Levítico 7:30 - DIOSPA QHELQACHISQ

³⁰ Chay k'achata kawsakuy jaywanatataj q'olachispa Tata Diosman jaywananpaj, paypuni apamonqa. Qhasqonpi wirata, chantá qhasqontawan ima apamuspa, Tata Diospa ñawpaqenpi uywaj qhasqonta ikhaspa jaywanqa.

Qheshwa Biblia DC

³⁰ Chaytataj kikin makisninwan apanqa Señorman ruphachisqa kanampaj, pecho wirasninta, pechontinta Señorpa ñaupaqempi chayta rikuchinampaj.

DIOSPA QHELQACHISQAN DEUTEROCANONICAL

³⁰ Chay k'achata kawsakuy jaywanatataj q'olachispa Tata Diosman jaywananpaj, paypuni apamonqa. Qhasqonpi wirata, chantá qhasqontawan ima apamuspa, Tata Diospa ñawpaqenpi uywaj qhasqonta ikhaspa jaywanqa.

Levítico 7:30 ပူးပေါင်းရင်းမြစ်များ

Salmos 110:3

Maqanakoj llojsinayki p'unchayta soldadoykikunaqa sonqomanta munaspa, qanwan khuska maqanakonqanku qanpaj t'aqakusqayki orqopi. Inti llojsimuyta kallpaykeqa chhullawan jina mosojyachisqa kanqa.

Levítico 10:14

Tata Diosman ikhaspa jaywasqamanta uywaj qhasqonta, chantá qankunapaj t'aqasqa piernatawan Diospaj T'aqasqa Cheqapi mikhunkichej. Chayqa qanpaj, churiykikunapaj, ususiykikunapaj ima qosqa kashan israelitakuna k'achata kawsakuy jaywanata Diosman apamusqankumanta.

Levítico 10:15

Ñak'asqa uywaj piernanta, chantá qhasqonta ima, q'olachispa jaywanapaj wiratawan khuskata ikhaspa Tata Diosman jaywanqanku. Chaykunaqa Tata Diospa kamachisqanman jina, qanpaj, chantá churiykikunapaj ima kanqa, nispa.

Levítico 3:14

Chaymanta pichus Tata Diosman jaywananpaj uywata apamojqa uywaj ch'unchulanpi wiranta,

Levítico 3:9

Pichus k'achata kawsakuy jaywanata apamojqa uywaj wiranta, wasa tullunmantapacha khuchusqa chupanta, chantá tukuy wijsanninmanta wiranta ima q'olachispa, Tata Diosman jaywanqa.

Levítico 8:27

Chantá chay tukuyta Aaronman, churinkunaman ima jaywarqa, paykuna Tata Diosman ikhasqa jaywanata jaywanankupaj.

Levítico 8:29

Chantá Moisés uywaj qhasqonta oqharerqa, ikhaspataj, Tata Diosman jaywarqa. Tata Diospa kamachisqanman jina, Diospaj t'aqasqa kanapaj jaywasqa corderomanta qhasqon Moisespaj kanan karqa.

Levítico 9:20

Chantá Aarón tukuynin wirata, uywaj qhasqon pataman churaykorqa. Chaymantataj pay chay wirata altarpi q'olacherqa.

Levítico 9:21

Jinataj Aaronqa chay uywaj qhasqonta, chantá iskay paña piernankunata ima oqhariytawan, ikhaspa Tata Diosman jaywarqa, Moisespa kamachisqanman jina.

Números 6:20

Chantá sacerdoteqa chay tukuy imata, watej nazareoj makinmanta jap'ispa, ikhaspa Tata Diosman jaywanqa. Jinallataj uywaj qhasqonta, chantá wasantapis jaywallawanqataj. Tukuy Diospaj t'aqasqa jaywanaqa sacerdotepaj kanqa. Chaymantaraj Diospaj t'aqasqa karqa, chay runa vinota ujyayta atenqa.

Números 8:11

Chantá Aaronqa israelitakunaj sutinpi ikhasqa jaywanata jina levitakunata Tata Diosman jaywanqa. Ajinamanta levitakunaqa noqapaj t'aqasqa kanqanku.

San Juan 10:18

Mana pipis mana munajta wañuchiwanmanchu. Aswanpis noqa munasqayrayku wañusaj. Noqaqa wañuchisqa kanaypaj jaywaykukuyta atini, atillanitaj watejmanta kawsarimuytapis. Ajinata ruwanayta Tatay kamachiwarqa, nispa.

2 Corintios 8:12

Sichus pipis tukuy sonqowan qoyta munan chayqa, Dios chay qosqanta kusiywan jap'enqa. Pay munan tiyapuwasqanchejman jinalla qonanchejta, manataj mañakuwanchejchu mana tiyapuwajtinchejqa.

Deuteronomio 18:3

Israelitakuna Tata Diosman jaywanapaj torota, ovejata ima apamusqankumanta kaykuna sacerdotekunapaj kanqa: Wasa aychan, k'akin, wijsanin ima.