Levítico 6:18 - DIOSPA QHELQACHISQ

¹⁸ 18 (11) Qhepanejman, wiñaypaj Aaronpa mirayninmanta tukuy qhareqa q'olachispa Tata Diosman jaywanamanta mikhuyta atenqanku. Kayqa wiñaypaj kamachisqay kanqa. Tukuy imachus Diosman jaywanaman chayajqa Tata Diospaj t'aqasqa kanqa, nispa.

Qheshwa Biblia DC

¹⁸ Qhepamanqa wiñaypaj tukuy qharis Aarompa mirayninmanta kajkuna kay mikhunasmanta chayaqenkuta mikhuyta atenqankupuni; Señorpaj ruphachisqa rikuchikusmanta, imaraykuchus kayqa kanqa uj ley jina. Pillapis, chaypi imallapis kay rikuchikusman chayajqa llimphuchasqa kanqa.

DIOSPA QHELQACHISQAN DEUTEROCANONICAL

¹⁸ 18 (11) Qhepanejman, wiñaypaj Aaronpa mirayninmanta tukuy qhareqa q'olachispa Tata Diosman jaywanamanta mikhuyta atenqanku. Kayqa wiñaypaj kamachisqay kanqa. Tukuy imachus Diosman jaywanaman chayajqa Tata Diospaj t'aqasqa kanqa, nispa.

Levítico 6:18 ပူးပေါင်းရင်းမြစ်များ

Éxodo 29:37

Qanchis p'unchayta altarpi, jucha pampachasqa kananpaj, uywa ñak'asqata Diosman jaywanki. Ajinata ruwaspa altarta Diospaj t'aqanki. Altartaj may llimphupaj qhawasqa kanqa. Imallapis altarman chayaykojqa Diospaj t'aqasqa kanqa.

Levítico 3:17

Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

Levítico 4:24

Chantá kamachejqa chivoj umanman makinta churaytawan, Tata Diospa ñawpaqenpi chay chivota ñak'anqa, q'olachinapaj maypichus uywata ñak'anku, chaypi. Chayqa jucha pampachasqa kananpaj Diosman jaywanamin.

Levítico 4:3

Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Levítico 4:33

Chantá ovejaj umanman makinta churaspa, q'olachinapaj maypichus uywata ñak'anku, chaypi ovejata ñak'anqa. Chayqa jucha pampachasqa kananpaj Diosman jaywanamin.

Levítico 6:10

10 (3) Chantá sacerdoteqa linomanta ruwasqa p'achata, calzoncillotawan churakuspa, ñak'asqa uywa q'olasqa ushphaman tukusqanta oqharenqa. Jinaspataj, altarpa qayllanman churanqa.

Levítico 6:19

19 (12) Tata Dios Moisesta nillarqataj:

Levítico 6:27

27 (20) Imallapis Diosman jaywasqa aychaman chayajqa Diospaj t'aqasqa kanqa. Sichus uywaj yawarnin p'achaman ch'altaykunman chaypis, p'achata Diospaj T'aqasqa Cheqapi t'ajsanqanku.

Levítico 6:29

29 (22) Diosman jaywasqa aychataqa sacerdotekunalla mikhuyta atenqanku, imaraykuchus chay aychaqa Tata Diospaj t'aqasqamin.

Levítico 7:6

Chantá jucharayku jaywasqa uywamantaqa Diospaj T'aqasqa Cheqapi tukuy sacerdotekuna mikhuyta atenqanku, imaraykuchus chayqa Diospaj t'aqasqamin.

Números 18:10

Diospaj t'aqasqa jaywanamantaqa qharikunalla mikhunkichej. Chaytataj Diospaj T'aqasqa Cheqapi mikhunkichej, Diosllapaj t'aqasqa kasqanrayku.

Números 18:8

Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

1 Corintios 9:13

Manachu yachankichej Templopi imachus ruwanapi ruwaysikojkunaqa Diosman jaywasqamanta mikhusqankuta? Jinallataj altarpi jaywajkunapis manachu altarpi kaj ofrendamanta wakinta jap'illankutaj?

1 Pedro 1:16

Diospa Qhelqachisqanpi nin: Qankunaqa Diospaj t'aqasqa kajkuna jina puriychej, imaraykuchus noqaqa may llimphumin kani, nispa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.