Levítico 9:3 - DIOSPA QHELQACHISQ

³ Israelitakunatataj niy: Jucha pampachasqa kananpaj Diosman jaywanapaj uj chivota apamuychej. Jinallataj mana iman imanasqa uj watayoj torillota, uj watayoj corderotawan ima apamullaychejtaj q'olachispa Tata Diosman jaywanapaj.

Qheshwa Biblia DC

³ Israelitasman niy uj chivota apamunankuta juchasrayku ñak'asqa kanampaj. Jinallatataj uj watayoj waka uñata, uj watayoj corderota mana iman imanasqasta ruphachisqas kanankupaj.

DIOSPA QHELQACHISQAN DEUTEROCANONICAL

³ Israelitakunatataj niy: Jucha pampachasqa kananpaj Diosman jaywanapaj uj chivota apamuychej. Jinallataj mana iman imanasqa uj watayoj torillota, uj watayoj corderotawan ima apamullaychejtaj q'olachispa Tata Diosman jaywanapaj.

Levítico 9:3 ပူးပေါင်းရင်းမြစ်များ

Génesis 37:31

Josejpa wawqenkunarí paypa p'achanta uj chivota ñak'asqankoj yawarninwan yawarchaykorqanku.

Esdras 10:19

Paykunaqa warminkuta kachapunankuta nerqanku, uj carnerotataj juchanku pampachasqa kananpaj qorqanku.

Esdras 6:17

Chaypacha Diosman jaywarqanku 100 torillokunata, 200 carnerokunata, 400 corderokunatataj. Chantapis chunka iskayniyoj chivokunatapis jaywallarqankutaj tukuynin israelitakunaj juchankumanta, mashkha jatun aylluchus kasqankuman jina.

Éxodo 12:5

Chay t'aqasqaykichej uywaqa mana iman imanasqachu kanan tiyan. Chantapis orqo, uj watayoj kanan tiyan. Chay uywataj cordero chayrí chivopis kanan tiyan.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Levítico 10:16

Chantá Moisés Eleazarta taporqa jucha pampachasqa kananpaj apamusqanku chivomanta. Paykunataj Moisesman willarqanku chay chivota ñak'aspa q'olachisqankutaña. Chayta yachaspa Moisesqa Eleazarpaj, jinataj Itamarpaj ima phiñakorqa. Chantá nerqa:

Levítico 12:6

Onqokoj warmi llimphuchakunan p'unchay junt'akojtin, qhari wawata, chayrí warmi wawata paqarichikusqanmanta, uj watayoj corderota apamunan tiyan, Dioswan Tinkukuna Toldo punkupi, q'olachispa Tata Diosman jaywananpaj. Apamunallantaj tiyan uj urpi irpata, chayrí uj jurk'utata, jucha pampachasqa kananpaj Diosman jaywananpaj. Chaykunatataj sacerdoteman apamonqa.

Levítico 14:10

Pusaj kaj p'unchaypitaj iskay corderota mana iman imanasqata apamonqa. Jinallataj uj watayoj ovejata mana iman imanasqata apamullanqataj. Apamullanqataj, ch'aki mikhuy jaywanata jaywanapaj, sumaj jak'umanta aceitewan puñasqata sojta kilo khuskanniyojta, chantá khuskan botella aceitetawan.

Levítico 16:15

Chaymantataj tukuy israelitakunaj juchanku pampachasqa kananpaj chivotañataj ñak'anqa. Chantá chivoj yawarninta veloj wasannejman apanqa. Chay ukhupitaj kirpanaj patanta, ñawpaqentawan ch'ajchonqa, imaynatachus torilloj yawarninwan ruwarqa, ajinata.

Levítico 16:5

Aaronqa israelitakunaj juchanku pampachasqa kananpaj Diosman jaywananpaj, paykunamanta iskay chivota jap'enqa. Q'olachispa Diosman jaywananpajtaj uj carnerota jap'illanqataj.

Levítico 23:12

Marq'a apamusqaykichejta ikhaspa, Diosman jaywankichej. Chay p'unchayllataj uj watayoj mana ima imanasqa corderota Diosman jaywankichej, q'olachispa Tata Diosman jaywanapaj.

Levítico 4:23

Juchallisqanta reparakuytawantaj, mana iman imanasqa uj chivota Diosman jaywananpaj apamonqa.

Levítico 4:3

Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Levítico 9:2

Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway.

Levítico 9:4

Apamullaychejtaj uj torota, uj corderotawan allinyakuy jaywanata Tata Diosman jaywanapaj. Chantá apamullaychejtaj aceitewan puñasqa ch'aki mikhuy jaywanata, imaraykuchus Tata Diosqa Tukuy Atiyniyoj kasqanta kunan qankunaman rikuchisonqachej, nispa.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.