Levítico 8:8 - DIOSPA QHELQACHISQ

⁸ Chaymantataj unkoj patanman pecherata warkhuykorqa. Pecheramantaj Diosta tapuna Urimta chantá Tumimta ima churarqa.

Qheshwa Biblia DC

⁸ Chaypa patanmantaj warkhuykorqa warkhuna nisqa walqa ch'uspata jina. Chaymantataj churarqa Urim Tumim nisqa cheqanchaj imasta.

DIOSPA QHELQACHISQAN DEUTEROCANONICAL

⁸ Chaymantataj unkoj patanman pecherata warkhuykorqa. Pecheramantaj Diosta tapuna Urimta chantá Tumimta ima churarqa.

Levítico 8:8 ပူးပေါင်းရင်းမြစ်များ

Esdras 2:63

Jinapi kamachejqa nerqa paykuna manaraj Diospaj t'aqasqa mikhuymanta mikhunankuta, uj sacerdote Urimnejta, chantá Tumimnejta Tata Diosta chaymanta tapurispa yachanankama.

Nehemías 7:65

Chayrayku kamachejqa nerqa sacerdotekunapaj t'aqasqa mikhunamanta manaraj mikhunankuta uj sacerdote Tumimnejta Urimnejtawan imatachus ruwanankuta yachanankama.

Éxodo 29:1

Tata Dios ujtawan Moisesta nillarqataj: Aaronwan, churinkunawan ima sacerdoteykuna kanankupaj t'aqaspa, kaykunata ruwanki: Mana iman imanasqa uj torillota, iskay corderotawan ima apamunki.

TAKIYKUNA 8:6

Sonqoykipi sellowan jina churaykuway, makiykipi anillota jina. Munakoyqa wañuy jina atiyniyojmin, wañuy jina mana kutimuyniyoj. Munakoyqa nina jina k'ajarin, sinch'i nina lawray jina.

Isaías 59:17

Cheqan kajta ruwaywan sumajta p'achallikorqa, fierro pecherawan jina. Paykunata qhespichiyta munanatataj monterata jina umanman churakorqa. Vengakuyta munanawan p'achata jina churakullarqataj, sinch'i phiñakuywantaj mantawan jina qhataykukorqa.

Números 27:21

Josueqa Urimnejta noqata tapunawanpaj Eleazar sacerdoteman qayllanqa. Chantá Josué kamachejtin, tukuy israelitakuna llojsenqanku, jinallataj kutimponqanku, nispa.

Efesios 6:14

Ajinaqa sinch'ita sayaychej ari, ñañu wasaykichejta cheqa kajwan, chumpiwan jina chumpikuspa. Cheqan kajta ruwasqaykichejtataj pecherata jina churakuychej.

Deuteronomio 33:8

Moisesqa Leví jatun ayllumanta nillarqataj: Tata Dios, Tumimniykiwan Urimniykiwan ima nisqaykita junt'aj runapaj kachun. Paykunataqa Masah sutiyoj cheqapi kasukunankuta mana kasukunankuta yacharinaykipaj churarqanki, paykunawantaj Meriba yaku kantupi churanakorqanki.

1 Tesalonicenses 5:8

Noqanchej sut'i p'unchaypi kawsashajkunarí, ch'aki sonqo runa jina yuyayninchejpi kana. Diospi atinikuywan, munakuywan ima fierro pecherawan jina p'achallikuna kachun. Chantá qhespichisqa kasqanchejta monterata jina churakuna.

1 Samuel 2:28

Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.

1 Samuel 28:6

Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.