San Lucas 1:78 - DIOSPA QHELQACHISQ

⁷⁸ Diosninchejqa jatun khuyakuyninrayku patamantapacha qhespichejta kachamuwanchej sut'iyaypi inti llojsimoj jina k'anchanawanchejpaj.

Qheshwa Biblia DC

⁷⁸ Diosninchejqa, khuyakoj sonqonrayku, patamantapacha k'anchamuspa watukuwarqanchej.

DIOSPA QHELQACHISQAN DEUTEROCANONICAL

⁷⁸ Diosninchejqa jatun khuyakuyninrayku patamantapacha qhespichejta kachamuwanchej sut'iyaypi inti llojsimoj jina k'anchanawanchejpaj.

Quechua South Bolivia: Dios Parlapawanchej

⁷⁸ Diosninchej munacuyniyoj qhuyacuyniyojtaj. Pay jamonka yanapanawanchejpaj. Imaynata inti pakarimun, ajinallatataj Cacharichiwajninchejka janaj pachamanta jamonka juchamanta cacharichinawanchejpaj.

San Lucas 1:78 ပူးပေါင်းရင်းမြစ်များ

Salmos 25:6

Tata Diosníy, k'acha kayniykita, khuyakuyniykita ima sapa p'unchay rikuchiwasqaykita yuyarikuy.

Isaías 11:1

Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 63:15

Tata Dios, qan janaj pachamanta qhawarimuy, may llimphu kamachinayki tiyanamanta allinta qhawarimuy. Maytaj kunan chay sinch'i munakuyniyki, kallpaykitajri? Khuyakuyniyki tukukapunchu, sonqoykipis noqaykurayku manañachu wawayan?

Isaías 63:7

Noqaqa Tata Diospa khuyakuyninmanta yuyarikusajpuni, tukuy imata ruwasqanmantapis payta yupaychasaj. Mayta kusikullasajtaj jatuchaj k'acha imakunata Israelpaj ruwasqanmanta jatun khuyakuyninman jina, munakuyninman jinataj.

Zacarías 3:8

Allinta uyariway, kuraj kaj sacerdote Josué, jinallataj qanwan kashaj, chay sacerdotekunapis uyarillachunkutaj. Qankuna señal jina churasqa kankichej imachus aswan qhepaman kananmanta. Noqa kamachiyta kachasaj, Ijimuy Kaj nisqata.

Zacarías 6:12

Chantá payta ninki: Tukuy Atiyniyoj Tata Dios nin Ijimuy Kaj nisqa qhari kikin saphinmanta wiñamunanta, chantataj Tata Diospa Templonta jatarichinanta.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

Números 24:17

Imachus qhepanejman kanqa chayta rikuni, chaytaj manaraj junt'akunrajchu. Jacobpa mirayninmanta uj ch'aska rikhurimonqa, Israel ukhumanta uj kamachej jatarenqa. Paymin Moabta atipaykonqa, Setpata miraynintapis tukuyninta chinkachenqa.

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

Efesios 5:14

Chayrayku ninku: Puñushasqaykimanta rijch'ariy, wañusqakuna ukhumantataj sayariy, Cristotaj k'anchaykusonqa, nispa.

Filipenses 1:8

Dioslla yachan imaynatachus qankunata munakusqayta Jesucristoj sinch'i munakuyninwan.

Filipenses 2:1

Ajinaqa Cristoman ujchasqa kasqaykichejrayku pay atiyta qosunkichej ujkunaj sonqonkuta kawsarichinaykichejpaj, pay munakususqaykichejraykutaj sonqochasqa kankichej. Chantá tukuyniykichejpi kikin Santo Espiritullataj kashan, jinallataj khuyakuyniyoj kankichej.

Colosenses 3:12

Qankunaqa Diospa ajllakusqan kankichej, paypaj t'aqasqa, may munasqataj. Chayrayku qankuna khuyakuywan, k'acha kaywan, llamp'u sonqo kaywan, mana phiñakoj kaywan, pacienciawan ima p'achawan jina p'achallikuychej.

2 Pedro 1:19

Chayta uyarispa, noqayku repararqayku Diosmanta sut'inchajkunaj willasqanku jinapuni kasqanta. Qankunataj chay nisqankuta kasuta ruwaspa, allinta ruwankichej. Chay nisqankoqa laqhapi lámpara jina k'ancharin. Jinallataj k'anchanqapuni, sut'iyay ch'aska llojsimuspa, sonqoykichejpi k'anchanankama.

1 Juan 3:17

Chaywanpis pipis kapuyniyoj kashaspa, sichus Jesucristota qhatikoj masinta pisichikojta rikunman, manataj khuyarinmanchu chayqa, chay runaqa Diosta mana munakusqanta rejsichishan.

Apocalipsis 22:16

Noqa Jesusqa chaykunata iglesiakunaman willananpaj angelniyta kachamorqani. Noqa Davidpa mirayninmanta kaj kani, sut'iyamuyta lliphipej ch'askataj.