San Lucas 14:13 - DIOSPA QHELQACHISQ

¹³ Manachayqa jatun mikhuyta wayk'uchispaqa, wajyarikuy wajchakunata, ñuk'ukunata, suchukunata, ñawsakunata ima.

Qheshwa Biblia DC

¹³ Jatun mikhuyta wakichispaqa, wajyakuy wajchasta, ñuk'usta, cojosta, ciegosta ima.

DIOSPA QHELQACHISQAN DEUTEROCANONICAL

¹³ Manachayqa jatun mikhuyta wayk'uchispaqa, wajyarikuy wajchakunata, ñuk'ukunata, suchukunata, ñawsakunata ima.

Quechua South Bolivia: Dios Parlapawanchej

¹³ Astawanpis jatun miqhunata waquichispaka wajyay wajcha runasta, ñuc'usta, suchusta, ciegostapis.

San Lucas 14:13 ပူးပေါင်းရင်းမြစ်များ

2 Samuel 6:19

Jinapi David chaypi kajkunaman mikhunankupaj qorqa sapa ujman uj t'antata, uj chhikan aycha kankata, palma poqoymanta t'antata, chantá uva k'isata ima. Chaymantataj tukuyninku wasinkuman kutiporqanku.

2 Crónicas 30:24

Judamanta kuraj kamachej Ezequiastaj tantasqa runakunaman 1.000 torillokunata, 7.000 ovejakunatawan qorqa. Jinallataj kamachejkunaqa 1.000 torillokunata, 10.000 ovejakunatawan qollarqankutaj. Sacerdotekunamanta ashkha llimphuchakullarqankutaj.

Nehemías 8:10

Chantá Nehemías nillarqataj: Riychej, allin mikhunata mikhukamuychej, upi vinotataj ujyarikamuychej. Wajchakunamantaj mikhunaykichejmanta jaywariychej, imaraykuchus kay p'unchayqa Tukuyta Kamachej Diospaj t'aqasqamin. Ama llakikuychejchu, imaraykuchus kusichisoj Tata Diosniykichej kallpachasonqachej, nispa.

Nehemías 8:12

Ajinaqa tukuy mikhoj, ujyajtaj riporqanku. Mikhunatapis wajkunaman jaywarerqanku, sumaj raymitataj ruwarerqanku, imaraykuchus uyarisqankuta sumajta sonqonkupi jap'eqarqanku.

Job 29:13

Pichus mana imayoj rikhurejqa: Pachis, niwarqa. Warmisapakunataj yanapajtiy, mayta kusikoj kanku.

Proverbios 14:31

Wajcha runata waqachejqa Tata Diosta pisipaj qhawan. Wajcha runata khuyajrí Tata Diosta jatunchan.

Proverbios 22:9

Tata Dios saminchanqa, pichus runa masinta khuyaj sonqowan qhawajta, wajchakunaman mikhunanmanta qorisqanrayku.

Isaías 58:10

Manachayqa yarqhasqakunaman mikhuchiychej, ñak'arichisqa runatataj yanapaychej. Ajinatachus qankuna ruwankichej chayqa, laqhayaypi k'anchay jina k'ancharinkichej, muyuykusoj laqhayaytaj chawpi p'unchayman jina tukonqa.

Isaías 58:7

Munani yarqhasqakunaman mikhunaykichejmanta jaywarinaykichejta, mana wasiyojkunatataj wasiykichejman wajyarikunaykichejta. Munallanitaj mana p'achayojkunata p'achallichinaykichejta, pisichikoj runa masiykichejmantapis ama pakakunaykichejta.

San Mateo 15:30

Ashkha runataj, maypichus Jesús kasharqa, chayman qayllaykorqanku. Paykuna suchukunata pusamorqanku, jinallataj ñawsakunata, opakunata, ñuk'ukunata, waj ashkha onqosqakunatawan ima. Jesuspa ñawpaqenman onqosqakunata qayllachejtinkutaj, Jesús paykunata qhaliyacherqa.

San Mateo 22:10

Kamachikunataj ñankunaman llojsispa, tarisqanku kaj chhikata wajyasqanku, allin kajkunata mana allin kajkunatapis. Ajinamanta raymi waseqa chay wajyasqakunawan junt'aykusqa.

San Lucas 11:41

Chayrayku sonqoykichejta llimphuchaychej kapuyniykichejmanta wakinta wajchakunaman qospa, ajinamantataj qankuna llimphupuni kankichej.

San Lucas 14:12

Mikhunaman wajyarikoj runatapis Jesús nillarqataj: Jayk'ajllapis almuerzota, chayrí cenata wayk'uchispaqa, ama kawsaqeykikunata, nitaj wawqeykikunata, nitaj aylluykikunata, nitaj qhapaj llajta masiykikunatapis wajyarikunkichu. Paykuna qanta kikillantataj mikhunaman wajyarisunkuman, chayllawantaj t'inkachisqa kawaj.

San Lucas 14:14

Chaywanqa aswan kusikuyniyoj kanki, imaraykuchus paykuna mana imatapis kutichipusuyta atenqankuchu. Chantá cheqan runakuna wañusqamanta kawsarimpojtinku, chaypachamá Diosmin t'inkaykita qosonqa, nispa.

San Lucas 14:21

Chantá chay kamacheqa kutimuspa, chay tukuyta patronninman willasqa. Patronrí sinch'ita phiñakuspa, kamachinta nisqa: Riy usqhayta kay llajtaj plazanta, callenkunata ima, pusaramuytaj tukuy wajchakunata, ñuk'ukunata, ñawsakunata, suchukunata ima, nispa.

Hechos 9:39

Chantá Pedro paykunawan rerqa. Jopeman chayajtinkutaj, wawqe panakuna Pedrota altopataman pusarqanku. Chaypitaj warmisapakuna waqaspa, Pedroman rikucherqanku Dorcas wajkunapaj ruwapusqan p'achakunata, aymillakunata ima.

Deuteronomio 14:29

Chaytataj levitakuna mikhonqanku, imajtinchus paykunaqa mana jallp'ayojchu kanku. Jinallataj chaymanta llajtaykichejpi tiyakoj waj llajtayojkuna, wajchakuna, warmisapakuna ima mikhonqanku. Ajinata ruwajtiykichej, Tata Diosniykichej tukuy ima ruwasqaykichejpi yanapasonqachej.

Deuteronomio 16:11

Qankunaqa Tata Diosniykichejpa ñawpaqenpi kusikunkichej, maypichus pay uj cheqata ajllakonqa, chaypi. Kusikunkichej wawaykichejwan, kamachiykichejwan khuska, jinallataj llajtaykichejpi tiyakoj levitakunawan, waj llajtayojkunawan, wajcha wawakunawan, chantá warmisapakunawan ima.

Deuteronomio 16:14

Chay raymipi qankuna wawaykichejwan, kamachiykichejwan khuska, chantapis llajtaykichejpi tiyakoj levitakunawan, waj llajtayojkunawan, wajcha wawakunawan, warmisapakunawan ima kusikunkichej.

1 Timoteo 3:2

Chayrayku payqa mana k'amina kanan tiyan, uj k'ata warmiyoj, sonqonpa munasqanwan mana atipachikoj, allinpaj qhawasqa, sumaj yuyayniyoj, wasinman wajyarikuyta yachaj, chantá yachachinanpaj sumaj wakichisqa.

1 Timoteo 5:10

Chantá pay allin kajta ruwasqanrayku tukuypaj sumaj respetowan qhawana kachun. Kallachuntaj wawankunata allinta uywaj, wajkunata wasinman wajyarikuyta yachaj, Jesucristota qhatikojkunaj chakinkuta mayllaj, llakiyniyojkunata khuyaspa yanaparej, chantá tukuy allin kajta ruwayta yachaj ima.

Tito 1:8

Aswanpis pay wasinman wajyarikuyta yachaj kanan tiyan, jinallataj allin kajta munakoj, sumaj yuyayniyoj, cheqan kajta ruwaj, juchamanta t'aqasqa, chantá sonqonpa munasqanwan mana atipachikoj ima.

Filemón 1:7

Chayrayku wawqe panakunata munakusqaykirayku sonqoy t'ikaririn, kusikunitaj. Qanqa ashkha kutita Diospa ajllakusqankunaj sonqonkuta kawsaricherqanki.

Hebreos 13:2

Waj llajtayojkunata wasiykichejman wajyarikuyta ama qonqaychejchu, imaraykuchus chayta ruwaspa, wakinkunaqa mana yachaspalla angelkunata wajyarikorqanku.