San Lucas 15:6 - DIOSPA QHELQACHISQ

⁶ Wasinman chayaytawantaj, kawsaqenkunata, llajta masinkunata ima tantaykuspa, paykunata nin: Noqawan khuska kusikuychej, imaraykuchus chinkasqa ovejayta tarikapuni, nispa.

Qheshwa Biblia DC

⁶ Wasinman chayaytawantajri tantaykun kausaqesninta, qayllampi kajkunata ima, nispa: Noqawan kusikuychej, imaraykuchus tarikapuni chinkasqa ovejayta.

DIOSPA QHELQACHISQAN DEUTEROCANONICAL

⁶ Wasinman chayaytawantaj, kawsaqenkunata, llajta masinkunata ima tantaykuspa, paykunata nin: Noqawan khuska kusikuychej, imaraykuchus chinkasqa ovejayta tarikapuni, nispa.

Quechua South Bolivia: Dios Parlapawanchej

⁶ Wasinman chayamuspataj amigosninta llajta-masisnintawan wajyan tantacamunancupaj. Paycunata nintaj: “Cusicuychej nokawan. Ovejay chincaska carka, chayta taricampuni”, nispa.

San Lucas 15:6 ပူးပေါင်းရင်းမြစ်များ

Salmos 119:176

Chinkasqa oveja jina purerqani. Mask'aj jamuy ari, imaraykuchus kamachisqaykimanta mana qonqapunichu.

San Lucas 1:58

Jinapi kawsaqenkuna, ayllunkuna ima Dios imaynatachus Elisabetta sumajta khuyarikusqanta uyarispa, paywan kusikorqanku.

San Lucas 15:10

Nillaykichejtaj Diospa angelninkunaj ñawpaqenpi ajina kusiy kasqanta, juchasapa runa Diosman kutirikojtin, nispa.

San Lucas 15:24

Kay wawayqa wañusqa karqa, kawsarimuntaj. Chinkasqa karqa, kunantajrí tarikapuni, nispa. Ajinamanta tukuyninku mayta kusikuspa, raymita ruwayta qallarisqanku.

San Lucas 15:5

Ovejanta tariytawantaj, michejqa may kusisqa lijrariykukun.

San Lucas 15:7

Kayta niykichej: Ajinallataj janaj pachapi aswan kusiy tiyan juchasapa runa Diosman kutirikojtin, jisq'on chunka jisq'onniyoj mana juchayojkunamanta nisqaqa, pikunachus Diosman mana kutirikunankuchu tiyan, chaykunamanta, nispa.

San Juan 15:14

Qankunataj kawsaqeykuna kankichej, sichus kamachisqayta kasunkichej chayqa.

San Juan 3:29

Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

Hechos 11:23

Bernabetaj Antioquiaman chayaspa, imatachus Dios qhasilla k'acha yanapayninnejta ruwashasqanta rikorqa. Chaymantataj kusikuspa, chay wawqe panakunata yuyaycharqa Tukuyta Kamachej Jesucristota tukuy sonqo kasunallankutapuni.

Hechos 15:3

Jinapi Antioquía iglesia paykunata kacharpayajtin, paykuna Fenicianejta, Samarianejta ima rerqanku. Rej jinataj Jesuspi atinikojkunaman willararqanku imaynatachus mana judío kajkunapis Diosman kutirikusqankumanta. Chay wawqe panakunataj chayta uyarispa, maytapuni kusirikorqanku.

Filipenses 1:4

Dioswan parlarikuspataj, may kusisqa tukuy qankunapaj mañapuykichej,

Filipenses 2:17

Diospi atinikuspa ruwasqaykichejqa Diosman jaywanatapis jaywashawajchej jina. Noqatachus wañuchiwanqanku chayqa, kawsayneyqa chay jaywasqaykichej patapi ch'ajchunapaj vino jina kanqa. Ajina kanman chayqa, noqa may jinata kusikusaj, munanitaj qankunapis noqawan khuska chaymanta kusikunaykichejta.

Filipenses 4:1

Chayrayku munasqa wawqe panakuna, qankunaqa Tukuyta Kamachej Jesuspi atinikuspallapuni kaychej. Noqa qankunata anchata rikuyta munashaykichej, imaraykuchus qankuna kusichiwankichej, llank'asqaymantataj t'inkay kankichej.

1 Tesalonicenses 2:19

Noqayku qankunata anchatataj rikuyta munarqayku, imaraykuchus Tukuyta Kamachej Jesusninchej kutimuspa, cuentata mañawasqayku. Chaypachataj noqayku umata oqharisqayku, chantá kusikusqayku ima qankunata yanapanaykupaj imatachus ruwasqaykumanta. Qankunamin t'inkayku kankichej.

1 Pedro 2:10

Qankuna ñawpajtaqa mana ayllunchu karqankichej, kunantajrí Diospa ayllunña kankichej. Ñawpajtaqa Dios mana khuyakusorqachejchu, kunantajrí Diospa khuyakusqanña kankichej.

1 Pedro 2:25

Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.