San Lucas 21:19 - DIOSPA QHELQACHISQ

¹⁹ Sinch'ita sayaychej, ajinamantataj wiñay kawsayta tarinkichej.

Qheshwa Biblia DC

¹⁹ Pacienciaykichejwan almasniykichejta salvankichej.

DIOSPA QHELQACHISQAN DEUTEROCANONICAL

¹⁹ Sinch'ita sayaychej, ajinamantataj wiñay kawsayta tarinkichej.

Quechua South Bolivia: Dios Parlapawanchej

¹⁹ Diospi jap'icuspapuni allinta sayaskayquichejwan wiñay causayta jap'inquichej.

San Lucas 21:19 ပူးပေါင်းရင်းမြစ်များ

Salmos 37:7

Tata Diospa ñawpaqenpi ch'inlla kakuy, pay yanapanasunta pacienciawan suyay. Pitapis allin risqanrayku ama phiñakuychu, pichus millayta ruwanapaj wakichikojmanta.

Salmos 40:1

1 (2) Tata Dios yanapanawanta pacienciawan suyakorqani, paytaj noqata qhawariwaspa, mañakusqayta uyariwarqa.

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.

San Mateo 10:22

Noqarayku tukuy runakuna chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

San Mateo 24:13

Chaywanpis qankunamanta pichus tukukuykama sinch'ita sayaj, chay runatamá Dios qhespichenqa.

San Lucas 8:15

Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

Romanos 15:4

Chay unay qhelqasqa karqa noqanchej yachakunanchejpaj. Diospa chay qhelqachisqantaj yanapawanchej pacienciakuspa, sonqochakuspataj suyananchejpaj Dios nisqanta junt'anankama.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

Romanos 5:3

Mana chayllachu. Astawanqa ñak'arishaspa kusikullanchejtaj, imaraykuchus yachanchej ñak'arichisqa kaspaqa pacienciawan awantayta amañakusqanchejta.

Romanos 5:4

Pacienciawan awantasqanchejqa wiñay tukusqa runaman tukuchiwanchej, chaytaj tukuy sonqo Diosmanta allin kajta suyakuyta yachachillawanchejtaj.

Romanos 8:25

Chaywanpis imatachus suyashanchej, sichus chayta mana rikunchejrajchu chayqa, pacienciawan suyananchej tiyan.

1 Tesalonicenses 1:3

Tata Diosninchejwan parlarikuspa, qankunamanta yuyarikuykupuni Diospi tukuy sonqo atinikuspa ruwasqaykichejmanta, munakuspa wajkunata sinch'ita yanapasqaykichejmanta ima. Chantá yuyarikullaykutaj Tukuyta Kamachej Jesucristo ñak'ariykunapi yanapanasuykichejta pacienciawan suyasqaykichejmanta.

2 Tesalonicenses 3:5

Chantá Tukuyta Kamachej Jesús qankunata yanapachun imaynatachus Dios munakun, ajinallatataj qankunapis wajkunata munakunaykichejpaj, chantapis ñak'ariykunapi Cristo jina pacienciakunaykichejpaj ima.

Hebreos 10:36

Qankuna pacienciakuyta necesitankichej, Diospa munasqanta ruwaspallapuni kanaykichejpaj. Chaypacha Dios imatachus qonawanchejta nisqanta jap'inkichej.

Hebreos 6:11

Chaywanpis munayku ari, sapa ujniykichej k'uchi kasqaykichejta tukukuykama rikuchinaykichejta, Diospi atinikuspa imatachus suyakushankichej, chayta jap'inaykichejpaj.

Hebreos 6:15

Jinataj Abraham may jina unayta pacienciawan suyakuspa, imatachus Dios nerqa, chayta jap'erqa.

Santiago 1:3

Yachankichej jina, Jesucristopi atinikusqaykichej maykamachus kasqanta yachakunanpaj churasqa kajtin, qankuna sinch'ita sayaspa pacienciakuyta yachakunkichej.

Santiago 1:4

Chayrayku pacienciakullaychejpuni Diospa wawan kasqaykichejpi wiñay tukusqa, junt'asqa, chantá tukuy imapaj wakichisqa kanaykichejpaj.

2 Pedro 1:6

Chay yachaymantaj yapaychej sonqoykichejpa munasqanwan mana atipachikuyta, chaymantaj yapaychej ñak'ariypi pacienciakuyta. Chaymantaj yapaychej Diosman k'askasqa kawsakuyta.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 13:10

Pichus carcelpi wisq'asqa kanan kashan, chayta carcelman wisq'anankupaj apanqanku. Chantá pichus wañuchisqa kanan kashan, chaytapis wañuchenqanku. Chay niyta munan Diospa ajllakusqankunaqa qhatiykachasqa kanata pacienciawan awantanankuta, Diosta mana wasanchaspa.

Apocalipsis 14:12

Chay niyta munan Diospa ajllakusqankunaqa qhatiykachasqa kasqankuta pacienciawan awantanankuta, jinataj kamachisqanta kasunankuta, chantá Jesuspi atinikuspa mana sayk'uspa sinch'ita sayanankuta.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.