Levítico 6:5 - DIOSPA QHELQACHISQ

⁵ 5 (5.24) Jinallataj qhasita tiluspa imatachus jap'ikapusqanta kutichipunan tiyan. Mashkhachus valesqanman phishqamanta ujta yapaspa qopunan tiyan. Juchan pampachasqa kananpaj Tata Diosman jaywanqa, chay p'unchayllataj, tukuyninta dueñonman kutichiponqa.

Qheshwa Biblia DC

⁵ Jinallatataj imallatapis qhasimanta juraspa jap'ikapusqanta ima. Tukuyninta kutichipunan tiyan pejpatachus karqa chayman. Yapaykonqataj valorninmanta sapa phishqamanta ujta rikuchikuta juchanmanta apamojtin.

DIOSPA QHELQACHISQAN DEUTEROCANONICAL

⁵ 5 (5.24) Jinallataj qhasita tiluspa imatachus jap'ikapusqanta kutichipunan tiyan. Mashkhachus valesqanman phishqamanta ujta yapaspa qopunan tiyan. Juchan pampachasqa kananpaj Tata Diosman jaywanqa, chay p'unchayllataj, tukuyninta dueñonman kutichiponqa.

Levítico 6:5 ပူးပေါင်းရင်းမြစ်များ

2 Samuel 12:6

Chantapis tawa ovejaj precionta kutichinan tiyan, mana uj chhikanta khuyakuspa ruwasqanrayku, nispa.

Nehemías 10:35

Jinallataj parlanakuyku sapa wata Tata Diosniykoj Templonman apanaykupaj chajraykumanta ñawpaj kaj poqoyta, jinataj tukuy poqoj sach'aykoj poqosqanmantapis.

Éxodo 22:1

1 (21.37) Sichus pipis bueyta, chayrí ovejata suwaspa ñak'anman, chayrí vendenman chayqa, pichus uj bueyta suwaj phishqa bueyta kutichipunan tiyan, uj ovejamantarí tawata.

Éxodo 22:4

4 (3) Sichus suwaj makinpi uywata kawsashajllataraj taripankuman chayqa, suwaqa uywayojman uj jinatawan kutichipunan tiyan. Kachun waka, oveja, chayrí burro.

Éxodo 22:7

7 (6) Sichus pipis runa masinman qolqeta, chayrí imatapis jap'ichikunman chayqa, chay runataj wasinmanta suwachikunman chayqa, pichus suwakushajta jap'ichikoj uj jinatawan kutichiponqa.

Éxodo 22:9

9 (8) Sichus pipis pejpa chinkachikusqan wakanta, burronta, ovejanta, p'achanta, chayrí imallantapis jap'ikapunman chayqa, dueñontaj rikhurimuspa mañapunman chayqa, iskayninku Diospa ñawpaqenman rinanku tiyan. Pichus juchayoj llojsejqa dueñonman uj jinatawan kutichipunan tiyan.

Éxodo 30:7

Aaronqa altar patapi ima munayta q'apashaj inciensota q'oshñichenqa. Chaytaqa sapa paqarin lamparakunata jap'ichinapaj wakichishaspa ruwanqa.

Isaías 58:6

Manachu yachankichej imayna ayunotachus munasqayta? Noqa munani qankuna manakajmanta ñak'arichisqa kajkunata kacharichinaykichejta, yugopi watasqa jina runakunatataj phaskaranaykichejta. Munallanitaj llakichisqa kajkunata kacharinaykichejta, kallpankupi atinikuspa ñak'arichej runakunatataj chinkachinaykichejta.

Isaías 58:9

Chantá Tata Diosman qhaparikojtiykichej, pay uyarisonqachej. Paymanta mañakojtiykichejpis, nimusonqachej: Kaypi kashani, nispa. Wasiykichejpi ñak'arichiy amaña kachunchu, nitaj chejninakuy, nillataj qhasimanta tumpay.

Ezequiel 33:15

Payqa manumanta ima jap'isqanta, suwakusqantataj kutichipunman, manañataj millay imakunata ruwanmanñachu, astawanpis kawsananpaj kamachisqaman jina purinman. Chaytachus ruwanman chayqa, pay kawsanqapuni, manataj wañonqachu.

Levítico 5:16

Juchallejqa Tata Diospaj t'aqasqa kajta jap'ikapusqanmanta mashkhachus valesqanta kutichipunan tiyan. Chantá mashkhachus valesqanman sapa phishqamanta ujta yapaspa, sacerdoteman jaywanqa. Sacerdotetaj runaj juchan pampachasqa kananpaj, uywata ñak'aspa, Diosman jaywanqa. Ajinata ruwaspa, sacerdoteqa juchallejpata juchan pampachasqa kananta tarenqa. Chay runaj juchallisqantaj pampachasqa kanqa.

San Lucas 19:8

Chantá Zaqueo sayarispa, Jesusta nerqa: Tukuyta Kamachej Jesús, tukuy kapuwasqanpa khuskanninta wajchakunaman qosaj. Sichus pimantapis ch'awkiyaspa imatapis suwarqani chayqa, tawa jinatawan kutichipusaj, nispa.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.