Levítico 6:2 - DIOSPA QHELQACHISQ

² 2 (5.21) Pillapis runa masinta q'otiyajqa, Tata Diospa contranpi juchallin. Ichapis kay jinata ruwaspa juchallinman: Payman runa masin saqekusqanta jap'ikapuspa, chayrí prenda qosqanta mana qopuspa, chayrí imantapis suwaspa, chayrí kallpanman atinikuspa imantapis qhechuspa.

DIOSPA QHELQACHISQAN DEUTEROCANONICAL

² 2 (5.21) Pillapis runa masinta q'otiyajqa, Tata Diospa contranpi juchallin. Ichapis kay jinata ruwaspa juchallinman: Payman runa masin saqekusqanta jap'ikapuspa, chayrí prenda qosqanta mana qopuspa, chayrí imantapis suwaspa, chayrí kallpanman atinikuspa imantapis qhechuspa.

Levítico 6:2 ပူးပေါင်းရင်းမြစ်များ

Génesis 26:7

Chantá chay llajtayojkuna warminmanta tapojtinku, Isaac kuticherqa: Payqa panay, nispa. Isaacqa Rebeca paypa warmin kasqanta niyta manchachikorqa, imaraykuchus Rebeca manchay k'achita karqa. Chayrayku Isaac yuyarqa chay llajtayojkuna warmin Rebecarayku payta wañuchinankuta.

Salmos 51:4

4 (6) Noqaqa contraykita, qanpa contrallaykita juchallikorqani, imatachus millachikusqaykita ruwaspa. Chayrayku nisqaykeqa cheqan, juchachawaspataj, mana pantankichu.

Proverbios 24:28

Ama runa masiykej contranta qhasimanta testigo kaychu, amataj ima llullatapis parlaychu.

Proverbios 26:19

ajinallataj pichus kawsaqenta q'otiyaspa, nin: Pujllaspalla ruwarqani, nispa.

Isaías 21:2

Diosqa mosqoypi jina manchachikunata rikuchiwan. Wasanchajtaqa wasanchanku, chinkachejtataj chinkachillankutaj. Sayarikuy ari, Elam suyu, soldadoykikunawan, qanpis Media suyu, soldadoykikunawan llajtata jap'inapaj muyuykuy. Babilonia wajkunata ayqochisqanta tukuchisaj.

Isaías 24:16

Kay pachaj k'uchunmantapacha takejkunata uyariyku: Cheqan Kaj jatunchasqa kachun, nispa nejta. Noqatajrí nerqani: May llakisqa kashani, sonqoypis llakiywan phatashanña, imaraykuchus tukuy kay pacha wasanchaj runakunawan junt'a kashan.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Jeremías 9:5

5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Ezequiel 40:46

Wichaynejman punkuyoj cuartotaj altarta qhawaj sacerdotekunapaj kallanqataj. Paykunalla Leví jatun ayllumanta Sadocpa churinkuna kanku, mayqenkunachus Tata Diospaj llank'anankupaj sirvinankupaj wajyasqa kanku, chaykuna.

Levítico 1:3

Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 19:11

Ama suwakunkichejchu. Amallataj llullakuychejchu, nillataj ujkuna ujkunawan q'otiyanakuychejchu.

Levítico 5:15

Sichus pillapis mana reparakuspalla juchallinman, noqapaj t'aqasqa kajmanta jap'ikapuspa chayqa, juchallisqanmanta Tata Diosman jaywananpaj, ovejanmanta, mana iman imanasqa corderota apamunan tiyan. Chay cordero mashkhachus valesqantaqa, Dioswan Tinkukuna Toldopi precio churasqa kasqanman jina churankichej. Chayqa jucha pampachasqa kananpaj jaywanamin.

Levítico 5:19

Chayqa juchamanta jaywanamin, imajtinchus juchallejqa cheqatapuni Diospa contranpi juchallerqa, nispa.

Levítico 6:1

1 (5.20) Tata Dios Moisesta nillarqataj:

Amós 8:5

Qankuna ninkichej: Mayk'ajllañataj mosoj killa raymi tukukonqa trigota ranqheyananchejpajri? Mayk'ajllañataj samarina p'unchay tukukonqa trigota kurajpi, chantá suwa romanapi ranqheyananchejpajri?

Habacuc 1:13

Qanqa may llimphu kasqaykirayku, millay kajta ruwanata mana qhawallaytapis atinkichu. Jina kaspa, millayta ruwajta mana qhawakullankichu. Imaynatataj ari millay ruwajkunata qhawakullankiri? Imanaynatataj ch'inlla kanki millay runakuna paykunamanta aswan allin runakunata wañuchejtinkuri?

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

Hechos 5:4

Manaraj vendeshajtiyki, chay jallp'a qanpata karqa. Vendejtiykipis, chay qolqe qanpallatataj karqa. Imaraykutaj sonqoykipi ajinata llullakuyta yuyarqanki? Qan mana runallamanchu llullakorqanki, aswanpis Diosman, nispa.

Efesios 4:25

Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

Colosenses 3:9

Amallataj qankunapura llullanakuychejchu, imajtinchus juchallispa purinaman aysaj sonqota lluch'ukuspa wijch'orqankichejña.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.