Levítico 7:18 - DIOSPA QHELQACHISQ

¹⁸ Sichus pipis kinsa p'unchayninman allinyakuy jaywanamanta uywaj aychanta mikhunman chayqa, chay jaywasqanta Tata Dios mana jap'ikonqachu, nitaj cuentaman churasqachu kanqa. Aychataj ch'ichipaj qhawasqa kanqa. Pichus chay aychata mikhojtaj juchachasqa kanqa.

Qheshwa Biblia DC

¹⁸ Sichus kinsa p'unchaymanta pipis chay puchoj aychata, allinyakuy rikuchikumanta puchojta mikhonqa chayqa, chay Señorman jaywasqaqa mana valenqachu, nitaj apamojpa cuentanman churasqachu kanqa. Chay aychaqa qhesachasqaña. Pichus chay aychata mikhojqa, chay juchamanta juchachasqa kanqa.

DIOSPA QHELQACHISQAN DEUTEROCANONICAL

¹⁸ Sichus pipis kinsa p'unchayninman allinyakuy jaywanamanta uywaj aychanta mikhunman chayqa, chay jaywasqanta Tata Dios mana jap'ikonqachu, nitaj cuentaman churasqachu kanqa. Aychataj ch'ichipaj qhawasqa kanqa. Pichus chay aychata mikhojtaj juchachasqa kanqa.

Levítico 7:18 ပူးပေါင်းရင်းမြစ်များ

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Isaías 65:4

Paykunaqa aya p'ampana chawpipi tiyakunku wañusqakunata tapunankupaj, pakay cheqakunapitaj tutantin sut'iyanku. Khuchi aychata mikhunku, jinataj mana llimphupaj qhawasqa uywa ñak'asqatapis mankankupi chayachinku.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Jeremías 14:10

Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Ezequiel 18:20

Pichus juchallikojlla wañonqa. Wawaqa tatanpa millay ruwasqanmanta mana juchachasqachu kanqa, nitaj tatapis wawanpa millay ruwasqamanta juchachasqallatajchu kanqa. Cheqan kaj runaqa cheqan ruwasqanmanta t'inkata jap'enqa. Mana allin puriyniyoj runatajrí millay ruwasqanmanta ñak'arillanata jap'enqa.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Levítico 10:17

Imaraykutaj jucha pampachasqa kananpaj jaywanamanta Diospaj T'aqasqa Cheqapi mana mikhorqankichejchuri? Chayqa Tata Diospaj t'aqasqamin karqa. Chayta Tata Dios qankunaman qosorqachej, qankuna israelitakunaj juchankuta apanaykichejpaj, chantá paykunaj juchanku Tata Diosnejta pampachasqa kananpaj.

Levítico 10:19

Aarontaj Moisesman kuticherqa: Kunan paykuna juchanku pampachasqa kananpaj jaywanata, jinallataj q'olachispa jaywanatawan Tata Diosman jaywarqanku. Chaywanpis kay llakiy qhatiriwan. Jinaqa sichus kunan jucha pampachasqa kananpaj jaywasqa aychata mikhuyman karqa chayqa, Tata Diospaj allillanchu kanman karqa? nispa.

Levítico 11:41

Jallp'a patata qhatatakuspa purej animalkunamantaqa amapuni mikhunkichejchu. Chaykunataqa ch'ichipaj qhawankichej.

Levítico 17:16

Sichus mana p'achanta t'ajsakonqachu chay, nitaj ukhuntapis mayllakonqachu chayqa, mana uyarikusqanmanta juchachasqa kanqa, nispa.

Levítico 19:5

K'achata kawsakuy jaywanata Diosman jaywaspaqa, jaywasqaykichejta Tata Dios tukuy sonqo jap'ikunanpaj jina ruwaychej.

Levítico 20:17

Sichus pipis tatanmanta chayrí mamanmanta pananwan warmichakunman, puñuykunkumantaj chayqa, iskayninku llajta masinku rikushajtin, wañuchisqa kanqanku. Kikin pananwan puñuykoyqa millay p'enqayta ruwaymin. Pichus pananwan puñuykoj wañuchisqa kananpajqa paylla juchayoj kanqa.

Levítico 20:19

Ama mamaykej ñañanwan, nitaj tataykej pananwan puñuykunkichu, imaraykuchus aylluykimin kanku. Puñuykojkunaqa juchallisqankumanta jasut'isqa kanqanku.

Levítico 22:16

Pichus Diospaj t'aqasqata pisipaj qhawaspa mikhojqa juchachasqa kanqa. Noqamin Tata Dios kani, pichus qankunata noqapaj t'aqakorqaykichej, chay, nispa.

Levítico 22:23

Sichus sonqomanta munaspa torota, chayrí corderota Diosman jaywayta munanman chayqa, jatun chakiyojpis kachun, juch'uy chakiyojpis kachun, jaywayta atillankichej. Sitajchus pipis nisqanta junt'ananpaj Diosman jaywayta munanman chayqa, ajina uywa jaywasqanta mana jap'ikusajchu.

Levítico 22:25

Ajina uywata Diosniykichejman jaywanaykichejpajqa nillataj waj llajtayojkunamanta jap'inkichejchu. Chaykunaqa iman imanasqa uywakuna kanku, chayrayku Diosqa mana jap'ikusonqachejchu, nispa.

Levítico 5:17

Sichus pillapis mana reparakuspalla, Tata Diospa kamachisqanmanta mayqellantapis p'akinman chayqa, chay runa juchayoj kanqa. Juchallisqantaj patanpi kanqa.

Levítico 7:19

Ch'ichipaj qhawasqa imaman chayaj aychataqa mana mikhonqankuchu, manachayqa ruphachisqallaña kanan tiyan. Aychataqa llimphupaj qhawasqa kajkunalla mikhonqanku.

Amós 5:22

Sutiypi uywata ñak'aspa q'olachinata mana munanichu, nitaj ch'aki mikhuy jaywanawaykichejtapis. Manallataj wira torillokunata allinyakuna jaywanata jina q'olachisqaykichejtapis jap'ikusqaykichejchu.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

Malaquías 1:13

Qankuna nillankichejtaj: Kay ruwanawan amisqaña kayku, nispa. Chayta nispa, pisipaj qhawawankichej. Chantá yuyankichejraj kusikunayta, maypachachus noqaman apamuwankichej suwasqa uywata, chakin p'akisqata, chayrí onqosqatapis, chaypacha. Noqa Tukuy Atiyniyoj Tata Dios chayta nini.

Números 18:27

Chayqa yupasqa kanqa, imaynatachus israelitakuna trigomanta, chantá vinomantawan sapa chunkamanta ujta qonku, ajina.

San Lucas 16:15

Chayrayku Jesús paykunatañataj nerqa: Qankuna runa masiykichejpa ñawpaqenpi cheqan runaman tukunkichej. Chaywanpis Dios sonqoykichejta sumajta rejsin. Ajinaqa imatachus runakuna maypaj qhawanku, chayta Dios millaypaj qhawan, nispa.

Romanos 4:11

Abrahampa circuncidasqa kasqan señal karqa Diospi atinikusqanrayku cheqan runapajña qhawasqa kasqanmanta. Jinataj manaraj circuncidasqa kashajtin, Diosqa cheqan runa kasqanta nerqa. Chayrayku Abrahamqa Diospi tukuy atinikojkunaj tatanku, mana circuncidasqa kashajtinkupis. Diostaj paykunatapis cheqan runapaj qhawan paypi atinikusqankurayku.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.