Levítico 8:23 - DIOSPA QHELQACHISQ

²³ Chaymantataj Moisés corderota ñak'aspa, uj chhika yawarwan Aaronpa paña ninrinpa uranta jawerqa. Jinallataj Aaronpa paña makinpa machu ruk'ananta, paña chakinpa machu ruk'anantawan ima jawillarqataj.

Qheshwa Biblia DC

²³ Chaymantataj Moisesqa chay corderota ñak'arqa, uj pisi yawarninwantaj Aarompa paña ningrimpa uranta jawiykorqa, jinallataj paña makimpa mama dedonta, paña chakimpa mama dedontawan.

DIOSPA QHELQACHISQAN DEUTEROCANONICAL

²³ Chaymantataj Moisés corderota ñak'aspa, uj chhika yawarwan Aaronpa paña ninrinpa uranta jawerqa. Jinallataj Aaronpa paña makinpa machu ruk'ananta, paña chakinpa machu ruk'anantawan ima jawillarqataj.

Levítico 8:23 ပူးပေါင်းရင်းမြစ်များ

Éxodo 29:20

Chantá chay corderota ñak'aspa, uj chhika yawarta jap'inki. Chaywantaj Aaronpata paña ninrinpa uranta jawiykunki, jinallataj churinkunaj paña ninrinkoj uranta jawiykullankitaj. Jawillankitaj paña makinkoj machu ruk'ananta, paña chakinkoj machu ruk'anantawan ima. Puchoj yawarwantaj altarpa tukuy muyuyninta ch'ajchunki.

Éxodo 29:21

Altar patapi kaj yawarwan, jinataj jawina aceitewan Aaronta, chantá p'achantapis ch'ajchullankitaj. Jinallataj churinkunata, p'achankutapis ch'ajchullankitaj. Ajinamanta Aarón, churinkuna ima, jinallataj p'achankupis Diospaj t'aqasqa kanqanku.

Levítico 14:14

Chantá sacerdoteqa jucharayku jaywasqa uywamanta uj chhika yawarninwan llimphuchakojpa paña ninrinta, paña makinpa machu ruk'ananta, chantá paña chakinpa machu ruk'anantawan jawenqa.

Levítico 14:17

Chay jawa sacerdoteqa makinpi puchoj aceitemanta uj chhikata oqharispa, chay llimphuchakoj runaj paña ninrinta, paña makinpi machu ruk'ananta, paña chakinpi machu ruk'anantawan jawenqa, maynejpichus yawarwan jawisqaña karqa, chaynejta.

Levítico 14:25

Chaymantá sacerdoteqa jucharayku jaywanapaj apamusqan corderota ñak'anqa. Chantá ñak'asqa corderomanta uj chhika yawarninta jap'ispa, llimphuchakojpa paña ninrinta, paña makinpi machu ruk'ananta, paña chakinpi machu ruk'anantawan ima jawenqa.

Levítico 14:28

Jinallataj sacerdoteqa makinpi kashaj aceitewan llimphuchakojpa paña ninrinta, paña makinpi machu ruk'ananta, paña chakinpi machu ruk'anantawan ima, maynejtachus yawarwan jawerqaña, chaynejta jawillanqataj.

Levítico 7:37

Chaykunamin kamachisqakuna kashan: Q'olachispa jaywanamanta, ch'aki mikhuyta jaywanamanta, jucha pampachasqa kananpaj jaywanamanta, jucharayku jaywanamanta, t'aqasqa kaspa jaywanamanta, chantá allinyakuy jaywanamanta.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

Romanos 6:13

Amallataj ukhuykichejta juchalliyta munanaman jaywaychejchu, millay kajta ruwanaykichejpaj. Aswanpis wañusqamanta kawsarimusqa kaspa, qankuna ukhuykichejta Diosman jaywaychej, cheqan kajta ruwanaykichejpaj.

Romanos 6:19

Qankuna mana usqhayllata entiendesqaykichejrayku, noqa wata runamanta rijch'anachinawan parlarqaykichej. Qankunaqa ñawpajta ukhuykichejta jaywarqankichej millay kajta, jinataj ch'ichi kajta ruwanapaj, ajinamantataj juchaj wata runan karqankichej. Kunanrí cheqan kajta ruwaspa kawsanaykichejpaj Diosman wata runa jina jaywaykukuychej, ajinamanta payllapajña llimphuta kawsanaykichejpaj.

1 Corintios 1:2

Qankunaqa Cristo Jesusman ujchasqa kaspa, Diospaj t'aqasqa kankichej, wajyasqataj juchamanta t'aqasqa kanaykichejpaj. Dios Jesucristonejta paypaj t'aqawarqanchej, pikunachus Tukuyta Kamachej Jesucristoj sutinta oqharinku, chaykunatawan khuska. Payqa paykunaj Kuraj Kamachejninku, noqanchejpatapis.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

1 Corintios 6:20

Dios ashkha preciota pagaspa, qankunata rantikusorqachej. Chayrayku qankuna ukhuykichejwan Diospa munasqanta ruwaspa, payta jatunchaychej.

Filipenses 1:20

Noqa sut'ita yachani mana ni imapi p'enqachisqa kanayta. Aswanpis tukuy sonqo suyashani kunanpis mayk'ajllapis Cristoj may jatun kaynin noqapi rikuchisqa kananta, kawsasaj chaypis, wañusaj chaypis.

Filipenses 2:17

Diospi atinikuspa ruwasqaykichejqa Diosman jaywanatapis jaywashawajchej jina. Noqatachus wañuchiwanqanku chayqa, kawsayneyqa chay jaywasqaykichej patapi ch'ajchunapaj vino jina kanqa. Ajina kanman chayqa, noqa may jinata kusikusaj, munanitaj qankunapis noqawan khuska chaymanta kusikunaykichejta.

1 Tesalonicenses 5:22

Tukuy mana allin kajmantarí karunchakuychej.

Hebreos 2:10

Diosqa tukuy imata paypaj ruwarqa, payllataj tukuy imata purichin. Chay Diosmin ashkha wawata jatun kayninpa k'anchayninman pusayta munarqa. Munallarqataj paykunata qhespichejqa ñak'ariynejta sumaj wakichisqa kananta, qhespichej jina imachus ruwananta maychus kajta junt'ananpaj.

Hebreos 5:8

Ajinaqa Jesús Diospa Churin kashaspapis, ñak'arisqannejta Diosta kasuy imachus kasqanta yacharqa.