Levítico 8:13 - DIOSPA QHELQACHISQ

¹³ Chaymantataj Moisesqa Aaronpa churinkunatañataj wajyaspa, paykunaman p'achata churaykorqa, chantá chumpiwan chumpiykorqa. Jinaspataj, umankuman chhoqo ch'uluta churaykorqa, Tata Dios kamachisqanman jina.

Qheshwa Biblia DC

¹³ Chaymantaqa Aarompa wawasnintañataj wajyarqa. P'achastataj churakunankupaj jaywararqa, chumpicherqataj. Chaymantataj umasninkuman muru ch'ulusta churaracherqa, imaynatachus Señorqa Moisesman kamachisqanman jina.

DIOSPA QHELQACHISQAN DEUTEROCANONICAL

¹³ Chaymantataj Moisesqa Aaronpa churinkunatañataj wajyaspa, paykunaman p'achata churaykorqa, chantá chumpiwan chumpiykorqa. Jinaspataj, umankuman chhoqo ch'uluta churaykorqa, Tata Dios kamachisqanman jina.

Levítico 8:13 ပူးပေါင်းရင်းမြစ်များ

Salmos 132:9

Sacerdoteykikunaqa llimphu kawsaywan p'achawan jina p'achallisqa kachunku, kamachiyniykipi kajkunapis kusiymanta takichunku.

Éxodo 40:13

Chantá Aaronta sumaj ruwasqa p'achawan p'achallichinki, aceitewantaj jawispa, sacerdotey kananpaj payta t'aqanki.

Éxodo 40:16

Moisesqa Tata Diospa kamachisqanman jina tukuy imata kikinta ruwarqa.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 61:6

Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Ezequiel 42:14

Sacerdotekuna Temploman yaykuspaqa, jawa patioman mana llojsinankuchu tiyan, ima p'achawanchus ruwasharqanku, chay p'achata mana orqhokuspaqa. Chay p'achaqa Diospaj t'aqasqamin. Chayrayku maypichus waj runakuna kashanku, chayman rinankupajqa waj p'achata churakunanku tiyan, nispa.

Levítico 10:5

Paykunataj Moisespa nisqanman jina qayllaykuytawan, wañusqakunata p'achankumanta jap'ispa, jaramanta jawaman orqhorqanku.

Levítico 8:21

Chantá ñak'asqa corderoj ch'unchulanta, piernantawan ima yakuwan mayllaspa, tukuyninta altarpi q'olacherqa, ima munayta q'apashaj Tata Diosman jaywanata jina. Ajinata Moisés ruwarqa, Tata Diospa kamachisqanman jina.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

Apocalipsis 5:10

Jinallataj paykunata ruwarqanki Diosninchejpaj kuraj kamachejkuna, chantá sacerdotekuna ima kanankuta, paykunataj kay pachapi kamachenqanku, nispa.