San Lucas 13:35 - DIOSPA QHELQACHISQ

³⁵ Kunanrí qhawariychej: Wasiykichejqa ch'inpacha qhepakonqa. Chayrayku niykichej: Manaña ujtawan rikuwankichejchu, ninaykichejkama: Tukuyta Kamachej Diospa sutinpi jamojta jatunchaychej, nispa.

Qheshwa Biblia DC

³⁵ Qhawariychej, wasiykichejqa ch'impacha qhepakonqa; kunantaj niykichej: Manaña ujtawan rikuwankichejchu: Kausachun Señorpa sutimpi jamojqa, ninaykichejkama.

DIOSPA QHELQACHISQAN DEUTEROCANONICAL

³⁵ Kunanrí qhawariychej: Wasiykichejqa ch'inpacha qhepakonqa. Chayrayku niykichej: Manaña ujtawan rikuwankichejchu, ninaykichejkama: Tukuyta Kamachej Diospa sutinpi jamojta jatunchaychej, nispa.

Quechua South Bolivia: Dios Parlapawanchej

³⁵ Chekatapuni Dios yupaychana-wasiyquichejta sakerparipun. Niyquichejtaj: Mana ujtawan ricuwanquichejñachu “Jatunchaska cachun Diosmanta cachaska jamojka”, ninayquichejcama, —nispa nerka Jesús.

San Lucas 13:35 ပူးပေါင်းရင်းမြစ်များ

Salmos 118:26

Tata Diospa sutinpi jamojta jatunchaychej. Noqayku Tata Diospa Templonmantapacha qankunata saminchayku.

Salmos 69:25

25 (26) Wasinkoqa ch'inyachisqa kachun, toldonkupipis ni pi tiyakuchunchu.

Isaías 52:7

Pichus orqo patanta jamuspa sumaj willaykunata apamojta rikunaqa may kusiymin. Payqa allin kawsaymanta, qhespichisqa kaymanta ima sumaj willaykunata apamushan, Sionmantaj nin: Diosniykeqa kamachishanña, nispa.

Jeremías 22:5

Sitajchus kay kamachisqayta mana kasunkichejchu chayrí, kay kamachina wasikunatapis raqayllaman tukuchisaj. Noqa Tata Diosmin chayta nini.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Zacarías 14:2

Chay p'unchaypi Tata Diosqa tukuy suyukunata tantanqa Jerusalenpa contranta maqanakunankupaj. Chaypacha paykuna Jerusalén llajtata jap'enqanku, chaypi tiyakojkunaj wasinkukunatapis ch'inyachenqanku. Chay runakunaj warminkutapis alqochanqanku, chaypi tiyakojkunamantataj khuskannin waj suyukunaman apasqa kanqanku. Chaykunamanta puchojkunalla llajtapi qhepakonqanku.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

San Lucas 19:41

Chantá Jerusalén llajta qayllaman chayaspa, Jesús llajtata rikuytawan, waqarikorqa.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

San Juan 12:13

chay runakunaqa palma jap'irisqa Jesusta taripaj llojserqanku. Chantá qhaparerqanku: Diosniyku, qhespichiwayku. Tukuyta Kamachej Diospa sutinpi jamojqa yupaychasqa kachun. Israelpa Kuraj Kamachejnin jatunchasqa kachun, nispa.