San Lucas 1:17 - DIOSPA QHELQACHISQ

¹⁷ Jinataj Diosmanta ñawpa sut'inchaj Elías imaynatachus Diospa Espiritunpa kamachiyninpi kaspa atiyniyoj karqa, ajinallataj Juanpis kanqa. Chantá payqa tata mamakunaj sonqonkuta llamp'uyachispa, wawankunawan allinyachenqa, mana kasukojkunatataj Diosta kasuyta yachachenqa. Ajinamanta runakunata allinta wakichenqa Tukuyta Kamachej Diosta jap'ikunankupaj, nispa.

Qheshwa Biblia DC

¹⁷ Señorpa ñaupaqempi purenqa, profeta Eliaspa espiritunwan, atiywan ima; tatasta wawasninkuwan allinyachispa, mana kasukojkuna kasukuyta yachanankupaj. Ajinata, runasta allinta wakichenqa Señorta recibinankupaj.

DIOSPA QHELQACHISQAN DEUTEROCANONICAL

¹⁷ Jinataj Diosmanta ñawpa sut'inchaj Elías imaynatachus Diospa Espiritunpa kamachiyninpi kaspa atiyniyoj karqa, ajinallataj Juanpis kanqa. Chantá payqa tata mamakunaj sonqonkuta llamp'uyachispa, wawankunawan allinyachenqa, mana kasukojkunatataj Diosta kasuyta yachachenqa. Ajinamanta runakunata allinta wakichenqa Tukuyta Kamachej Diosta jap'ikunankupaj, nispa.

Quechua South Bolivia: Dios Parlapawanchej

¹⁷ Unay tiempopipis Diospa willajnin, Elías sutiyoj, atiywan Diospaj llanc'arka. Ajinallatataj cay wawaka runayaspa Diospaj llanc'anka. Tatasta wawasnincuwan allinyachenka. Payka Diosta mana casoj runasta chekanta yuyanancuta yachachenka casucoj wawasjina causanancupaj. Chayta ruwaspa Diospa runasninpa sonkosnincuta waquichenka pay jamunanpaj, —nerka angelka.

San Lucas 1:17 ပူးပေါင်းရင်းမြစ်များ

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 18:18

Eliastajrí kuticherqa: Mana noqachu Israel suyuta sinch'i llakiyman churani. Aswanpis qanwan, tataykej ayllunwan Tata Diospa kamachisqanta saqerpayankichej, Baal nisqa lantita yupaychaspataj, Israel suyuta sinch'i llakiyman churankichej.

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

2 Reyes 1:16

Kuraj kamachejpaman chayaspataj, Elías payta nerqa: Tata Dios ajinata nisunki: Qanqa Ecrón llajtayojkunaj diosnin Baal Zebubta tapumojta kacharqanki, manapis Israel suyupi Dios kanmanchu karqa jina. Chayrayku kunanqa mana qhaliyankichu, wañupunkipuni, nispa.

1 Crónicas 29:18

Ñawpa tataykukuna Abrahampata, Isaacpata, Israelpatawan Tata Diosninku, qanqa israelitakunaj k'acha kayninku wiñaypaj kanallantapuni ruway, qanmantaj astawan sonqonkuta aysay ari.

2 Crónicas 29:36

Chantá Ezequiasqa tukuy runapiwan kusikorqanku, Tata Dios runakunaj sonqonkuta wakichisqanrayku, chay tukuy imata usqhayllata ruwanankupaj.

Salmos 10:17

Tata Dios, pisi tiyapuyniyojkunaj mañakusqankuta uyarinki. Qan paykunaj sonqonkuta oqharinki, uyarinkitaj.

Salmos 111:10

Yachayniyoj kanapajqa ñawpajta Tata Diosta manchay jatun respetowan qhawana tiyan. Pikunachus kamachisqankunata kasojkunaqa sumaj yuyayniyoj kanku. Tata Diosqa wiñaypaj jatunchasqapuni kanqa.

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Isaías 29:24

Chaypacha pantasqa kajkunaqa yachayniyojman tukonqanku, thutojkunapis Diosmanta yachaqakonqanku, nispa.

Amós 4:12

Chayrayku Israel, kunanqa noqa ruwasqaykiman jina qanwan ruwasaj, ajinata ruwanasuy kajtintaj, Diosniykiwan uyapurakunaykipaj wakichikuy, nispa. Ajinata Tata Dios nin.

San Mateo 11:14

Sichus qankuna kay nisqayta jap'ikuyta munankichej chayqa, Juanqa Diosmanta sut'inchaj Elías qankunapaj kanman, pitachus Dios kachamunan karqa, chay.

San Mateo 14:4

Herodestaj chayta ruwasqa, imaraykuchus Juan payta nisqa: Mana cuñadaykita warmiykipaj jap'ikapuyta atinkichu, nispa.

San Mateo 3:3

Diosmanta ñawpa sut'inchaj Isaías kay Juanmanta ajinata nisqa: Ch'innejpi uj runaj qhaparisqan uyarikun: Tata Diospaj ñanta pichaychej, purinantataj cheqanyachiychej, nispa.

San Mateo 3:4

Juanqa camello millmamanta ruwasqa p'achawan p'achallisqa karqa, qara chumpiwantaj chumpiykusqa. Paytaj phinki phinkikunata, lachiwana misk'itawan ima mikhoj.

San Lucas 1:16

Aswan qhepamanqa pay ashkha israelitakunata Tukuyta Kamachej Diosninkuman kutirichenqa.

San Lucas 1:76

Qanrí wawáy, Patapi Kaj Diospa sut'inchajnin sutichasqa kanki, imaraykuchus paypa ñawpaqenta rispa, ñanninta wakichinki.

San Juan 1:13

Paykunataj Diospa wawankuna kanku mana qharej yumasqanraykuchu, nitaj runa munasqanraykuchu, nillataj pi qharej munayninmantachu, manachayqa Dios munasqanrayku.

San Juan 1:34

Noqataj ajina kasqanta rikorqani, sut'inchanitaj Jesusqa Diospa Churin kasqanta, nispa.

San Juan 3:28

Qankuna kay nisqayta yachankichejña: Mana noqachu Cristo kani, manachayqa paypa ñawpaqenta kachamusqa kani, tukuy imata wakichinaypaj, nispa.

Hechos 10:33

Chay ratopachataj noqa kachaykunata qanman kachamorqani. Qantaj allinta ruwanki kayman jamurispa. Kunanqa tukuyniyku Diospa ñawpaqenpi tantasqa kashayku, imatachus Dios willasusqanta uyarinaykupaj, nispa.

Romanos 9:23

Ajinata ruwarqa jatun kayninpa qhapaj kayninta noqanchejnejta rikuchinanpaj. Pay khuyarikuwarqanchej, jinataj ñawpajmantapachaña churawarqanchej janaj pacha k'anchayninpi paywan kananchejpaj.

Colosenses 1:12

Ajinamanta jatun kusiywan Tata Diosta pachis ninkichej. Paymin qankunata ruwasorqachej qhapaj kamachiyninpi ajllakusqankunapaj wakichisqan chayaqeta jap'inaykichejpaj jina.

2 Timoteo 2:21

Ajinallataj pichus mana allin kajta ruwanamanta t'aqakojqa jatun p'unchayllapi oqharinapaj jina kanqa. Payqa Tukuyta Kamachej Diospaj t'aqasqa kaspa, wakichisqa kanqa, Dios paynejta tukuy allin kajta ruwananpaj.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

1 Juan 2:28

Kunanqa, wawaykuna, Cristowan allinpipuni kawsakuychej, pay ujtawan kutimojtin, mana manchachikuspa, nitaj p'enqakuspa, paypa ñawpaqenpi rikhurinanchejpaj.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

1 Samuel 7:5

Chantá Samuel kamacherqa: Tukuy Israel ayllu, Mispá llajtapi tantakuychej, noqataj Tata Diosmanta qankunarayku mañapusqaykichej, nispa.