Levítico 9:15 - DIOSPA QHELQACHISQ

¹⁵ Chaymanta Aaronqa israelitakuna Tata Diosman jaywanankupaj apamusqankuta Diosman jaywallarqataj. Jinallataj Aaronqa chivota jap'iytawan ñak'arqa israelitakuna juchallisqanku pampachasqa kananpaj apamusqankuta, chantá Tata Diosman jaywarqa, imaynatachus ñawpajta jaywarqa, ajinata.

Qheshwa Biblia DC

¹⁵ Aaronqa Señorman jaywamullarqataj israelitaspa rikuchikusninta. Juchankumanta apamusqanku rikuchiku chivota Aaronqa jap'erqa, ñak'aspataj Señorman jaywarqa juchasmanta, imaynatachus ñaupaj rikuchikuta jaywarqa ajinata.

DIOSPA QHELQACHISQAN DEUTEROCANONICAL

¹⁵ Chaymanta Aaronqa israelitakuna Tata Diosman jaywanankupaj apamusqankuta Diosman jaywallarqataj. Jinallataj Aaronqa chivota jap'iytawan ñak'arqa israelitakuna juchallisqanku pampachasqa kananpaj apamusqankuta, chantá Tata Diosman jaywarqa, imaynatachus ñawpajta jaywarqa, ajinata.

Levítico 9:15 ပူးပေါင်းရင်းမြစ်များ

2 Crónicas 29:24

Chaymantataj sacerdotekunaqa chay uywakunata ñak'aspa, yawarninwan altar pataman ch'ajchorqanku, paykunaj juchanku, tukuy waj israelitakunaj juchanku ima pampachasqa kananpaj. Ajinata ruwarqanku kuraj kamachejpa kamachisqanman jina, imaraykuchus pay kamachisqa tukuy israelitakunarayku q'olachispa jaywanankuta.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

Levítico 10:16

Chantá Moisés Eleazarta taporqa jucha pampachasqa kananpaj apamusqanku chivomanta. Paykunataj Moisesman willarqanku chay chivota ñak'aspa q'olachisqankutaña. Chayta yachaspa Moisesqa Eleazarpaj, jinataj Itamarpaj ima phiñakorqa. Chantá nerqa:

Levítico 9:14

Jinaspataj uywaj ch'unchulanta, chantá piernanta ima yakuwan mayllaspa, q'olachispa jaywanatawan khuskata altarpi q'olacherqa.

Levítico 9:3

Israelitakunatataj niy: Jucha pampachasqa kananpaj Diosman jaywanapaj uj chivota apamuychej. Jinallataj mana iman imanasqa uj watayoj torillota, uj watayoj corderotawan ima apamullaychejtaj q'olachispa Tata Diosman jaywanapaj.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 2:17

Chayta ruwananpajtaj payqa tukuy imapi wawqenkuna jina kananpuni karqa, ajinamanta kunan Diospa ñawpaqenpi khuyakuyniyoj kuraj kaj sacerdotenchej kananpaj. Jinataj cruzpi wañuspa kawsayninta jaywarqa runakunaj juchanku pampachasqa kananpaj.

Hebreos 5:3

Chayrayku payqa uywata ñak'aspa, Diosman jaywan ajinamanta juchan pampachasqa kananpaj. Chantá runakunaj juchanku pampachasqa kananpaj uywa ñak'asqata jaywanallantaj tiyan.