Levítico 5:2 - DIOSPA QHELQACHISQ

² Sichus pillapis mana reparakuspa, ch'ichipaj qhawasqa wañusqa animalta llankhanman, wasi uywata, chayrí pampata qhatatakuspa purej animalta chayqa, chay runa mana llimphupaj qhawasqa kanqa, juchayojtaj.

Qheshwa Biblia DC

² Sichus pillapis llankhanman ima ch'ichitapis: mayqen wañusqa monte animalpa ch'ichi aychanta chayri uywaj ch'ichi aychanta, chayri wañusqa katarej ch'ichi aychanta chayqa, paypis ch'ichillataj qhepakonqa. Chay runaqa juchachasqa kanqa mana reparakunman chaypis.

DIOSPA QHELQACHISQAN DEUTEROCANONICAL

² Sichus pillapis mana reparakuspa, ch'ichipaj qhawasqa wañusqa animalta llankhanman, wasi uywata, chayrí pampata qhatatakuspa purej animalta chayqa, chay runa mana llimphupaj qhawasqa kanqa, juchayojtaj.

Levítico 5:2 ပူးပေါင်းရင်းမြစ်များ

Salmos 19:12

12 (13) Pitaj pantasqanmanta reparakuyta atinmanri? Qhespichiway Tata Dios, mana reparakuspalla juchallisqaymanta.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Levítico 11:11

Chay animalkunaj aychanta ama mikhunkichejchu. Chayta millaypaj qhawankichej, wañojtinkupis ama llankhankichejchu.

Levítico 11:8

Chay uywakunaj aychanta ama mikhunkichejchu. Payllamanta wañojtinpis mana llojchillankichejpischu. Chaykunata mana llimphuchu kasqanta qhawankichej.

Levítico 4:13

Sichus tukuy israelitakuna mana yuyasqallamanta juchallikunkuman, nitaj pipis reparanmanchu Tata Diospa kamachisqanmanta ujninta p'akisqankuta chayqa, ajina kajtinpis juchayojpuni kanqanku.

Levítico 5:17

Sichus pillapis mana reparakuspalla, Tata Diospa kamachisqanmanta mayqellantapis p'akinman chayqa, chay runa juchayoj kanqa. Juchallisqantaj patanpi kanqa.

Levítico 5:3

Sichus pillapis mana reparakuspalla, runaj ukhunmanta llojsej ch'ichinta llankhanman chayqa, mana llimphupaj qhawasqa kanqa. Chantá qhepanejman reparakunman chaypis, juchayojmin kanqa.

Levítico 5:4

Sichus mayqellanpis mana allinta qhawarikuspalla, allin kajta, chayrí mana allin kajta ruwananta tilunman chayqa, chaymantataj pantaykusqanta reparakunman chaypis, chay runaqa juchayojmin kanqa.

Levítico 7:21

Ichapis pipis runaj ch'ichinta llankhanman, chayrí ch'ichipaj qhawasqa animalta, chayrí ima ch'ichillatapis llankhanman, jinapis Tata Diosman k'achata kawsakuy jaywanamanta mikhunman chayqa, llajtamanta wijch'usqa kanqa, nispa.

Hageo 2:13

Chantá Diosmanta sut'inchaj Hageo ujtawan tapullarqataj: Nisunman, sichus mayqen runapis ayata llankhasqanrayku mana llimphupaj qhawasqa kaspa, chay mikhuykunata llankhanman chayqa, chay mikhuykuna ch'ichipaj qhawasqachu kanman? nispa. Sacerdotekunataj kuticherqanku: Arí, ch'ichipaj qhawasqa kanman, nispa.

Números 19:22

Mana llimphupajchu qhawasqa runaj tukuy imata llankhasqanqa ch'ichipaj qhawasqallataj kanqa. Pichus mana llimphupaj qhawasqa runata llankhajpis, ch'isiyaykuykama mana llimphupaj qhawasqallataj kanqa.

San Lucas 11:44

Ay qankunamanta. Qankuna mana rikukoj aya p'ampana jina kankichej. Chay aya p'ampana patata purispa, runakuna Diospa ñawpaqenpi ch'ichichakusqankuta mana reparakunkuchu, nispa.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

Deuteronomio 14:8

Khuchitapis ama mikhunkichejchu. Chaykunaj chaki sillunkoqa p'alqasqa chaypis, mana k'anunkuchu. Qankunaqa chaykunaj aychankuta ama mikhunkichejchu, ni wañojtinkupis llankhankichejchu.