San Lucas 16:22 - DIOSPA QHELQACHISQ

²² Uj p'unchay chay wajcha runa wañuporqa, angelkunataj almanta pusarqanku, maypichus Abraham kashan, chayman. Qhapaj runapis wañupullarqataj, runakunataj payta p'ampamorqanku.

Qheshwa Biblia DC

²² Chantá wajcha runaqa wañuporqa; angelestaj pusarqanku maypichus Abraham kasharqa chayman. Qhapaj runapis wañupullarqataj, paytataj p'ampamorqanku.

DIOSPA QHELQACHISQAN DEUTEROCANONICAL

²² Uj p'unchay chay wajcha runa wañuporqa, angelkunataj almanta pusarqanku, maypichus Abraham kashan, chayman. Qhapaj runapis wañupullarqataj, runakunataj payta p'ampamorqanku.

Quechua South Bolivia: Dios Parlapawanchej

²² Chaymanta wajcha runaka wañuporka. Angelestaj, payta pusarkancu Abraham cashan, chayman samacunanpaj. Khapaj runapis wañupullarkataj. Paytaka p'amparkancu.

San Lucas 16:22 ပူးပေါင်းရင်းမြစ်များ

Job 21:13

Tukuy kawsayninkupi qhapajyanku, chantá ni imamanta llakiyniyoj wañupunku.

Proverbios 14:32

Millayta ruwaj runata mana allin ruwasqallantaj jatun llakiyman churan. Allin ruwaj runarí wañunankama Tata Diosllapi suyakun.

Eclesiastés 8:10

Jinallataj millayta purej runa wañupojtin, sumajta p'ampashajta rikorqani. Allinta ruwaj runa wañupojtinrí, kikin llajtanpi ni pipis yuyarikullankupischu. Chaypis qhasi manakajlla kasqanta rikorqani.

Isaías 14:18

Tukuy suyukunata kuraj kamachejkunaqa may jatunchasqa samarikunku, sapa ujtaj covachankupi.

Isaías 22:16

Imata kaypi ruwashankiri? Pi qan kanki aya p'ampanata kaypi ruwachikunaykipajri? Pitaj kamachisunki aswan patanej chhankapi jusk'uspa aya p'ampanata ruwanaykita, chaypi wañuspa samarinaykipaj?

San Mateo 18:10

Qankunaqa kay juch'uykunamanta ama mayqentapis pisipaj qhawankichejchu, imaraykuchus noqa niykichej: Paykunaj angelninkoqa janaj pachapi Tata Diosniypa uyanta qhawashankupuni.

San Mateo 24:31

Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.

San Mateo 8:11

Nillaykichejtaj: Ashkha runa inti llojsimuynejmanta jamonqanku, inti yaykuynejmanta ima. Chantá Diospa janaj pacha kamachiyninpi paykuna Abrahamwan mikhonqanku, Isaacwan, Jacobwan ima.

Marcos 8:36

Ima allintaj runapaj kanman, sichus kay pachaj tukuy kapuyninta jap'ispapis mana wiñay kawsayman yaykunmanchu chayqa?

San Lucas 12:20

Diostajrí payta nisqa: Wampu runa, kunan ch'isipacha wañunki. Jinaqa pipajtaj kanqa chay tukuy ima tantasqaykiri? nispa.

San Lucas 16:21

Payqa qhapaj runaj mikhunan puchusqanta mikhuyta munarqa. Alqokunapis qayllaykuspa, sarnanpa k'irisqanta llajwaraj kanku.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Juan 13:23

Chaypacha Jesuspa yachachisqankunamanta ujnin, pitachus Jesús astawan munakorqa, chay qayllanpi kasharqa.

San Juan 21:20

Jinapi Pedro qhepata qhawarispa, rikorqa Jesuspa munasqa yachachisqanta jamushajta. Payllataj cenapi Jesusman atiykukuspa, tapusqa: Tukuyta kamachej, pitaj jap'ichisonqari? nispa.

Hebreos 1:14

Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

Santiago 1:11

Inti llojsimuspa ruphajtin, qhoraqa ch'akipun, t'ikantaj urmapun, k'achitu kayninpis chinkapun. Ajinallatataj qhapajpis, jinataj tukuy imata tarisqanpis chinkaponqa.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

Apocalipsis 14:13

Chantá janaj pachamanta jatunmanta parlajta uyarillarqanitaj: Kayta qhelqay: Kunanmanta qhepaman Tukuyta Kamachej Jesuswan ujchasqa wañojkunaqa saminchasqa kanqanku, nispa. Arí, Santo Espiritupis nillantaj: Paykuna llakiykunata sinch'ita ñak'arisqankumanta samarikonqanku, imaraykuchus Dios tukuy allinta ruwasqankumanta t'inkankuta qoponqa, nispa.