San Lucas 12:33 - DIOSPA QHELQACHISQ

³³ Chayrayku kapuyniykichejta vendeychej, chay qolqeta pisichikojkunaman rak'inaykichejpaj. Ajinamanta mana thantakoj wayaqata ruwakunkichej, kapuyniykichejtataj janaj pachapi waqaychankichej. Chaypeqa kapuyniykichej mana tukukonqachu, manataj suwapis yaykonqachu, nitaj thutapis k'utonqachu.

Qheshwa Biblia DC

³³ Kapuyniykichejta vendeychej, wajchasman rak'inaykichejpaj; chantá ruwakuychej mana thantakoj wayaqata, waqaychaychejtaj kapuyniykichejta janaj pachapi, chaypeqa mana tukukonqachu; maymanchus suwa mana yaykunchu, nitaj thutapis k'utunchu, chayman.

DIOSPA QHELQACHISQAN DEUTEROCANONICAL

³³ Chayrayku kapuyniykichejta vendeychej, chay qolqeta pisichikojkunaman rak'inaykichejpaj. Ajinamanta mana thantakoj wayaqata ruwakunkichej, kapuyniykichejtataj janaj pachapi waqaychankichej. Chaypeqa kapuyniykichej mana tukukonqachu, manataj suwapis yaykonqachu, nitaj thutapis k'utonqachu.

Quechua South Bolivia: Dios Parlapawanchej

³³ Capuyniyquichejta vendeychej. Qhuyacuywantaj wajcha runasman koychej. Cayta ruwaspa janaj pachapi khapaj cajta jallch'acushanquichej, manataj jayc'ajpis cayka tucuconkachu. Jakayman mana yaycuyta atinchu suwa, nitaj thutapis thutaspa tucuchiyta atinchu.

San Lucas 12:33 ပူးပေါင်းရင်းမြစ်များ

Proverbios 13:7

Wakinkunaqa mana imayoj kashaspapis, qhapajpis kankuman jina kawsanku. Wakinkunatajrí tukuy imayoj kashaspapis, wajchapis kankuman jina kawsanku.

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.

San Mateo 19:21

Chantá Jesús payta nerqa: Sichus maychus kajta Diospa munayninta junt'ayta munanki chayqa, tukuy kapuyniykita vendemuspa, wajchakunaman chay qolqeta rak'iray. Ajinamanta janaj pachapi tukuy imayoj kanki. Chaymantataj kutimuspa, yachachisqay kanaykipaj noqata qhatiway, nispa.

San Lucas 11:41

Chayrayku sonqoykichejta llimphuchaychej kapuyniykichejmanta wakinta wajchakunaman qospa, ajinamantataj qankuna llimphupuni kankichej.

San Lucas 12:21

Ajinallataj kanqa, pichus payllapaj kay pachapi tukuy imata tantaspa, Diospa ñawpaqenpi mana imayoj rikhurin, chay runapaj, nispa.

San Lucas 16:9

Chayrayku qankunapis kay pachapi kapuyniyoj kasqaykichejwan wajta yanapaspa kawsaqekunata mask'akuychej. Ajinamanta kapuyniykichej tukukojtin, wiñaypaj tiyakunapi kusiywan jap'eqasqa kankichej.

San Lucas 18:22

Chayta uyarispa, Jesús payman nerqa: Jina chayqa, uj imatawanraj ruwanayki tiyan: Tukuy kapuyniykita vendespa, wajchakunaman chay qolqeta rak'iray. Ajinata ruwaspa, janaj pachapi tukuy imayoj kanki. Chaymantataj kutimuspa, yachachisqay kanaykipaj noqawan jamuy, nispa.

San Juan 12:6

Judas chayta nisharqa, mana wajchakunata khuyaspachu. Manachayqa pay Jesuspa yachachisqankunaj qolqe wayaqankuta jap'erqa, chayman churasqankutataj suwaj.

Hechos 2:45

Wakinkunaqa jallp'ankuta, waj kapuyninkutawan ima vendespa, chay qolqewan yanapanakoj kanku sapa uj pisichikusqanman jina.

2 Corintios 8:2

May sinch'i llakiykunata ñak'arishajtinkupis, kusikuyninkoqa may jatunmin karqa. Jinallataj wajcha kashaspa, qhapajpis kankuman jina, paykuna yanapanankupaj tukuy sonqo qolqeta qorqanku.