San Lucas 2:9 - DIOSPA QHELQACHISQ

⁹ Jinallapi Tukuyta Kamachej Diospa angelnin paykunaman rikhurerqa, lliphipiynintaj paykunata muyuykojtin, anchata mancharikorqanku.

Qheshwa Biblia DC

⁹ Jinallapi Señorpa angelnin rikhurerqa, k'anchaynintaj paykunata muyuykorqa, anchatataj mancharikorqanku.

DIOSPA QHELQACHISQAN DEUTEROCANONICAL

⁹ Jinallapi Tukuyta Kamachej Diospa angelnin paykunaman rikhurerqa, lliphipiynintaj paykunata muyuykojtin, anchata mancharikorqanku.

Quechua South Bolivia: Dios Parlapawanchej

⁹ Mana yuyaskamantataj Diosmanta uj angel paycunaman riqhurerka. Diosmanta c'anchaytaj michejcunaj muyuynintinpi lliphiperka. Michejcunataj mayta mancharicorkancu.

San Lucas 2:9 ပူးပေါင်းရင်းမြစ်များ

1 Reyes 8:11

Sacerdotekunataj manaña chaypi yupaychanankupaj qhepakuyta aterqankuchu phuyu kasqanrayku, imaraykuchus Tata Diospa llimphu kayninpa lliphipiynin Temploman junt'aykorqa.

Éxodo 16:10

Aarón israelitakunawan parlashajtin, chaypacha tukuyninku ch'innejta qhawarerqanku. Chantá Tata Diospa jatun kayninpa lliphipiynin phuyupi rikhurisqanta rikorqanku.

Éxodo 16:7

Tutamanta Tata Diospa jatun kayninpa lliphipiyninta rikunkichej. Payqa paypaj rimasqaykichejta uyarisunkichej. Noqaykurí, pitaj kayku, noqaykupaj thutunaykichejpajri? nispa.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Isaías 40:5

Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Isaías 60:1

Jerusalén, sayarispa lliphipiriy, imaraykuchus k'anchayniyki chayamunña, Tata Diospa jatun kayninpa lliphipiynintaj pataykipi k'anchashan.

Ezequiel 3:23

Chantá jatariytawan, pampaman rerqani, chaypitaj Tata Diospa jatun kayninpa lliphipiyninta rikorqani, imaynatachus Quebar mayu kantupi rikorqani, chay jinallatataj. Chantá uyayta pampaman chayachinaykama k'umuykorqani.

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

San Lucas 1:28

Chantá maypichus María kasharqa, chayman yaykuspa, ángel payta napaykorqa: Diospa khuyakusqan warmi, tukuy sonqo napaykuyki, nispa.

San Lucas 2:8

Belén llajta qayllapi ovejata michejkuna kasharqanku, tutantin uywankuta qhawaspa.

San Lucas 24:4

Jinallapi paykuna t'ukushajtinku, qayllankupi iskay qharikuna rikhurerqanku, lliphipishaj p'achayoj.

San Juan 12:41

Diosmanta sut'inchaj Isaías ajinata nisqa, imaraykuchus Diospa kachamusqan Cristoj atiyninta rikusqa. Chayrayku Cristoj jatun kayninpa lliphipiyninmanta chayta parlasqa.

Hechos 12:7

Chayllaman Tukuyta Kamachej Jesuspa angelnin rikhurimorqa, chay carcel ukhumantaj k'anchay junt'aykorqa. Angeltaj Pedrota wajtanninpi takaspa, rijch'aricherqa, nerqataj: Usqhayta jatariy, nispa. Jinapi Pedroj makinpi watasqa cadena ujllata phaskarasqa t'akarakorqa.

Hechos 27:23

Chayta niykichej, imaraykuchus kunan ch'isi Diospa angelnin rikhuriwarqa. Noqaqa chay Diospata kani, jinataj paypa munasqantapuni ruwaspa kashani.

Hechos 5:19

Chay tutarí Diospa ujnin kaj angelnin cárcel punkuta kicharispa, Jesuspa kuraj kachankunata jawaman orqhorqa, paykunatataj nerqa:

2 Corintios 3:18

Chayrayku tukuyninchej Diospa jatun kayninpa lliphipiyninta uya qhatarasqa qhawashanchej broncemanta espejopi jina. Jinallataj Diospa Espíritun paypa rijch'ayninman tukuchishawanchej, astawan astawan Diospa jatun kaynin noqanchejpi rikuchikunanpaj.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Hebreos 12:21

Chay tukuy ima sinch'i mancharikunapaj kasqanrayku, Moisespis nillasqataj: Manchachikuspa, kharkatitishani, nispa.

Apocalipsis 18:1

Chay qhepata noqa waj angelta rikorqani janaj pachamanta urayk'amushajta. Payqa manchay atiyniyoj karqa, kay pachataj paypa k'anchasqanwan lliphiperqa.

Apocalipsis 20:11

Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.