Levítico 5:11 - DIOSPA QHELQACHISQ

¹¹ Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa.

Qheshwa Biblia DC

¹¹ Sichus chay runajta mana tiyapunchu iskay juruk'utasta, chayri iskay irpastapis rantikunampaj chayqa, juchampa cuentanmanta apamuchun iskay kilos sumajnin ñut'u jak'uta. Chay ñut'u jak'umanqa amapuni aceiteta, nitaj inciensotapis churanqachu. Chayqa juchaj cuentanmanta rikuchiku apamusqa.

DIOSPA QHELQACHISQAN DEUTEROCANONICAL

¹¹ Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa.

Levítico 5:11 ပူးပေါင်းရင်းမြစ်များ

Éxodo 16:18

Chaywanpis pallasqankuta chimpojtinku, ashkhata pallakojpaj mana puchorqachu, nitaj pisillata pallakojpajpis piserqachu. Sapa ujninku mashkhatachus mikhunankupaj jinalla pallakorqanku.

Éxodo 16:36

Israelitakunaqa maná nisqata gomer nisqa chimpunawan chimporqanku. Uj gomertaj iskay kilo jina karqa.

Levítico 1:14

Sichus pipis Tata Diosman q'olachispa jaywanapaj phawajkunamanta apamunman chayqa, jurk'utata, chayrí urpi irpata apamunan tiyan.

Levítico 12:8

Sichus onqokoj warmejta corderota apamunanpaj mana tiyapunmanchu chayqa, apamuchun iskay jurk'utata, chayrí iskay urpi irpata. Ujnenqa Tata Diosman q'olachispa jaywanapaj kanqa, ujnintaj jucha pampachasqa kananpaj Diosman jaywanapaj kanqa. Ajinata sacerdoteqa warmej juchan pampachasqa kananpaj jaywanqa, warmitaj llimphupaj qhawasqa kanqa, nispa.

Levítico 14:21

Sichus llimphuchakoj runa pisi tiyapuyniyoj kasqanrayku, Diosman jaywananpaj mañasqankuta mana rantiyta atinmanchu chayqa, jucharayku jaywanapaj uj corderollata apamuchun. Apamusqanta juchan pampachasqa kananpaj, ikhaspa Tata Diosman jaywanqa. Apamullachuntaj aceitewan puñasqa sumaj jak'umanta iskay kilota, ch'aki mikhuy jaywanata jaywanapaj. Khuskan botella aceitetapis apamullachuntaj.

Levítico 27:8

Sichus Diosman qonanta nej runa mana kapuyniyoj kaspa, runaj precion churasqa kajta mana pagayta atinmanchu chayqa, sacerdoteman pusachunku. Sacerdotetaj Diosman qonanta nej runaman pagayta atinanpaj jinalla preciota churanqa.

Levítico 5:12

Chayta sacerdoteman apanqa, paytaj uj pojtu jak'uta oqharispa, yuyarikuna jaywanata jina altarpi q'olachenqa, Tata Diosman jaywanatawan khuskata. Chayqa jucha pampachasqa kananpaj Diosman jaywanamin.

Levítico 5:6

Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.

Levítico 5:9

Chantá uj chhika yawarta altarpa uj lado uyanman ch'ajchonqa. Puchoj yawartataj altarpa uranman sut'uchenqa. Chayqa jucha pampachasqa kananpaj Diosman jaywanamin.

Levítico 6:20

20 (13) Aarón, jinataj miraynin sacerdote kanankupaj aceitewan jawisqa kaspa, ajinata Tata Diosman jaywanqanku: Ch'aki mikhuymanta sumaj kaj jak'umanta iskay kilota jaywanqanku, tutamanta khuskanta, ch'isiyaykuytataj khuskanta. Ajinata wiñaypaj Tata Diosman jaywanqanku.

Números 5:15

warminta sacerdoteman pusanqa. Chantá warminpa cuentanmanta iskay kilo cebada jak'uta Diosman jaywanqa. Chay jak'umanqa mana aceiteta, nitaj inciensota jich'anqachu, imaraykuchus chay jaywanaqa celosakunamanta jaywana kashan, chayrayku. Chayqa juchata sut'inchanapaj jaywanamin.

Números 7:13

Payqa qolqemanta ruwasqa uj ch'illamita apamorqa. Apamusqan ch'illameqa 1.430 gramo pesarqa. Chantá qolqe metalmanta ruwasqa uj yurutawan apamullarqataj. Chay apamusqan yurutaj Dioswan Tinkukuna Toldopi chimpu churasqa kasqanman jina, 770 gramo pesarqa. Iskayninta aceitewan puñasqa sumaj jak'uwan junt'ata apamorqa, ch'aki mikhuy jaywanata Diosman jaywanapaj.

San Lucas 2:24

Jinallatataj Diosman uj jaywanata aparqanku, Diospa kamachisqanpi nisqanman jina: Iskay urpita chayrí iskay jurk'utata Diosman jaywankichej, nispa.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Hebreos 9:22

Diospa kamachisqaman jina, ñawpaqenpi imapis llimphuchasqa kananpaj, uywa ñak'asqaj yawarninta ch'ajchunanku karqa. Yawar mana ch'ajchusqa kajtinrí, manallataj ima juchapis pampachasqachu karqa.