Levítico 7:5 - DIOSPA QHELQACHISQ

⁵ Chaymantataj sacerdoteqa chaykunata altarpi q'olachenqa, Tata Diospaj jaywanata jina. Chayqa jucharayku q'olachisqa jaywanamin.

Qheshwa Biblia DC

⁵ Chaymantataj sacerdoteqa chay wirasninta altar patapi ruphachenqa, Señorpaj mikhuna rikuchikuta jina. Chay rikuchikoqa juchaspa cuentanmanta jaywasqa.

DIOSPA QHELQACHISQAN DEUTEROCANONICAL

⁵ Chaymantataj sacerdoteqa chaykunata altarpi q'olachenqa, Tata Diospaj jaywanata jina. Chayqa jucharayku q'olachisqa jaywanamin.

Levítico 7:5 ပူးပေါင်းရင်းမြစ်များ

Levítico 1:13

Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 1:9

Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 2:16

Sacerdotetaj mosoj grano kutasqata, aceiteta ima uj chhikanta oqharispa, chayta tukuy inciensotawan Tata Diospaj q'olachenqa. Chayqa noqa Tata Diosmin tukuy imata qoj kasqayta yuyarikunaykichejpaj kanqa.

Levítico 2:2

Chaymantataj Aaronpa mirayninmanta sacerdotekunaman apanqa. Sacerdotekunamanta ujnintaj aceiteyoj jak'umanta, inciensomantawan ima uj pojtuta oqharispa, altarpi q'olachenqa. Ajinata q'olachenqa, noqa Tata Dios qankunamanta tukuy imapi yuyarikusqayta yachanaykichejpaj. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 2:9

Chaypi sacerdoteqa jaywanamanta uj pisita orqhospa, altarpi q'olachenqa, Tata Dios qankunaman tukuy imata qoj kasqaymanta yuyarikunaykichejpaj. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 3:16

Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana jina kanqa, ima munayta q'aparishaj. Uywaj tukuy wiranqa Tata Diospaj kanqa.

Levítico 3:3

Chantá pichus Tata Diosman k'achata kawsakuy jaywanata apamojqa uywaj ch'unchulanpi wiranta,

Levítico 5:7

Sichus juchallej runajta ovejata rantinanpaj mana tiyapunmanchu chayqa, juchan pampachasqa kananpaj, iskay jurk'uta, chayrí iskay urpi irpata apamunan tiyan, Tata Diosman jaywananpaj. Ujnenqa juchan pampachasqa kananpaj jaywanapaj kanqa, ujnintaj q'olachispa Diosman jaywanapaj kanqa.

Levítico 7:4

Jaywallanqataj iskaynin lurunninta, lurunninpi wiranta, ch'illanpi wiranta, k'iwicha qayllapi wiranta ima. K'iwichanpi wirataqa lurunnintawan khuskata orqhonqanku.

Levítico 7:6

Chantá jucharayku jaywasqa uywamantaqa Diospaj T'aqasqa Cheqapi tukuy sacerdotekuna mikhuyta atenqanku, imaraykuchus chayqa Diospaj t'aqasqamin.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

Gálatas 5:24

Cristojta kajkunaqa juchallinaman aysaj sonqonkuta chakatanku, millay ruwayta yachasqa kaynintawan khuskata.