San Lucas 2:4 - DIOSPA QHELQACHISQ

⁴ Chantá Josepis Davidpa mirayninmanta kasqanrayku, Judea jap'iyman, Davidpa llajtan Belenkama rerqa Galileapi Nazaret llajtamanta.

Qheshwa Biblia DC

⁴ Josepis, Davidpa ayllunmanta kasqanrayku, Galileapi Nazaret llajtamanta wicharerqa, Judeapi, Davidpa llajtan Belenkama.

DIOSPA QHELQACHISQAN DEUTEROCANONICAL

⁴ Chantá Josepis Davidpa mirayninmanta kasqanrayku, Judea jap'iyman, Davidpa llajtan Belenkama rerqa Galileapi Nazaret llajtamanta.

Quechua South Bolivia: Dios Parlapawanchej

⁴ Chayraycu Joseka Galilea jallp'a Nazaret llajtamanta llojserka. Judea jallp'a Belén llajtaman rerka Davidpa ayllunmanta caskanraycu.

San Lucas 2:4 ပူးပေါင်းရင်းမြစ်များ

Génesis 35:19

Ajinata Raquel wañuporqa. Ayantataj Efrataman rinapi p'amparqanku. Chay cheqajta ujnin sutin “Belén” karqa.

Génesis 48:7

Noqa Padán Arammanta kutimushajtiy, Canaanpi Efrataman chayashajtiy, mamayki Raquel wañuporqa. Chantá Efrataman rina ñan qayllapi ayanta p'ampakaporqani. Kunan chaypa sutenqa Belén, nispa. Ajinata Israelqa Joseta nerqa.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

San Mateo 2:23

Nazaret llajtaman chayaspataj, chaypi tiyakorqa. Ajinapi imatachus Diosmanta ñawpa sut'inchajkunaj nisqanku junt'akorqa: Pay Nazaret llajtayoj nisqa kanqa, nispa.

San Lucas 2:3

Jinapi tukuy yupachikunankupaj sapa uj llajtankuman rinanku karqa.

San Lucas 2:5

Paywan khuskataj warmin Mariapis rillarqataj. Chaypacha María may jatun onqojña kasharqa.

San Lucas 4:16

Jesusqa Nazaret llajtanman rerqa, maypichus uywasqa karqa, chayman. Judío usunkuman jinataj samarina p'unchaypi tantakuna wasiman yaykorqa, jinaspataj, Diospa Qhelqachisqanta tukuypa uyarinanta ñawirinanpaj sayarerqa.

San Juan 1:46

Natanaeltajrí kuticherqa: Nazaret llajtamanta allin runa rikhurimunmanchuri? nispa. Felipetaj nerqa: Jamuy ari, chantá qan kikiyki rikunki, nispa.

San Juan 7:42

Diospa Qhelqachisqanpi nin Cristoqa Davidpa ayllunpi paqarinanta, Davidpa llajtan Belenpi, nispa.

Rut 1:19

Ajinaqa iskayninku Belén llajtaman chayanankukama rillarqankupuni. Belenman chayajtinku, tukuynin llajtapi runakuna mayta qhollpikorqanku paykunata rikuspa. Warmikunataj tapunarikorqanku: Manachu kayqa Noemí? nispa.

Rut 2:4

Rut chaypi chajmashajtintaj, Boozqa Belén llajtamanta chajraman chayaykamuspa, ruthojninkunata napaykorqa: Tata Dios qankunawan kachun, nispa. Paykunataj kuticherqanku: Tata Diosqa qantapis yanapasuchun, nispa.

Rut 4:11

Chantá tukuy chaypi kajkuna, kurajkuna ima kuticherqanku: Arí, testigo kayku. Piwanchus casarakunki, chay warmita Tata Dios yanapachun Raquel jina, Lea jinataj may ashkha mirayniyoj kananpaj. Tukuyninchej paykunaj mirayninku kanchej. Tata Diosqa munachun qanpis sumaj rejsisqa runa kay Efrata cheqapi kanaykita, jinallataj Belén llajtapipis.

Rut 4:17

Wasi masin warmikunataj chayta rikuspa, nerqanku: Noemijtaqa wawitan kapun, nispa. Jinapi Boozwan Rutwan wawankuman Obed sutita churarqanku. Aswan qhepamantaj payqa Yeséj tatan, Davidpa jatun tatantaj karqa.

1 Samuel 16:1

Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 16:4

Samueltaj Tata Diospa kamachisqanta kikinta ruwarqa. Belenman chayashajtinñaqa, chay llajtamanta kurajkuna uj chhika mancharisqa taripaj llojsimuspa, Samuelta taporqanku: Allin sonqowanchu jamushawayku? nispa.

1 Samuel 17:12

Chaypacha Judamanta Belenpi Yesé sutiyoj runa tiyakusharqa. Payqa Saúl kawsashajtin unayniyojña karqa. Chay runajta pusaj churinkuna tiyaporqa, ujnin kaj churintaj David karqa.

1 Samuel 17:58

Saultaj taporqa: Waynuchitu, pejpa churintaj kankiri? nispa. Davidtaj kuticherqa: Belenpi tiyakoj kamachiyki Yeséj churin kani, nispa.

1 Samuel 20:6

Tatayki noqata watukuwajtenqa, ninki: Nirikuwarqa saqenayta Belén llajtanman usqhayllata rinanpaj, chaypi tukuy ayllun sapa wata jaywanata Diosman jaywananku kasqanrayku, nispa.