa, nispa.

San Mateo 24:19

Ay, chay p'unchaypi wijsayoj warmikunamanta, ñuñoj wawayoj warmikunamantapis.

Marcos 13:17

Ay, chay p'unchaypi wijsayoj warmikunamanta, ñuñoj wawayoj warmikunamantapis.

San Lucas 19:27

Jinallatataj, jaqay awqaykuna, pikunachus mana kuraj kamachej kanayta munarqankuchu, chaykunata kayman apamuspa, ñawpaqeypi wañurachiychej, nispa. Ajinata Jesús chay rijch'anachinata nerqa.

San Lucas 19:43

Jamoj p'unchaykunapirí awqaykikunaqa jallp'a moqokunata contraykipi oqharenqanku. Atipasunankupaj muyuykusonqanku, tukuynejmantataj ñit'iykamusonqanku.

San Lucas 23:29

Chayta niykichej, imaraykuchus jamoj p'unchaykunapi nenqanku: Kusikuyniyojmin kanku mana wawayoj kayta atej warmikuna. Jinallataj kusikuyniyoj kanku, pikunachus mana wawata paqarichikunkuchu, nitaj wawata ñuñuchinkuchu, chaykuna, nispa.

1 Corintios 7:26

Kunan tiempo kawsay llakiylla kasqanrayku, aswan walej sapa ujpis imaynachus kashanku, ajinalla kakunanku.

1 Tesalonicenses 2:16

Ajinata paykuna jark'awayku Jesucristomanta sumaj willayta ama mana judiokunaman willanaykupaj, chaynejta paykunapis qhespichisqa kanankupaj. Ajinata ruwaspa, judiokunaqa juchallisqankuman astawan juchata yapakushallankupuni. Chayrayku Diospa k'araj phiñakuynin patankupiña kashan.

Hebreos 13:16

Amataj qonqaychejchu allin kajta ruwayta, jinallataj kapususqaykichejwan wajkunata yanapariyta, imaraykuchus chay jina ruwanapis sumaj jaywana jina Diosta kusichillantaj.

Santiago 5:1

Qhapajkuna, kayta allinta uyariychej: Qhaparispa, sonqo nanayta waqaychej, qankunaman sinch'i llakiykuna chayamunanmanta.

1 Pedro 4:17

Diospa juicion p'unchay chayamunña, paytaj noqanchej aylluntaraj ñawpajta juzgawasunchej. Dioschus ayllunta juzgayta qallarin chayqa, Jesucristomanta sumaj willayta mana jap'ikuyta munajkunawan, imataj kanqari?