San Lucas 1:32 - DIOSPA QHELQACHISQ

³² Pay allin rejsisqa kanqa, paytataj, Patapi Kaj Diospa Churin, nispa sutichanqanku. Tukuyta Kamachej Diostaj ñawpa tatan Davidpa kamachinan tiyanata payman qonqa.

Qheshwa Biblia DC

³² Payqa jatun kanqa, sutichasqataj kanqa patapi kajpa Churin; Señor Diostaj, tatan Davidpa reinonta payman qonqa.

DIOSPA QHELQACHISQAN DEUTEROCANONICAL

³² Pay allin rejsisqa kanqa, paytataj, Patapi Kaj Diospa Churin, nispa sutichanqanku. Tukuyta Kamachej Diostaj ñawpa tatan Davidpa kamachinan tiyanata payman qonqa.

Quechua South Bolivia: Dios Parlapawanchej

³² Payka sumaj c'acha, curaj runataj canka, c'ata Diospa Wawan caskanraycu. Tucuy atiyniyoj Dioska payta unay tatan Davidtajina camachinanpaj churanka.

San Lucas 1:32 ပူးပေါင်းရင်းမြစ်များ

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

Salmos 132:11

Tata Diosqa Davidman tiluspa, ujta nerqa, tilusqantataj mana p'akenqachu. Pay nerqa: Mirayniykimanta ujninta kamachinayki tiyanapi tiyachisaj.

Salmos 132:12

Sichus churiykikuna tratoyta junt'anqanku, kamachisqaytapis kasonqanku chayqa, paykunaj wawankupis kamachinayki tiyanapi wiñaypaj tiyanqanku, nispa.

Isaías 16:5

Chaypacha Tata Diosqa Davidpa ayllunmanta uj kuraj kamachejta churanqa. Paytaj khuyakuspa, cheqanta juzgaspa kamachenqa. Jinallataj cheqantapuni ruwanqa.

Jeremías 17:25

Sichus kasuwankichej chayqa, Davidpa kamachinan tiyanapi kuraj kamachejkuna kallanqankupuni. Paykuna chantá kurajkuna ima carretapi, chayrí caballopi kay llajtaman punkunta yaykonqanku, Judamanta runakunawan, chantá Jerusalenmanta runakunawan khuska. Jerusalenpi tiyakojkunapis wiñaypaj kallanqapuni.

Jeremías 22:2

Davidpa kamachinan tiyanapi tiyasqa Judata kuraj kamachej, yanapajkuna, jinataj kay llajtapi tiyakojkuna ima, imatachus Tata Dios nisqanta uyariychej.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

San Mateo 1:1

Kayqa Jesucristoj ñawpa tatankunaj mirayninmanta sutinkuna. Jesusqa Davidpa mirayninmanta karqa, Abrahampa mirayninmantawan.

San Mateo 12:42

Chantá juicio p'unchaypi, uray suyumanta qoyapis sayarispa, kay runakunata juchachallanqataj, imaraykuchus qoyaqa karu jallp'amanta jamusqa Salomonpa yachayninta uyarej. Kunantajrí Salomonmanta aswan kuraj kaypi kashan, qankunataj mana uyariyta munankichejchu.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Marcos 14:61

Jesustajrí ch'inlla karqa, mana imata kutichispa. Watejmanta kuraj kaj sacerdoteqa Jesusta tapullarqataj: Qanchu Diospa kachamusqan Cristo kanki, jatunchasqa Diospa Churin? nispa.

Marcos 5:7

Sinch'ita qhaparispataj, nerqa: Jesús, Patapi Kaj Diospa Churin, imá ruwanayki tiyan noqawanri? Diospa sutinpi mañakuyki ama ñak'arichinawaykita, nispa.

San Lucas 1:15

imaraykuchus pay jatunpaj qhawasqa kanqa Tukuyta Kamachej Diospa ñawpaqenpi. Mana vinota, nitaj ima machachej ujyanata ujyanqachu. Chantá mamanpa wijsanmantapacha Santo Espíritoj kamachiyninpi kanqa.

San Lucas 1:35

Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

San Lucas 1:76

Qanrí wawáy, Patapi Kaj Diospa sut'inchajnin sutichasqa kanki, imaraykuchus paypa ñawpaqenta rispa, ñanninta wakichinki.

San Lucas 3:16

Juantajrí tukuyman kuticherqa: Noqaqa yakuwan bautizaykichej. Qhepaytatajrí waj jamushan, paytaj Santo Espirituwan, chantá ninawan ima bautizasonqachej. Payqa noqamanta aswan atiyniyoj, noqataj mana paypa wata runan kanaypaj jinallapischu kani.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

San Juan 12:34

Chay runakunatajrí payta nerqanku: Noqayku kamachisqa qhelqasqata ñawirispa, yachayku Cristoqa wiñaypaj kawsananta. Jina chayqa, imaraykutaj qan nishanki Runaj Churin cruzman chakatasqa kanantari? Pitaj chay Runaj Churinri? nispa.

San Juan 6:69

Noqaykoqa qan kawsaj Diospa Churin kasqaykita yachayku, jinallataj Diospa ajllasqan kasqaykitapis, nispa.

Hechos 16:17

Chay sipasqa Pabloj qhepanta, qhepaykutawan ima jamorqa, jinataj qhaparqachaspa, nerqa: Kay runakunaqa Patapi Kaj Diospa kamachinkuna kanku. Paykuna willasunkichej imaynatachus qhespichisqa kanaykichejta, nispa.

Hechos 2:30

Davidrí Diosmanta sut'inchaj karqa, paymantaj Dios tiluspa nisqa Davidpa mirayninmanta ujnin kajta kamachinan tiyanapi tiyaykuchinanta.

Hechos 2:36

Chayrayku tukuy israelitakuna, kayta allinta yachaychej: Kay Jesusta, pitachus qankuna cruzman chakatarqankichej, paytamin Dios churan Tukuyta Kamachej kananpaj, Cristo kananpajtaj, nispa.

Hechos 7:48

Chaywanpis Patapi Kaj Diosqa mana runaj makinwan ruwasqa wasipichu tiyakun, imaynatachus sut'inchajkunaj qhelqanpi Dios nin, ajina:

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.