San Lucas 15:15 - DIOSPA QHELQACHISQ

¹⁵ Chayrayku chay llajtayoj patronpaman qayllaykuspa, ganakunanpaj ruwanata mañakusqa. Chay patrontaj jallp'anman kachasqa khuchita michinanpaj.

Qheshwa Biblia DC

¹⁵ Chayrayku llank'anata mask'arqa, jinapitaj chay llajtayoj patrompaman qayllaykorqa. Paytaj jallp'anman kacharqa khuchista michejta.

DIOSPA QHELQACHISQAN DEUTEROCANONICAL

¹⁵ Chayrayku chay llajtayoj patronpaman qayllaykuspa, ganakunanpaj ruwanata mañakusqa. Chay patrontaj jallp'anman kachasqa khuchita michinanpaj.

Quechua South Bolivia: Dios Parlapawanchej

¹⁵ Chanta jakaypi uj llajtayojman mañaricorka: “Llanc'arichillaway”, nispataj c'ascacorka. Llajtayojri jallp'anman qhuchisninta michimunanpaj payta cacharka.

San Lucas 15:15 ပူးပေါင်းရင်းမြစ်များ

2 Crónicas 28:22

Chay jina llakiywan ñit'isqa kashaspapis, Ajazqa Tata Diosta wasancharqa, contranpitaj juchallillarqapuni.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Isaías 57:17

Israel millay ruwayta munapayasqanrayku noqa phiñakorqani. Chayrayku payta sinch'ita jasut'erqani, phiñakuyniypitaj payta saqerparerqani. Jinapis pay mana kasuwaspa, sonqonpa munasqanta ruwallarqapuni.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Ezequiel 16:52

Kunanqa p'enqakuywan k'umuykachaspa ñak'ariy, imaraykuchus ñañaykikunamanta nisqaqa astawan millaytaraj ruwarqanki. Ajinamanta qan paykunata mana juchayojpis kankuman jina rikhuricherqanki. Chay p'enqayta qan apanayki tiyan, imaraykuchus ñañaykikunata mana juchayojta jina rikhurichinki.

Ezequiel 16:63

Maypachachus noqa tukuy millay ruwasqaykita pampachasaj chaypacha, qan yuyarikuspa, uyaykita mana mayman churayta atinkichu. P'enqakunki, k'umuykunkitaj, simiykitapis mana ujtawan kicharinkichu. Noqa Tukuyta Kamachej Tata Dios chayta nini, nispa.

Nahúm 3:6

Pataykiman millay ch'ichita jich'aykamusaj Honrayki t'akasqa kananta ruwasaj, tukuy qhawaspa asikusunankupaj jina.

Malaquías 2:9

Qankuna mana kasuwankichejchu, kamachisqayta yachachispapis wakin runakunallata allinpaj qhawankichej. Chayrayku noqa qankunata tukuy runaj ñawpaqenpi p'enqaypi rikhurichisqaykichej, pisipajtaj qhawachisqaykichej. Ajinata noqa Tukuy Atiyniyoj Tata Dios nini.

San Mateo 7:6

Diospaj t'aqasqa kajtaqa ama alqokunaman qaraykuychejchu. Pajtataj kutirimuspa qhanisunkichejman. Nillataj khuchikunamanpis perla walqaykichejkunata wijch'uychejchu, imaraykuchus khuchikunaqa walqakunata sarurallankuman.

San Lucas 15:13

Mana unaymanchu sullk'a kaj churi tukuy chayaqenta vendeytawan, chay qolqeta tantaykuspa, karu llajtaman ripusqa. Jaqaypitaj tukuy qolqenta tukuchisqa mana allinta purispa.

San Lucas 15:14

Maypachachus tukuy qolqen tukukojtin, chaypachallataj chay llajtapi manchay yarqhay kasqa, paytaj pisichikuyta qallarisqa.

San Lucas 15:16

Chaypitaj waynaqa yarqhaymanta khuchi mikhuna thaqota mikhuyta munasqa. Chaywanpis mana pipis ni imatapis jaywasqachu.

Romanos 6:22

Kunantajrí, juchaj wata runan kanamanta kacharichisqaña kaspa, Diospa wata runan kanaykichejpaj yaykupunkichej. Chaytaj qankunapaj arí sumaj, imajtinchus llimphu kawsayta tarinkichej, chaymantataj wiñay kawsayta jap'inkichej.

Tito 3:3

Noqanchejpis ñawpajtaqa mana yuyayniyoj wampu karqanchej, mana kasukojkuna, chinkasqa ima. Kallarqanchejtaj tukuy imaymana mana allin kajta ruwayta munajkuna, sonqonchejpa munasqanta ruwaspa kusiririkuyta munajkuna ima. Chaykunamantataj mana kacharichikuyta aterqanchejchu. Jinallataj noqanchej millay ch'ichi kajta ruwaspa, envidiakuspa, chejnispa, chantá ujkuna ujkuna chejninakuspa ima kawsarqanchej.