San Lucas 12:37 - DIOSPA QHELQACHISQ

³⁷ Kusikuyniyojmin kanqanku chay kamachikuna, pikunatachus patronninku chayamuspa, rijch'arisqata taripanqa, chaykuna. Sut'ita niykichej: Kikin patronninku paykunata tiyaykuchispa, mikhunata jaywanqa.

Qheshwa Biblia DC

³⁷ Kusikuyniyoj kanqanku chay kamachis, mayqenkunatachus patronnin chayamuspa qhawashajta taripajtin. Cheqamanta niykichej, chay patrón kikin chumpinta mat'ikonqa; mesapi tiyaykuchispataj, pay kikin mikhunata jaywanqa.

DIOSPA QHELQACHISQAN DEUTEROCANONICAL

³⁷ Kusikuyniyojmin kanqanku chay kamachikuna, pikunatachus patronninku chayamuspa, rijch'arisqata taripanqa, chaykuna. Sut'ita niykichej: Kikin patronninku paykunata tiyaykuchispa, mikhunata jaywanqa.

Quechua South Bolivia: Dios Parlapawanchej

³⁷ Camachejka chayamuspa paycunata rijch'ashajta taripan. ¡May cusiskas chay camachicunaka! Chekamanta niyquichej: Pay waquichiconka paycunata tiyaycuchispataj miqhunata jaywanka.

San Lucas 12:37 ပူးပေါင်းရင်းမြစ်များ

Isaías 62:5

Imaynatachus wayna parlakusqan sipaswan casarakun, ajinallatataj Diospis qanta warminpaj oqharikapusonqa. Imaynatachus qhari warmi kusikunku, ajinallatataj Diosniyki qanwan kusikonqa.

Jeremías 32:41

Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

San Mateo 24:42

Chayrayku, qankunapis wakichisqa suyaychej, imaraykuchus mana yachankichejchu ima p'unchaychus Tukuyta Kamachejniykichej kutimunanta.

San Lucas 12:36

Qankunaqa casarakuymanta patronninkuta suyaj kamachikuna jina kaychej. Paykuna suyanku, patronninku chayamuspa wajyajtinkama, punkuta kicharinankupaj.

San Lucas 12:43

Chay mayordomo kusikuyniyojmin kanqa, sichus patronnin ajinata ruwashajta taripanqa chayqa.

San Lucas 17:8

Manachu astawanqa niwajchej: Mikhunata wayk'upuway. Chantá mikhunata, ujyanata ima jaywawanki noqa mikhunaypaj. Chaymantaraj qanqa mikhunki, ujyankitaj, nispa?

San Lucas 21:36

Qankunarí wakichisqapuni kaychej ari, tukuy tiempo Diosmanta mañarikuspa chay tukuy ima jamoj llakiymanta llusp'inaykichejpaj, ajinamanta Runaj Churinpa ñawpaqenpi mana manchachikuspa rikhuriyta atinaykichejpaj, nispa.

San Lucas 22:27

Chantapis mayqentaj aswan kurajpaj qhawasqa kanmanri: Mesapi tiyaspa qarachikojchu, chayrí mikhunata qarajchu? Manachu mesapi tiyaykuspa mikhunata qarachikoj kurajpaj qhawasqa kanman? Chaywanpis noqa yachachejniykichej kaspa, qankuna ukhupi mikhunata jaywaj jinalla kashani.

San Juan 12:26

Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

1 Corintios 2:9

Diospa Qhelqachisqanpi nin: Imatachus ñawi mana rikorqachu, nitaj ninri uyarerqachu, nillataj runa sonqonpi yuyarqachu, chayta Dios wakicherqa payta munakojkunapaj, nispa.

Filipenses 1:21

Kawsasajraj chayqa, Cristota kasuspa kawsayta munani. Wañupuyman chayrí, noqapaj aswan allinraj kanman.

Filipenses 1:23

Chay iskaymantaqa mana ajllakuyta atinichu. Astawanqa wañupuyta munayman, Cristowan khuska kamunaypaj, chaytaj noqapaj aswan sumaj kanman.

2 Pedro 1:11

Chantá Tukuyta Kamachej Jesucristo Qhespichejninchejpa wiñay kamachiyninman qankuna yaykushajtiykichej, Diosqa may jina kusiywan jap'isonqachej.

2 Pedro 3:14

Chayrayku munasqa wawqe panaykuna, chay imakunata suyaspaqa, atisqaykichejta kallpakuychej Dios taripasunaykichejta mana juchayojta, mana k'aminata, paywan allinpi purishajta ima.

Apocalipsis 14:13

Chantá janaj pachamanta jatunmanta parlajta uyarillarqanitaj: Kayta qhelqay: Kunanmanta qhepaman Tukuyta Kamachej Jesuswan ujchasqa wañojkunaqa saminchasqa kanqanku, nispa. Arí, Santo Espiritupis nillantaj: Paykuna llakiykunata sinch'ita ñak'arisqankumanta samarikonqanku, imaraykuchus Dios tukuy allinta ruwasqankumanta t'inkankuta qoponqa, nispa.

Apocalipsis 16:15

Chayrayku Jesús nin: Allinta qhawakuychej, imaraykuchus noqaqa suwa jina jamusaj mana yuyasqanku p'unchayta. Kusisqamin kanqanku pikunachus rijch'ashajlla, chantá p'achallisqa suyawajkuna. Ajinaqa paykunata mana q'alallatachu taripasaj, nitaj imamantapis p'enqakonqankuchu, nispa.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.