Levítico 9:22 - DIOSPA QHELQACHISQ

²² Chantá Aarón chay tukuyta ruwayta tukuytawan makinta oqharispa, israelitakunata samincharqa. Chaymantataj jucha pampachasqa kananpaj jaywanata, q'olachinapaj jaywanata, k'achata kawsakuy jaywanata Diosman jaywaytawan, altarmanta ithirerqa.

Qheshwa Biblia DC

²² Aaronqa makisninta oqharispa israelitasta bendicerqa. Chaymantataj juchasrayku rikuchikusta ruphachisqanmanta, allinyakuy rikuchikutawan jaywaytawan, altarmanta uraykamporqa.

DIOSPA QHELQACHISQAN DEUTEROCANONICAL

²² Chantá Aarón chay tukuyta ruwayta tukuytawan makinta oqharispa, israelitakunata samincharqa. Chaymantataj jucha pampachasqa kananpaj jaywanata, q'olachinapaj jaywanata, k'achata kawsakuy jaywanata Diosman jaywaytawan, altarmanta ithirerqa.

Levítico 9:22 ပူးပေါင်းရင်းမြစ်များ

1 Reyes 8:55

Chantá tukuynin tantasqa israelitakunata jatunmanta parlaspa, paykunata samincharqa:

1 Crónicas 23:13

Amiranpa churinkunataj karqanku: Aaronwan, Moiseswan. Aaronqa t'aqasqa karqa Diosman jaywanapaj t'aqasqa kajta, jinataj inciensota Tata Diosman q'oshñichinanpaj, Tata Diospa sutinpi wiñaypaj saminchanankupaj ima. Chaykuna Aaronpata, chantá churinkunajtawan wiñaypaj ruwananku karqa.

2 Crónicas 6:3

Chantá kuraj kamachejqa tukuy israelitakuna sayasqa kasharqanku, chaynejman kutirispa, paykunata samincharqa.

Salmos 72:17

Kuraj kamachejpa sutin wiñaypaj yuyarisqa kachun, manchay uyarisqa kasqantaj inti jina unaypaj kachun. Kay pachapi kaj chhika runakunaqa paynejta saminchasqa kachunku, tukuy runataj nichunku: Kuraj kamachejqa may kusikuyniyojmin, nispa.

Éxodo 39:43

Moisestaj tukuy chaykunata qhawaspa, rikorqa Tata Diospa kamachisqanman jina ruwasqankuta. Chantá paykunata samincharqa.

Números 6:22

Tata Dios Moisesta nillarqataj:

Marcos 10:16

Chantá Jesús wawakunata marq'ariykukorqa, umankuman makinta churaspataj, paykunata Diospa sutinpi samincharqa.

San Lucas 24:50

Chaymanta Jesusqa yachachisqankunata Jerusalén llajtamanta jawaman pusarqa Betaniakama. Chaypitaj makinta oqharispa, paykunata samincharqa.

Hechos 3:26

Chayrayku Churin Jesusta wañusqamanta kawsarichimuspa, Dios payta ñawpajta qankunamanraj kachamorqa, sapa ujniykichej millay kawsayniykichejmanta Diosman kutirikuspa saminchasqa kanaykichejpaj, nispa. Ajinata Pedro chay runakunaman nerqa.

2 Corintios 13:14

Tukuyta Kamachej Jesucristoj qhasilla k'acha yanapaynin, Tata Diospa munakuynin, chantá Santo Espiritumanta jamoj k'acha kawsakuy ima tukuy qankunawan kachun. Ajina kachun.

Deuteronomio 10:8

Chaypacha Tata Diosqa Leví jatun aylluta ajllakorqa Dioswan trato ruwasqa arcata apaykachanankupaj, jinallataj Tata Diospa ñawpaqenpi imachus ruwanankuta ruwanankupaj, chantá sutinpi israelitakunata saminchanankupaj ima. Chayta kunankama ruwashallankupuni.

Deuteronomio 21:5

Chaymantataj Leví jatun ayllumanta sacerdotekuna qayllaykonqanku, imaraykuchus Tata Diosqa paykunata ajllarqa imachus ruwanata ruwanankupaj, chantá sutinpi runakunata saminchanankupaj ima. Chantapis paykunapuni quejanaku, chayrí ch'ajwachinaku kajtin, maychus kajta allinchanankupaj kashanku.

1 Pedro 3:9

Ama sajramanta sajrallatataj kutichiychejchu. Runa turiyajtinkupis ama kikillantataj ruwaychejchu. Manachayqa allin kajta munapuspa kutichiychej, imaraykuchus Diosqa chaypaj wajyasorqachej, paytaj ajinata ruwasqaykichejmanta saminchasonqachej.