Levítico 6:16 - DIOSPA QHELQACHISQ

¹⁶ 16 (9) Ch'aki mikhuy jaywanamanta puchojtataj Aaronwan, churinkunawan ima mikhonqanku, Dioswan Tinkukuna Toldoj pationpi, Diospaj T'aqasqa Cheqapi.

Qheshwa Biblia DC

¹⁶ Chay rikuchikusmanta puchojtataj Aaronwan wawasninwan mikhonqanku mana levadurayojta uj sumaj t'aqasqa cheqapi, Dioswan tinkukuna toldoj ñaupaqempi kaj patiopi.

DIOSPA QHELQACHISQAN DEUTEROCANONICAL

¹⁶ 16 (9) Ch'aki mikhuy jaywanamanta puchojtataj Aaronwan, churinkunawan ima mikhonqanku, Dioswan Tinkukuna Toldoj pationpi, Diospaj T'aqasqa Cheqapi.

Levítico 6:16 ပူးပေါင်းရင်းမြစ်များ

2 Crónicas 31:14

Inti llojsimuy lado punkuta qhawaj Imnaj churin levita Coré karqa. Payqa qhawarqa sonqonkumanta Diosman ofrendata apamusqankuta. Payllataj Diosman jaywasqa ofrendakunata, chay Tata Diospaj t'aqasqa imakunatawan rak'inan karqa.

Éxodo 12:8

Chay ch'isitaj aychata kankaspa, jaya qhorayojta, chantá mana levadurayoj t'antatawan ima mikhunkichej.

Ezequiel 44:29

Jucha pampachanapaj uywa ñak'asqa jaywanamanta, chantá jucharayku jaywanamantawan paykuna mikhuyta atenqanku. Israelitakuna tukuy imata noqaman qowasqankoqa paykunajta kanqa.

Levítico 2:3

Jaywanamanta puchoj jak'utaj Aaronpaj, churinkunapajwan ima kanqa. Chay jak'utaj Tata Diospaj t'aqasqa kasqanrayku, maypaj qhawasqa kanqa.

Levítico 5:13

Ajinata sacerdote ruwanqa, imallapipis chay runaj juchallisqan pampachasqa kananpaj. Juchallejtaj qhespichisqa kanqa. Diosman jaywanamanta puchojtaj sacerdotepaj kanqa, imaynatachus ch'aki mikhuy jaywanamanta sacerdotekuna jap'inku, ajina, nispa.

Levítico 6:23

23 (16) Sacerdotekunaj jaywasqankoqa tukuyninpuni q'olachisqa kanqa. Mana pipis chaymanta mikhonqachu, nispa.

Levítico 6:26

26 (19) Jucha pampachasqa kananpaj jaywaj sacerdoteqa mikhonqa chay jaywanamanta Dioswan Tinkukuna Toldoj pationpi. Chay cheqaqa Diospaj t'aqasqamin.

Números 18:8

Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

1 Corintios 5:8

Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.