Levítico 6:20 - DIOSPA QHELQACHISQ

²⁰ 20 (13) Aarón, jinataj miraynin sacerdote kanankupaj aceitewan jawisqa kaspa, ajinata Tata Diosman jaywanqanku: Ch'aki mikhuymanta sumaj kaj jak'umanta iskay kilota jaywanqanku, tutamanta khuskanta, ch'isiyaykuytataj khuskanta. Ajinata wiñaypaj Tata Diosman jaywanqanku.

DIOSPA QHELQACHISQAN DEUTEROCANONICAL

²⁰ 20 (13) Aarón, jinataj miraynin sacerdote kanankupaj aceitewan jawisqa kaspa, ajinata Tata Diosman jaywanqanku: Ch'aki mikhuymanta sumaj kaj jak'umanta iskay kilota jaywanqanku, tutamanta khuskanta, ch'isiyaykuytataj khuskanta. Ajinata wiñaypaj Tata Diosman jaywanqanku.

Levítico 6:20 ပူးပေါင်းရင်းမြစ်များ

1 Crónicas 23:29

Jinallataj yachananku karqa Diospaj t'aqasqa t'antata churanamanta, ch'aki mikhuytawan khuska jaywana yuraj jak'umanta, mana levadurayoj t'antamanta, paylapi kankasqa chayrí chayachisqa jaywanamanta, tukuy imaymana tupunamantawan.

Éxodo 16:36

Israelitakunaqa maná nisqata gomer nisqa chimpunawan chimporqanku. Uj gomertaj iskay kilo jina karqa.

Éxodo 29:2

Chantá sumaj trigo jak'umanta mana levadurayoj t'antatawan, olivo aceitewan puñasqa mana levadurayoj tortillatawan ruwanki. Jinallataj aceitewan jawisqa, mana levadurayoj tortillata ruwallankitaj.

Levítico 23:13

Chantá sumaj kaj jak'uta tawa kilo khuskanniyojta aceitewan puñasqata apamullankichejtaj, Tata Diosman q'olachispa jaywanapaj. Chay q'olachisqaj q'apaynenqa Tata Diospaj ima munay kanqa. Chantapis uj litro vinota apamullankichejtaj, jich'aspa Diosman jaywanapaj.

Levítico 5:1

Tata Dios Moisesta nillarqataj: Sichus mayqenpis testigo jina imatachus rikusqanta, chayrí uyarisqanta sut'inchananpaj wajyasqa kanman, manataj sut'inchayta munanmanchu chayqa, juchallin. Payqa juchachasqa kanqa.

Levítico 5:11

Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa.

Levítico 6:11

11 (4) Chaymantataj sacerdoteqa linomanta p'achata lluch'ukuspa, waj p'achata churakonqa. Chantá chay ushphata jaramanta jawaman uj llimphu cheqaman apanqa.

Levítico 6:19

19 (12) Tata Dios Moisesta nillarqataj:

Números 28:10

Chay q'olachisqa jaywanata samarina p'unchaypi vino jaywanatawan, chantá sapa p'unchay q'olachispa jaywanatawan khuska jaywankichej.

Números 28:3

Kamachillaytaj q'olachispa Tata Diosman jaywanata jaywanawankoqa kaykuna kananta: Sapa p'unchay q'olachispa uj watayoj iskay corderota, mana iman imanasqata jaywawanqanku.

Números 4:16

Sacerdote Aaronpa churin Eleazar qhawanqa lamparakunapaj aceite ama pisinanmanta. Jinallataj sumaj q'apashaj inciensomanta, ch'aki mikhuy jaywanamanta, Diospaj t'aqanapaj jawina aceitemanta qhawallanqataj. Chantá Dioswan Tinkukuna Toldomanta chaypi tukuy ima kajmanta, chantá Diospaj t'aqasqa imakunatawan qhawallanqataj, nispa.

Hebreos 5:1

Diosqa tukuy kuraj kaj sacerdotekunata runakuna ukhumanta ajllan, paykuna runakunaj sutinkupi Diospa ñawpaqenpi rikhurinankupaj. Jinataj kuraj kaj sacerdoteqa runakunaj sutinpi jaywanakunata Diosman jaywan, jinallataj jucha pampachasqa kananpaj uywa ñak'asqa q'olachinatapis.

Hebreos 7:27

Jesusqa mana chay waj kuraj kaj sacerdotekuna jinachu. Paykuna sapa p'unchay uywa ñak'asqata q'olachispa Diosman jaywananku karqa, ñawpajta paykunaj juchankurayku, qhepantataj runakunaj juchankurayku. Jesusrí runakunaj juchanku pampachasqa kananpaj uj kutillata wiñaypaj wañorqa, pay kikin kawsayninta qospa.